Предлогот за гувернер денеска нема да биде доставен до Собранието, ќе биде познат деновиве - Канал 5

Македонија

Предлогот за гувернер денеска нема да биде доставен до Собранието, ќе биде познат деновиве

Иако најави дека денеска ќе го достави предлогот за нов гувернер на НБРМ, сепак претседателката Сиљановска Давкова конечната одлука ќе ја донесе деновиве. 

Предлогот за гувернер денеска нема да биде доставен до Собранието, ќе биде познат деновиве

Викендов како што посочи, имала разговори со тројцата потенцијални кандидати, сегашната гувернерка Анита Ангелоска Бежоска, поранешниот министер за финенсии Зоран Ставрески, неговиот претходник и актуелен претседател на Советот на Град Скопје, Трајко Славески. Сиљановска вели потребни и се уште неколку дена да ја донесе конечната одлука бидејќи станувало збор за тројца исклучително искусни кандидати.

„Причината е мојот долг плоден разговор со тројцата потенцијални кандидати сите се извонредни ме започнаа со она што го правеле во животот со биграфиите, дополнително ќе ги достават, кога разговарате со секој од нив по чачс, ччас и половина во голема дилема сте....“ -изјави Гордана Сиљановска Давкова – претседател на државата.

Ова значи дека на утрешната собраниска седница нема да се гласа за нов прв човек на НБРМ, како што досега се најавуваше, но иако 7 годишниот мандат на Бежоска истекува на 22 мај, тоа нема да го доведе во прашање работењето на институцијата, бидејќи согласно закон, се до избор на нов гувернер, Бежоска ги има истите овластувања.

„Член на Советот на кој му истекол мандатот, до именување на нов член, ги исполнува истите овластувања и ги извршува истите задачи утврдени со закон. “- Закон за НБРМ – член 55, став 3.

Премиерот Мицкоски во изјава за медиумите денеска посочи дека деновиве ќе има нова средба со Сиљановска, по што очекува до крајот на неделава претседателката да има конечен предлог, и уверува дека немаат несогласувања околу ова прашање.

-Знам дека имаше одредени консултации во текот на викендот претседателката. Претпостауввуам дека деновиве треба уште еднашка да се видиме да поразговараме и потоа сум сигурен дека до крајот на неделата или во рамките на оваа недела ќе биде испратен предлогот за нов гуверенер...“ --изјави Христијан Мицкоски – претседател на Влада.

Освен Бежоска, Славески, Ставрески во јавноста за нов гуверенер се споменуваа и имињата на пораншената вицегуврнерка Маја Кадиеска Војновска и универзитетскиот професор Борче Треновски. Гувернерот го предлага претседателот на државата, а се избира во Собранието за што е потребно просто мнозинство, односно 61 глас од вкупниот број на пратеници.

YouTube video

Тагови: Народна Банка Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп ја нападна одлуката на Конгресот за ограничени овластувања против Иран: Не сте патриоти

Американскиот претседател Доналд Трамп остро ја нападна резолуцијата на Претставничкиот дом со која се бара ограничување на неговите овластувања за започнување воена акција против Иран, нарекувајќи го гласањето „бесмислено“, а потегот „непатриотски“.

Трамп ја нападна одлуката на Конгресот за ограничени овластувања против Иран: Не сте патриоти

Резолуцијата, усвоена од Претставничкиот дом, контролиран од републиканците, ја ограничува можноста на Трамп да започне понатамошни напади врз Иран, освен ако Конгресот не објави војна или формално не одобри употреба на воена сила.

Трамп: Непатриотски потег среде преговорите

Во објава на социјалната мрежа Truth Social, Трамп рече: „Вчера Претставничкиот дом гласаше со бесмислено гласање за ограничување на моите воени овластувања, а четворица лоши републиканци и сите „глупави и поглупави“ гласаа за тоа.

И ова во средината на моите последни преговори за завршување на војната со Исламската Република Иран“. „Кој би направил нешто толку непатриотско? Тие знаат каде се преговорите“, додаде тој. Тој ги обвини своите политички ривали дека дејствуваат од лична нетрпеливост.

„Демократите се водени од синдромот на Трампово растројство. Тие би сакале нашата земја да пропадне отколку јас да забележам уште една победа, од многуте“, тврдеше тој, осврнувајќи се на своите сопартијци кои гласаа против него: „Четирите републиканци, тоа е сосема друга приказна - тие бараат внимание! Треба да се засрамат. МАГА!!!“

Тагови: Доналд Трамп Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Словенија доби нова влада, по четврти пат Јанша е премиер

Словенечкиот парламент на вонредна седница го потврди министерскиот тим на премиерот Јанез Јанша, со што ја избра новата словенечка влада.

Словенија доби нова влада, по четврти пат Јанша е премиер

Дебатата, која започна во 9 часот наутро, требаше да трае осум часа.

Сепак, на самиот почеток на седницата се случи пресврт: движењето Свобода побара претседателот на Парламентот Зоран Стевановиќ да се извини, што тој го одби. После тоа, седницата беше накратко прекината, објавува 24ur.com.

Од присутните 79 пратеници, 49 гласаа „за“, а 30 „против“, објавува Дело.

Новиот владин тим, предложен од лидерот на Словенечката демократска партија (СДС) Јанез Јанша, вклучува 15 министри. Меѓу коалициските партнери, најмногу министерски позиции, седум, доби СДС, четири Нова Словенија (НСи), три Демократите, една Фокус, додека Словенечката народна партија (СЛС) остана без својот министерски кандидат.

На првата седница на владата се очекуваат и првите потези на новата извршна власт. Судејќи според практиката од претходните години, може да се очекува дека на седницата ќе се случат и одредени кадровски промени, на пример на позицијата директор на Словенечката разузнавачка и безбедносна агенција (СОВА), на владината служба за комуникации, а можеби и на директорот на полицијата. Се очекува Јанез Стушек да се врати на чело на СОВА, додека Себастјан Јеретич ќе ја преземе владината комуникација. Според медиумските извештаи, Дамир Иванчиќ се споменува како наследник на Дамјан Петрич на врвот на полицијата.

Тагови: Јанез Јанша

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДКСК отвори предмет за ревизорските наоди за злоупотреби на државни пари во ИЈЗ

Државната комисија за спречување на корупцијата по сопствена иницијатива отвори предмет во врска со наодите содржани во ревизорскиот извештај на Државниот завод за ревизија, а кои се однесуваат на Институтот за јавно здравје.

ДКСК отвори предмет за ревизорските наоди за злоупотреби на државни пари во ИЈЗ

Државната комисија за спречување на корупцијата денес, на колегиум, постапувајќи согласно своите надлежности утврдени со Законот за спречување на корупцијата и судирот на интереси, по сопствена иницијатива отвори предмет во врска со наодите содржани во ревизорскиот извештај на Државниот завод за ревизија, а кои се однесуваат на Институтот за јавно здравје.

Предметот е отворен поради потребата од проверка на наводите изнесени во јавноста и медиумите, како и согледување на евентуални ризици од корупција, судир на интереси, злоупотреба на службена положба или други неправилности во работењето, во рамките на надлежностите на ДКСК.

ДКСК ќе ги преземе сите потребни дејствија за прибирање и анализа на релевантната документација и информации од надлежните институции, со цел утврдување на фактичката состојба.

За понатамошниот тек на постапувањето, јавноста ќе биде навремено информирана.

Државна комисија за спречување на корупцијата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер