Пред утрешните избори во Британија, Сунак го искористи адутот- Борис Џонсон (ВИДЕО) - Канал 5

Пред утрешните избори во Британија, Сунак го искористи адутот- Борис Џонсон (ВИДЕО)

Во последните денови од кампањата пред утрешните општи избори во Велика Британија, владејачката Конзервативна партија го повлече своето тајно оружје.

Пред утрешните избори во Британија, Сунак го искористи адутот- Борис Џонсон (ВИДЕО)

Тоа е, како што пренесува Dailymail, Борис Џонсон, поранешниот премиер на Велика Британија, кој се појави на митингот на ториевците во Лондон.

Џонсон ги повика и предупреди неопределените гласачи да не гласаат за опозициската Лабуристичка партија. Неговото појавување стави крај на сите шпекулации кои се појавија неодамна дека дошло до раздор со актуелниот премиер Риши Сунак.

Поддржувачите на ториевците го поздравија појавувањето на Џонсон на сцената со силен аплауз и скандирања.

„Ми беше драго кога премиерот Сунак ме покани да помогнам. Не можев да одбијам бидејќи и двајцата ја сакаме нашата земја“, рече Џонсон и продолжи:

„Пријатели, ако навистина сите, ако навистина сакате повисоки даноци следната недела, оваа година, ако мислите дека имате неколку илјади фунти да заштедите, тогаш гласајте за лабуристите во четврток. Ако сакате неконтролирана имиграција и повторно бесмислено потклекнување пред Брисел , тогаш продолжете, направете ми убав ден, гласај за Стармер“.

„Но, ако сакате да ја заштитите нашата демократија и нашата економија и да ја одржите оваа земја силна во странство со трошење 2,5 отсто од нашиот БДП за одбрана, на која лабуристите сè уште одбиваат да се обврзат, тогаш знаете што да правите, нели? само една работа, гласајте за конзервативците во четврток, моите пријатели и јас знаеме дека ќе гласате“.

Џонсон го критикуваше и Најџел Фараж, контроверзниот политичар и еден од симболите на Брегзит, кој се активираше пред изборите и се кандидираше за партијата Реформи. Го нарече обожавател на Владимир Путин, претседателот на Русија.

Последните истражувања на јавното мислење покажуваат дека владејачката Конзервативна партија на премиерот Риши Сунак ќе претрпи тежок пораз на утрешните избори. Се предвидува дека ториевците ќе освојат само 64 места во парламентот. Работничката партија на Киер Страмер ќе победи убедливо.

YouTube video

Се предвидува дека лабуристите ќе освојат 484 пратенички места. Третото место треба да ѝ припадне на партијата Реформа, предводена од Фараж, која освои 61 пратенички мандат.

Другите партии ќе имаат незначителен број пратеници. Домот на лордовите или Долниот дом на британскиот парламент има вкупно 650 места.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонските реформи препознаени на регионално ниво: Министерството за јавна администрација меѓу наградените на ОЕЦД-СИГМА и РеСПА за 2026 година

Министерството за јавна администрација доби специјално признание во рамки на Наградите за јавна администрација за 2026 година (Public Administration Awards 2026), доделени во Белград.

Македонските реформи препознаени на регионално ниво: Министерството за јавна администрација меѓу наградените на ОЕЦД-СИГМА и РеСПА за 2026 година

Министерството за јавна администрација доби специјално признание во рамки на Наградите за јавна администрација за 2026 година (Public Administration Awards 2026), доделени во Белград, во организација на Регионалното училиште за јавна администрација - ReSPA и ОЕЦД-СИГМА, за проектот „PAR Connect – Дигитална платформа за следење на реформата на јавната администрација“.

Ова признание претставува значајна регионална афирмација на реформските заложби на Министерството и потврда дека институционалните иновации, дигитализацијата и систематскиот пристап кон управувањето со реформските процеси се препознаваат како важни двигатели на модерната јавна администрација.

Наградената ИТ-алатка претставува дигитално решение за следење на спроведувањето на Стратегијата за реформа на јавната администрација, кое овозможува поврзување на институциите, централизирано следење на реформските активности и навремен увид во степенот на реализација на преземените обврски. Преку неа се опфатени околу 40 институции и речиси 200 реформски активности, со можност за следење во реално време, подобра координација и поефикасно известување за напредокот на реформите.

Посебната вредност на ова решение е во тоа што реформскиот процес го прави посистематичен, потранспарентен и поодговорен. Наместо реформите да останат само збир на стратешки определби и институционални обврски, алатката овозможува нивно континуирано следење, идентификување на предизвиците и создавање основа за навремено преземање соодветни мерки. На тој начин, дигиталната технологија се става во функција на подобро институционално управување и мерлив реформски напредок.

Дополнителна вредност на ИТ алатката е нејзиниот потенцијал за поширока институционална примена.

Конкретен пример за тоа се Министерството за дигитална трансформација и Управата за јавни приходи, кои врз основа на склучени меморандуми за соработка, ја презедоа ИТ алатката и се во фаза на нејзина адаптација за следење на сопствените стратешки документи и акциски планови.

Овогодинешните награди за јавна администрација бележат исклучително голем интерес, со повеќе од 100 пристигнати апликации од институции од Западен Балкан и Источното соседство. Во рамки на категоријата специјални признанија, проектот на Министерството за јавна администрација е издвоен меѓу практиките што демонстрираат иновативност, институционална применливост и потенцијал за унапредување на јавниот сектор.

Признанието добива дополнителна тежина имајќи предвид дека станува збор за регионална иницијатива која ги афирмира успешните реформски практики, поттикнува размена на знаења и искуства и создава простор за пренесување на иновативни решенија меѓу јавните администрации.

За Министерството за јавна администрација, ова признание е поттик и обврска реформските процеси да продолжат со уште посилна динамика, со јасна насоченост кон резултати, институционална одговорност и квалитетни јавни услуги.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Мајка пријавила дека две малолетнички ја нападнале и ја гореле со цигара нејзината ќерка во Кавадарци

Мајка од Кавадарци пријавила во полиција дека две малолетнички ја нападнале нејзината малолетна ќерка на улицата „Сремски фронт“.

Мајка пријавила дека две малолетнички ја нападнале и ја гореле со цигара нејзината ќерка во Кавадарци

Според пријавата, едната ја држела, а другата ја горела со цигара, соопшти СВР Велес.

Според полицијата, нападот бил пријавен на 18 ноември во 22:30 часот во одделението за внатрешни работи во кавадарци, а се случил два дена претходно, на 16 ноември.

За случајот се известени јавен обвинител и центарот за социјални работи во Кавадарци. полицијата презема мерки за расчистување на случајот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Путин пред медиумите за средбата со Трамп и Си

Претседателот на Русија, Владимир Путин им се обрати на медиумите по трилатералната средба со американскиот претседател Доналд Трамп и кинескиот претседател Си Џинпинг.

Путин пред медиумите за средбата со Трамп и Си

Рускиот лидер истакна дека би сакал трилатералните средби со лидерите на Кина и на Соединетите Држави да продолжат, оценувајќи ја денешната средба како нова страница во историјата. Тој исто така рече дека трилатералната средба, одржана во Шенжен на маргините на самитот на АПЕК, била многу корисна, а дискусијата – слободна и искрена.

По протоколарниот дел од трилатералната средба започна слободна размена на мислења, изјави Путин, додавајќи дека со лидерите на САД и на Кина, Трамп и Си, разговарал и за можната реформа на Обединетите нации.

Путин се осврна и на внатрешнополитичката ситуација во Соединетите Држави, наведувајќи дека таа е сложена, со многубројни противтежи и механизми за одржување на рамнотежата на политичката моќ. На средбата, исто така, се разговараше за прашања поврзани со обезбедувањето слободна пловидба, рече Путин.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер