Македонија

Предлог-резолуцијата за црвените линии и денеска меѓу главните теми во изборната кампања за локалните избори

Предлог резолуцијата која претседателот на СДСМ Венко Филипче ја презентираше пред локалните избори и денеска меѓу главните теми во кампањата.

Филипче тврди дека не се урнати националните позиции за време на владеењето на неговата партија, но и дека не гледа дека сега се вратени, како што вели премиерот Христијан Мицкоски. Резолуцијата која ја објави пред десетина дена, вели дека ги потврдува и зајакнува македонските црвени линии.

-Националните интереси за време на владеењето на СДСМ никако не се урнати, ниту гледам како сега се некако вратени. Станува збор за потврдување на нашите црвени линии, потврдување на нашата заедничка позиција со национален консензус за прв пат, значи не станува збор за уривање туку за зајакнување. Ајде еднаш заедно сите 120 пратеници, како што тоа го прават сите држави вклучувајќи ја и Бугарија, коишто имаат сите пратеници заеднички декларации во бугарското собрание за нивните национални интереси, ајде тоа да го направиме ние. Да е конечно јасно и сите да потпишеме што е тоа што е наш национален интерес, кои се нашите црвени линии и дека за тоа едноставно не преговараме. Токму тоа стои во нашата предлог Резолуција. За јазикот, идентитетот, културата, историјата, ние не преговараме. Тоа се нашите црвени линии,- изјави – Венко Филипче – Претседател на СДСМ.

По средбата со граѓани во Кисела Вода, Филипче обвини дека ЈП Железници и инфраструктура, потпишало договор за надзор со италијанската ИРД, истата компанија којашто е надзор за Бехтел и Енка за која како што рече, ВМРО ДПМНЕ претходно обвинувале за сомнителни зделки.

Претседаелот на ВМРО ДПМНЕ и премиер Христијан Мицкоски пак синоќа од партиски митинг во Могила осврнувајќи се на пораките кои ги испраќа опозицијата за време на предизборната кампања, порача дека со Резолуцијата која ја предложија Филипче и СДСМ, ги подриваат и оние малку повратени државни позиции.

-Но што се крие позади тој документ. Прво, тие ги уриваат тешко повратените минимални, но повратени национални и државни позиции кои владата ги направи изминатите 15 месеци. На овој начин тие ги подриваат и оние малку повратени позиции кои жествоко работевме да ги повратиме овие 15 месеци. И второ, тие имаат уште еден подарок за нашиот источен сосед, а тој подарок кој е? Вели претседателот на СДСМ вели еве сега уште еднаш да ја свиткаме кичмата, без да добиеме ништо, нашите во Пиринска Македонија не нè интересираат,- изјави – Христијан Мицкоски – Претседател на ВМРО ДПМНЕ (03.10.2025 Могила) .

Предлог резолуцијата која ја објави Филипче предвидува рок за уставните измени до 10 фецруари догодина. Претходно посочи и дека се работи на документ за национален консензус, според кој, решението нема да биде ни наметнато, ни затворено, туку ќе биде објавено како работна верзија за јавна и политичка дебата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче: Македонија губи време, губи генерации – најскапото нешто

„Македонија губи време, а со изгубеното време ги губи и генерациите.

Најскапото нешто во еден човечки живот е токму изгубеното време“, рече претседателот на СДСМ, Венко Филипче, на свечениот настан по повод 35 години независност на Македонија, во Македонската филхармонија.

Филипче посочи дека Македонија веќе предолго стои во место и дека додека соседите напредуваат на европскиот пат, државата губи драгоцено време и можности.

„Албанија до крајот на 2025 година ги отвори сите 33 преговарачки поглавја, а во јули оваа година започна и со нивно затворање. Црна Гора до 14 јули имаше 18 привремено затворени поглавја. Македонија, која некогаш беше пред нив на европскиот пат, сè уште чека да го отвори првиот кластер. Тоа е факт од кој нема засолниште во патриотска реторика. Можете секој ден да објаснувате дека сте победиле со тоа што не сте направиле ништо. Граѓанинот на крајот ќе види кој се движи напред, а кој стои во место, или назадува“, потенцираше претседателот на СДСМ, Венко Филипче.

Филипче нагласи дека времето поминато без суштински реформи и без напредок кон Европската Унија не е само политичка статистика, туку директна загуба за државата и нејзините граѓани.

„Власта две години ја уверува јавноста дека ќе издејствува нови услови, нова формула, подобра преговарачка позиција. Европската позиција во јуни 2026 година остана недвосмислена. Во меѓувреме соседите отвораат и затвораат поглавја. Тоа не се само поглавја. Тоа се успешни и тешки реформи кои најчесто не се популарни. Тоа веќе не е дипломатска тактика. Тоа е изгубено време. Најскапото нешто во еден човечки живот. Македонија има потрошено премногу генерации на изгубено време“, рече Филипче.

Претседателот на СДСМ порача дека европските интеграции се најголем државен интерес и дека за нив не се потребни декларации и политичка реторика, туку конкретни одлуки и работа.

„Европските интеграции не му припаѓаат на СДСМ. Не му припаѓаат на ВМРО-ДПМНЕ. Не му припаѓаат на ниеден претседател, премиер или министер. Тоа е најголем државен интерес. Не е доволно тоа само реторички да се нагласува, а ништо да не се прави да се стаса до целта. Зад поглавјата стојат судови што треба да судат независно. Администрација што треба да му служи на граѓанинот. Почиста животна средина. Побезбедна храна. Подобри патишта. Поголема конкурентност на фирмите. Повеќе европски пари за училиштата, инфраструктурата, енергетиката и дигитализацијата.

Тоа е наједноставната формула на европскиот процес. Реформа, резултат, средства, подобар живот“, потенцираше Филипче.

Филипче порача дека Македонија нема повеќе време за нови одложувања и нови изгубени децении.

„Последното големо поглавје сè уште не е завршено. Нашата генерација треба да ја заврши работата. Без нови изгубени децении. Без производство на предавници за секој тежок компромис. Без лажен патриотизам кој е најгласен пред камерите, а немоќен и кукавички кога треба да се донесе резултат. Без свечености со кои ќе си докажуваме колку сме успешни додека нашите деца го бараат успехот во други држави. Пред 35 години граѓаните ја избраа независноста. Нашата задача денес е таа независност да има содржина. Добар живот. Праведно општество. Функционална држава. Сигурна иднина. Европска Македонија. Така ќе му оддадеме почит на Киро Глигоров. Не само со филм. Туку со завршена работа“, рече Филипче.

Тагови: Венко Филипче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денес сончево и топло со мала до умерена облачност

Времето денес ќе биде сончево и топло со мала до умерена локална облачност. Ќе дува умерен, повремено засилен ветер од северен правец. Максималната температура ќе биде во интервал од 27 до 34 степени.

Во Скопје, сончево и топло со мала до умерена облачност. Ќе дува слаб до умерен ветер од променлив правец. Максималната температура ќе достигне 33 степени.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски на поставување камен-темелник за спортска сала и увид во градежни активности во Општина Карпош

Претседателот на Владата на Република Македонија, Христијан Мицкоски, ќе изврши увид во градежните активности за асфалтирање на улицата „Софиска“ во Општина Карпош.

Потоа, предвидено е пешачење до ООУ „Братство“, каде што ќе се постави камен-темелник за изградба на нова спортска сала.

По завршувањето на настанот, предвидена е изјава за медиумите.

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.