Предлог: Меѓувладина седница на 23 јуни, внесување на Бугарите во Уставот, па отворање поглавја - Канал 5

Предлог: Меѓувладина седница на 23 јуни, внесување на Бугарите во Уставот, па отворање поглавја

Најавите се остварија – попладнево во бугарското Собрание пристигна  францускиот предлог за тргање на ветото за Македонија.. Предвидува почетокот на преговорите да се означи во четврток на самитот ЕУ-Западен Балкан.

Предлог: Меѓувладина седница на 23 јуни, внесување на Бугарите во Уставот, па отворање поглавја

Францускиот предлог за кревање на ветото попладнево пристигна на адреса на бугарското Собрание и како што пренесуваат медиумите во Софија веќе е пред Комисијата за надворешна политика. Што точно има во документот официјално не е познато, но агенцијата „БГНЕС“ го објави целосниот нацрт – заклучок во седум точки, чија крајна цел е Европскиот Совет на лидерскиот самит следната недела во четврток да ја одобри преговарачката рамка за Македонија и истиот ден да ја одржи првата Меѓувладина конференција. Првата задача за Македонија, потоа би била отворање на Уставот и вметнување на Бугарите во него, како услов за отворање на првото поглавје од преговорите.

-Советот, исто така, одлучува да свика нова Меѓувладина конференција за отворање на преговорите за пристапување на С.Македонија во ЕУ и е подготвен да ја одржи без натамошно одлагање и без дополнителни политички одлуки, штом Македонија ја исполни својата обврска за да ги склучи горенаведените уставни измени согласно своите внатрешни процедури. , се вели во документот, што го објави БГНЕС

Во документот, во точката три се наведува дека суштинско за понатамошниот процес на преговори ќе биде билатералниот протокол меѓу Скопје и Софија, веројатно мислејќи на 4-те точки кои останаа отворени меѓу двете страни, како остранување на говорот на омраза и работата на комисијата за историја.

-Во овој контекст, Советот го поздравува договорот за [билатерален протокол] (конечното име да се потврди) за спроведување на Договорот меѓу Бугарија и Македонија. Овој важен чекор ќе придонесе за добрососедски односи и регионална соработка, кои остануваат суштински елементи на процесот на проширување, како и на процесот на стабилизација и асоцијација., се вели во документот.

Предлогот предвидува и решение за македонскиот јазик, на начин, Скопје и Софија да дадат свои еднострани декларации, што би значело дека јазикот нема да биде негиран. Дали ќе има зелено светло од Бугарија за ваквиот предлог останува неизвесно, со оглед на превирањата во собранието, каде опозицијата во моментов има мнозинство. Претседателот Радев денеска упати предупредувачка порака до Петков и го повика да ги отфрли сите сомнежи за евентуално кревање на ветото за Македонија.

-Знаете дека идната недела премиерот заминува во Брисел и треба да ги брани националните интереси. Затоа и Народното собрание, и Бугарите треба однапред да знаат јасно и точно каква позиција ќе брани премиерот. Тој не смее да отстапи од Рамката на Консултативнот совет за национална сигурност. Секоја измама или обид за заобиколување на националната позиција ќе има тешки последици. , изјави Румен Радев, претседател на Бугарија

Ден пред лидерскиот самит, во среда владата на Петков ќе се соочи со гласање недоверба. Ако се суди според моменталниот однос на силите, опозицијата има доволно пратеници да ја урне неговата влада, ако во меѓувреме не се случи пресврт.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Видео: Новак го зема микрофонот и направи „хаос“! Ѓоковиќ го запеа хитот на легендарниот Џеј

Ново шоу надовор од теренот на најтрофејниот тенисер во историјата, Новак Ѓоковиќ го испеа хитот на легендарниот Џеј и предизвика „хаос“ во еден  белградски клуб!

Видео: Новак го зема микрофонот и направи „хаос“! Ѓоковиќ го запеа хитот на легендарниот Џеј

Најдобриот тенисер на сите времиња, Новак Ѓоковиќ, го искористи престојот во Србија за да се опушти во друштво на пријатели, а потоа приреди вистинско шоу во еден познат белградски клуб, што ги воодушеви сите присутни.

Ноле уживаше во ноќното излегување, пушејќи и пеејќи, а кулминацијата на вечерта се случи кога пејачката Маријана Злопаша го забележа во публиката и го покани да ѝ се придружи на сцената.

Ѓоковиќ не се двоумеше многу! Ја прифати поканата, го зеде микрофонот и ја запеа песната „Ниедни усни не бакнуваат сами“ голем хит на легендарниот Џеј Рамадановски.

Атмосферата во тој момент го достигна својот врв, а присутните имаа можност да го видат Новак во сосема поинакво издание – наместо рекет, во рацете држеше микрофон и уживаше во музиката.

https://www.instagram.com/reel/Df_Qk2Ts0g5/?utm_source=ig_embed

Ѓоковиќ моментално е во Белград, бидејќи тениската сезона за него е завршена. Тој ќе помине уште неколку дена во својот роден град, а оваа сабота ќе ја искористи за да го прослави Свети Архангел со своето семејство. Потоа, планира да замине на одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Видео: Пентагон објави нови снимки од НЛО?

Владата на САД објави нови снимки од неидентификувани воздушни појави, забележани од американските воени сили на Блискиот Исток. 

Видео: Пентагон објави нови снимки од НЛО?

Ова претставува осма серија документи поврзани со НЛО што Пентагон ги објави оваа година.

Најновата објава содржи 43 документи и снимки, вклучувајќи три видеа забележани во 2020, 2023 и 2026 година. Сите три снимки се направени од американски воени летала или други воени платформи на Блискиот Исток.

Снимките се направени со помош на воени камери и сензори способни да детектираат објекти врз основа на топлинско зрачење. Пентагон ги класифицира овие случаи како нерешени примери на неидентификувани аномални појави, познати под акронимот UAP.

Видеото од 2020 година трае 20 секунди, снимката од 2023 година трае 13 секунди, а онаа од 2026 година трае 54 секунди. Материјалите ѝ биле доставени на американската канцеларија за истражување на неидентификувани феномени од страна на Централната команда на САД.

Американските власти сè уште немаат утврдено што точно се гледа на објавените снимки. Нивното објавување не значи дека Пентагон го потврдил постоењето на вонземски летала или каков било вид вонземска технологија.

Американската војска го користи терминот „UAP“ за појави што не можат веднаш да се идентификуваат врз основа на достапните податоци.

Ова не значи дека станува збор за вонземски летала; туку, тоа значи дека нивното потекло сè уште не е утврдено. Некои од овие појави подоцна можат да се објаснат како летала, беспилотни летала, балони, атмосферски појави или грешки во сензорите. Во други случаи, нема доволно податоци за сигурно да се утврди причината.

Американските власти продолжуваат со постепено отворање на своите архиви кои се однесуваат на неидентификувани појави. Според Пентагон, се подготвуваат нови групи документи за јавно објавување, кои чекаат процес на проверка и отстранување на нивниот доверлив статус.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Калас повикува на прекин на војната; Русија вели дека не сака да преговара со неа!

Русија изјави дека учеството на шефицата на европската дипломатија, Каја Калас, во преговорите за ставање крај на војната во Украина би можело да доведе до нивен колапс. 

Калас повикува на прекин на војната; Русија вели дека не сака да преговара со неа!

Москва се противи на нејзиното вклучување во разговорите и ја доведува во прашање нејзината способност да придонесе кон мировниот процес.

Портпаролката на руското Министерство за надворешни работи, Марија Захарова, изјави дека Калас е неприфатлива за Москва како преговарач.

Таа ја обвини поранешната естонска премиерка дека е непријателски настроена кон Русија и дека ги отфрла нејзините безбедносни барања.

„Ако некому во Брисел му е важен таков преговарач со Русија, тоа јасно ни покажува какви резултати сакаат да постигнат во дијалогот – а тоа е поткопување на какви било мировни иницијативи“, рече Захарова на прес-конференција во Москва.

Захарова додаде дека Калас би ја извршила оваа задача „со леснотија“. Со ова, таа јасно стави до знаење дека Москва не сака да преговара со актуелната висока претставничка на Европската унија за надворешни работи и безбедносна политика.

Овие руски изјави доаѓаат во момент кога европските влади се обидуваат да обезбедат официјална улога во мировните преговори меѓу Украина и Русија, кои се одвиваат со американско посредување.

Европските лидери инсистираат на тоа дека мора да учествуваат во одлуките што се однесуваат на безбедноста на континентот. Досега, Европа не беше директно вклучена во преговорите организирани од Вашингтон.

Постигнат е договор дека, во следната рунда, Европа би можела да биде претставена од Франција, Германија, Италија, Полска, Обединетото Кралство и институциите на Европската унија.

Калас претходно изјави дека Русија нема право да одлучува кој ќе ја претставува Европската унија. Таа нагласи дека не настапува во лично својство, туку како претставник на сите 27 земји-членки – без оглед на противењето на Москва кон нејзиното учество.

Москва ја обвинува Калас за непријателски став Захарова ја обвини Калас дека зазема „отворено русофобичен став“ и дека ги игнорира безбедносните интереси на Русија. Таа тврди дека шефицата на надворешната политика на ЕУ се обидува да го блокира секој договор што би ги зел предвид барањата на Москва.

Руската портпаролка изјави дека Москва е подготвена да соработува со европски претставници кои можат конструктивно да придонесат кон преговорите. Сепак, таа смета дека Калас не го исполнува овој критериум, имајќи ги предвид нејзините претходни изјави и политички ставови.

Калас беше премиерка на Естонија пред да ја преземе европската функција. Таа стана Висок претставник на ЕУ за надворешни работи во декември 2024 година, а оттогаш се залага за построги санкции против Русија и за продолжување на воената помош за Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер