Македонија

ПРЕДЛОГ од КАНАЛ 5 до ВЛАДАТА на МАКЕДОНИЈА

Се е поголем бројот на наши гледачи кои изминативе неколку дена не информираат за разни ситуации поврзани  корона вирусот, но едни се особено значајни и истовремено вознемирувачки

Целата јавност е свесна дека бројот на лица кои треба да бидат во самоизолација е се поголем, а дел од истите слободно шетаат низ Скопје и другите градови во Македонија, преставувајќи подвижни пренесувачи на опасниот Ковид-19

Затоа, поттикнати од информациите лиферувани од страна на нашите гледачи , Канал 5 и предлага на Владата на Македонија, да донесе уредба за:

- Задолжителни јавно именување на лицата кои се во самоизолација и кои никако не би смееле да го напуштат својот дом во одреден период

- Задолжително објавување на реоните од Скопје во кои се лоцирани како болните кои се лечат во домашни услови, така и оние кои се во самоизолација

Овие наши предлози никако не смеат да се разберат како нехуман гест или како обид за стигматизација, а можеби се косат и со одредени позитивни законски прописи.
Но, јавното здравје и поединечното на секој наш граѓанин треба да биде пред се - сметаме дека јавноста заслужува да биде информирана со цел да ги намали своите движења во посочените реони, но истовремено доколку препознае некого кој треба да е во самоизолација, навремено да изврши пријавување на истиот.
Со тоа, сите ние заедно ќе ги намалиме шансите за ретрансмисија на Ковид-19 вирусот, со цел намалување на процентот на евентуални дополнителни зарази со непосакувани летални завршници.

Ваква пракса веќе воспостави Владата на Црна Гора

Свет

ОН: Иран можеби изврши злосторство против човештвото

Иранските власти потенцијално извршиле злосторства против човештвото во последните месеци, изјави денеска експерт на Советот за човекови права на Обединетите нации.

Тој наведе случаи на убиства, притворање, исчезнувања, тортура, силување, сексуално насилство и гонење.

Протести има ширум Иран откако иранската Курдка Махса Амини почина во полициски притвор во септември минатата година. Говорејќи пред Советот со седиште во Женева, британско-пакистанскиот адвокат Џаваид Реман, назначен за специјален известувач за човекови права во Иран, рече дека има докази дека Амини починала „како резултат на тепање од страна на државната полиција за морал“.

Иранските власти тврдат дека обдукцијата покажала дека Амини починала од претходно постоечки медицински состојби, а не од удари во главата и екстремитетите. Реман посочил дека обемот и тежината на злосторствата извршени од властите за време на задушувањето на протестите предизвикани од случајот Амини „укажуваат на можно извршување на меѓународни злосторства, особено на злосторства против човештвото“.

Тој изразил огорченост поради егзекуцијата на најмалку четири лица поврзани со протестите и рече дека од јануари оваа година во Иран по „многу нефер судења“ биле егзекутирани вкупно 143 лица. Амбасадорот на Иран во Советот, Али Бахреини, рече дека обвинувањата се измислени и дека Иран е цел на прогон.

Живот

Се јави водителката, која се онесвести среде емисија: Овој пат не е срцето (ВИДЕО)

Метеорологот од Лос Анџелес, Алиса Карлсон Шварц се огласи откако ненадејно колабираше за време на утринските вести додека ја читаше временската прогноза, загрижувајќи ги своите колеги.

„Благодарна сум што овој пат не беше срцето. Добив стотици пораки, а тие сè уште доаѓаат, па ако не одговорам, затоа“, напиша таа на Инстаграм.

Инаку, Шварц се осврна на сличен проблем што го имала и претходно, но на друга телевизија. Во 2014 година ѝ се слошило за време на прогнозата, а подоцна било откриено дека има проблеми со срцевите залистоци.

Да потсетиме, откако пред неколку дена се онесвести во студио, нејзините колеги останаа во целосен шок. „Ох“, извика Рејчел Ким, а нејзината колешка Нишел Медина рече дека „ќе мора да направи кратка пауза“.

Алиса брзо била пренесена во болница и таму се опоравува.

Свет

Хаос во Париз: Полицијата ги претепува демонстрантите, вечерва уапсени над 70 лица (ВИДЕО)

По повод усвојувањето на спорниот закон за пензии, во Франција се уште не стивнуваат протестите.

Вечерва почнаа собири и штрајкови, а за четврток се планирани големи демонстрации.

Само вечерва во Париз повторно беа уапсени околу 70 демонстранти, а полицијата безмилосно ги разбива протестите, спречувајќи ја толпата да се групира и да создаде барикади и блокади.

На видеата кои се споделуваат на социјалните мрежи може да се види како полицијата трча и интервенира со брутална сила.

Француската влада денеска го преживеа гласањето за недоверба на собранието, со тесно мнозинство од само девет гласа.

Пензиската реформа која ги налути француските граѓани предвидува зголемување на старосната граница за пензионирање од 62 на 64 години, како и најмалку 43 години работа за некој да се квалификува за целосна пензија.

притисни ентер