Македонија

Предлог-законот за задолжување со заем од 260 милиони евра попладнево изгласан во Собранието

И покрај тензиите и острите дискусии, Собранието експресно го изгласа нвоото задолжување со кое земјава ќе добие 260 милиони евра од пет меѓународни банки.

Предлог законот за заемот поминна со 65 гласа „за“ и 14 „против“... Според СДСМ предлог законот се носи преку кршење на деловникот и заобиколување на собраниските процедури. Критикуваа и дека каматните стапки се превисоки, а средставата наместо за капитални инвестиции и за подобар животен стандард ќе се користат за покривање на буџетски дупки.

Од власта возвраќаат – враќаме долгови направени во време на СДСМ, заемот е обезбеден по најдобри услови на пазарот.

од СДСМ регираа на отуството на министеркката Димитриеска-Кочоска и ја повикаа да одговори дали подготвува и ново задолжување. Од власта посочија дека била на службено патување во Словенија, а наместо министерката, предлогот заклонот го образожуваше замник министерот за финансии Николче Јанкуловски, кој кажа дека парите ќе се користат за вложувања во капитални инвестиции и сервисирање на обврски од буџетот..

Законт се доенсе откако претходно Комисиските расправи течеа со прекини, по што од опозициската СДСМ ја напуштија седницата за финансирање и буџет, а Гаши за претседавач го назначи Бојан Стојановски на местото на Лукаревска.

Заемот се зема со рок на отплата од седум години, од кои три години се грејс период и со варијабилна каматна стапка.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: За првпат откако е изграден, го реконструираме мостот „Естакада“

Најфрекфентниот мост во градот добива нов живот, градиме инфраструктура што ќе служи на генерациите, напиша градоначалникот на Скопје, Орце Ѓорѓиевски на Фејсбук.

Целосно го реконструираме мостот „Естакада“ - важна сообраќајна врска за Гази Баба и за цело Скопје!

„📍 Денес, заедно со мојот колега Бобан Стефковски, го означивме почетокот на санацијата на мостот „Естакада“ во Гази Баба, проект кој со години беше барање на илјадници жители и една од најважните сообраќајни точки во овој дел од градот.

✔️ Овој мост има особено значење, затоа што се наоѓа на еден од најфреквентните излези од Скопје и претставува важна врска за граѓаните кои секојдневно се движат кон и од општините што гравитираат во овој дел.

Тука минуваат работници, ученици, семејства, компании, транспорт и затоа нашата обврска е оваа сообраќајна артерија да биде безбедна, функционална и достоинствена.

👷‍♀️ Санацијата опфаќа пристапни рампи на вкупна површина од 10.000 м², од кои 3.800 м² ќе бидат целосно обработени со гребење и вградување два нови слоја асфалт, додека на делот од мостот ќе се постави нов асфалтен слој.

🫵 Дополнително, ќе се изврши замена на рабници, изработка на асфалтни тротоари, чистење, санација и бојадисување на заштитната пешачка ограда, како и замена на постоечките капаци за шахти.

Вкупната должина на делот што се санира изнесува 1,5 километри коловоз.

📍Ова е вложување во безбедноста, во подобрата поврзаност и во секојдневието на илјадници граѓани.

♥️ Скопје заслужува модерна, безбедна и функционална инфраструктура.

Затоа најавувам дека ќе продолжиме со санација на сите мостови во градот каде што има потреба.

🫡 Продолжуваме да го градиме Скопје - чекор по чекор, проект по проект, со дела што се гледаат.“- стои во објавата.

Тагови: Орце Ѓорѓиевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Огромен пожар избувна во близина на Мостар; Паника (ВИДЕО)

Голем пожар избувна денес во областа на Мостар, а пожарот би можел да го блокира главниот пат, бидејќи пожарот сè уште не е ставен под контрола, ниту пак е утврдена неговата причина, објавија локалните медиуми.

Пожарот избувнал на Буна, спроти Намекс, во правец на реката Неретва, а Професионалната противпожарна служба на Мостар потврди дека екипи се на терен и работат на гаснење на пожарот, објави веб-страницата на Требињеданас.

Сè уште не е познато што го предизвикало пожарот или колку површина е зафатена од пожарот, но фотографиите од терен покажуваат дека пожарот се заканува да го блокира главниот пат Мостар-Сараево, додека целата област е покриена со густ чад.

Požar na Buni, vatrogasci na terenu. Opširnije pročitajte na portalu https://t.co/ulFqWb6hu6 pic.twitter.com/F07QflzkyJ
— Bljesak.info (@Bljesak) June 15, 2026

Извор:Б92

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Акциска контрола во сообраќајот во Скопје, изречени 219 санкции, одземен еден мопед

На 14.06.2026 во периодот од 16:00 до 24:00 часот на подрачјето на Скопје, Одделението за безбедност на патниот сообраќај и Единицата за полициски станици од општа надлежност при СВР Скопје спроведоа зајакната акциска контрола во сообраќајот.

Притоа, беа преземени вкупно 219 мерки, од кои - 66 мерки за управување мотоцикл без кацига, шест мерки за возење со несоодветна категорија, 15 мерки за возење велосипед со помошен мотор без положен возачки испит, една мерка за нерегистриран мотоцикл, две мерки затоа што не застанале на даден знак и 129 мерки по останати прекршоци - не носеле возачка или сообраќајна дозвола, не била истакната регистарска табличка, недавање првенство на возила или на пешаци и друго. При акциската контрола, констатирано е едно кривично дело безобѕирно управување со мопед, односно присуство на алкохол во крвта од 1,93 промили по член 297-а од Кривичниот законик, по што мопедот е одземен.

Тагови: Акциска контрола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.