Предвидлив пат кон ЕУ или застој на европскиот пат? - Канал 5

Македонија

Предвидлив пат кон ЕУ или застој на европскиот пат?

Очекувана беше пораката за уставните измени од шефот на Европскиот Совет Антонио Кошта, оценуваат дел од експертите, по неговата посета на Скопје вчера.

Предвидлив пат кон ЕУ или застој на европскиот пат?

Марко Трошановски од Институтот за демократија вели дека тоа што Кошта го повтори истиот став на унијата и во оваа прилика, го потврдува фактот дека внесувањето на Бугарите во Уставот е обврзувачки чекор, а единствена опција за заштита од нови барања и блокади, тој гледа во т.н. внатрешни гаранции.

-Она што треба и е факт сега за сега е дека уставните измени мора да се случат за топката да се префрли на другата страна, политичкото расположение на унијата да се префрли на страната на Бугарија којашто го злоупотребува процесот, односно притисокот да се префрли кон Бугарија. Она што ние мораме и треба да го направиме е да развиеме механизам за внатрешни гаранции коишто нема да дозволат злоупотреба на внесувањето на Бугарите во Уставот од страна на недобронамерни политички елити тука и во Бугарија,- Марко Трошановски – Институт за демократија.

Кошта на прес-конференцијата со премиерот Мицкоски беше дециден дека нема промена во ставот за усвојување на уставните измени како преземена обврска уште пред четири години. За евентуални гаранции од унијата без да даде директен одговор рече дека може да се размислува дури после исполнување на договореното.

-Усвојувањето на договорените уставни измени останува единствениот начин за формално започнување на пристапните преговори. Како што кажав и пред една година. Она што е договорено, е договорено. И треба да се испорача она што е договорено и ништо повеќе од она што е договорено,- Антонио Кошта – претседател на Европскиот Совет (02.06.2026)

Сега фокусот е на претстојниот самит за Западен Балкан во Тиват кадешто се очекува да се отвори дебата за предлогот на канцеларот Мерц, Трошановски е песимист дека самитот во Тиват може да донесе некакви позитивни сигнали за земјава, бидејќи во унијата има разногласие за етапната интеграција.

-Не верувам дека ќе има едногласно решение или некаква декларација која што ќе произлезе како заедничко барање од сите држави на Западен Балкан, ниту пак како единствен став на Европската Унија. Мислам дека повеќе може да се очекува некоја конкретизирана рамка да се разговара за тие модалитети, дали влез во слободен пазар, набљудувачко членство во институциите на ЕУ и слично, а нешто поконкретно од тоа не верувам дека ќе се случи,- Марко Трошановски – Институт за демократија.

Инаку токму Кошта ќе биде копретседавач на самитот, кој ќе се одржи во петок на 5 јуни во Црна Гора. Претходно освен Скопје, беше и во Сараево, а ќе има средби и со лидерите од Приштина и Белград.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собранието ги избра новите 8 министри

Во Собранието беа избрани 8-те новите министри во Владата предложени со владината реконструкција. 

Собранието ги избра новите 8 министри

За изборот на нови министри гласаа само пратениците од владеачкото мнозинство односно 69 пратеници. Опозицијата ја напушти седницата поради навредите кои кон нив ги упатил поранешниот министер за односи со заедниците и нов министер за локална самоуправа Иван Стоилковиќ.

Попладнево, ситуацијата ексалираше, откако опозијата го обвини Стоилковиќ дека упатил навреди и пцовки на адреса на пратениците на СДСМ Фатмир Битиќи и Митко Трајчулевски надвор од салата, за време на попладнвената пауза.

За нов министер за правда е избран Јетон Шасивари член на Вреди, министер за земјоделство Борче Серафимовски од ЗНАМ, нов министер за односи меѓу заедниците Агон Ферати од Вреди, министер за здравство Сашо Клековски од ВМРО-ДПМНЕ, министер за туризам и култура Седат Сулејмани од Вреди, министер за социјална политика, демографија и млади Ѓоко Велковски од ВМРО-ДПМНЕ, министер за локална самоуправа Иван Стоилковиќ од ДПСМ, а нов министер без ресор е Ерџан Демир од ВМРО-ДПМНЕ.

Новите министри беа избрани со 69 гласа „ЗА“, без ниту еден воздржан и против.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

„Треба да се работи на рационализација, на ваков начин не одиме никаде“

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

Имате ситуација во Парламент, Артан Груби го нарекува криминалец Сашо Мијалов, од друга страна излегува дека тој го ослободува од затвор. Тоа што политичарите го прават нечесно, нема врска со патриотизам, туку имаат за цел да ги лажат граѓаните за да добијат гласови. Треба само малку да ги гледаш работите пологично и да бидеш порационален за да сфатиш. Не знам што е лошо некој да каже дека ја почитува државата во која што живее за да добие негативнии коментари.

Треба ли да пишувам дека ја сакам Албанија, а не ја сакам Македонија, за да добивам позитивни коментари? Треба да се работи на рационализација, на ваков начин не одиме никаде. Замисли каков притисок ќе биде направен на властите ако целиот народ и Македонците и Албанците и сите други останати се обединат за некои прашања, како што се на пример загадувањето, за неправди, каков ли притисок ќе имаат властите ако народот се обедини за таков вид на прашања. И кога притисокот кон властите е поголем, тогаш и можноста тие државата да ја гледаат како извор на лично финансирање, е помала. Тогаш тие ќе чувствуаат притисок и повеќе ќе работат за граѓаните, помалку за себе, вели Умејр Мухамеди во Само Вистина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Марта е новата Мис Болоња: Некои слават, други незадоволни

Изборот на Марта Бунд за Мис Болоња 2026 предизвика жестока дебата на социјалните мрежи.

Марта е новата Мис Болоња: Некои слават, други незадоволни

Откако беше прогласена за победничка на регионалниот натпревар, следеа илјадници коментари, а мислењата на корисниците беа целосно поделени. Дел од дебатата беше за нејзиното африканско потекло.

Додека дел од јавноста ја гледа победата на Марта како знак на отвореност и инклузивност, други изразија незадоволство од исходот од натпреварот.

Во коментарите, некои корисници тврдеа дека изборите за убавина треба да го претставуваат „традиционалниот изглед“ и културното наследство на регионот. Други, пак, нагласија дека потеклото не треба да игра никаква улога во евалуацијата и дека единственото нешто што е важно е како кандидатките се претставиле и ги исполниле критериумите за натпреварување.

Што всушност освои таа?

Дебатата беше дополнително поттикната од објави што содржеа неточни или нецелосни информации, па затоа вреди да се разјасни што е во прашање.

Марта Бунда не беше крунисана за Мис Италија, туку ја освои титулата Мис Болоња 2026. Тоа беше регионално натпреварување кое ѝ обезбеди место во овогодинешното финале на Мис Италија.

Организаторите стојат зад својата одлука

Ваквите дискусии не се ништо ново во Италија. Во претходните години, учеството или победите на кандидатки од странско потекло, исто така, предизвикаа бројни реакции на социјалните мрежи и кај дел од јавноста.

Организаторите на натпреварот сè уште не дадоа коментар за контроверзноста, а резултатот од регионалниот натпревар останува на сила. Во меѓувреме, дебатата за современите идеали за убавина, идентитет и претставување на различни заедници продолжува на социјалните мрежи.

Извор: Индекс.хр

Тагови: Мис Болоња Марта Бунд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер