Пред смртта на семејство на одмор во Истанбул, уште едно 3 – годишно дете починало од труење- работела истата фирма - Канал 5

Балкан

Пред смртта на семејство на одмор во Истанбул, уште едно 3 – годишно дете починало од труење- работела истата фирма

По трагичното труење на германско семејство во Истанбул, сега е откриено дека има уште една жртва, момче (3) Керан Јазиџи, кое починало во април.

Пред смртта на семејство на одмор во Истанбул, уште едно 3 – годишно дете починало од труење- работела истата фирма

Момчето починало откако станот до оној во кој живеело со неговите родители бил испрскан со пестициди. Се верува дека истата компанија за контрола на штетници е одговорна и за смртта на четиричлено семејство од Хамбург, објави Си-Ен-Ен Турк.

Тужба е поднесена против компанијата во април откако обдукцијата покажала дека смртта на детето дефинитивно е предизвикана од труење со пестициди.

Таткото на починатото момче во изјава за медиумите изјави дека се сеќава точно на денот кога компанијата дошла да ги контролира штетниците во нивната зграда.

„Отворите за вентилација на испрсканиот стан беа залепени со селотејп. Кога се вратив дома, видов дека прозорецот од кујната е отворен за да излезат токсичните испарувања. Собата на Керан беше веднаш до неа. Денот откако компанијата работеше во нашата зграда, мојот син почна неконтролирано да повраќа“, рече неговиот татко.

Неговите родители веднаш го однеле во болница, каде што момчето починало кратко потоа.

„Сигурен сум дека компанијата за контрола на штетници постапила небрежно. Тие тврдеа дека прскањето било сосема безопасно“, рече таткото.

Сепак, се чини дека она што го тврдеа не е вистина, исто како во случајот со четиричленото семејство.

Родителите Сервет и Чигдем и нивните две деца Масал и Кадир починаа на одмор во Истанбул, каде што престојуваа во хотел. И тие веројатно починале од отров против креветни бубачки.

Според турските медиуми, обдукција на телото на момчето е извршена веднаш по неговата смрт. Резултатите покажале дека починал од труење со пестициди. И покрај овој извештај и последователната тужба поднесена против компанијата за контрола на штетници, компанијата продолжила да работи.

Таткото на Керан цврсто верува дека четиричленото семејство би било живо доколку институциите во Турција реагирале соодветно пред неколку месеци.

„Изгубивме дете и поднесовме тужба за никој друг да не го изгуби своето дете, за никој да не помине низ пеколот низ кој поминавме ние“, рече таткото на Керан.

Тагови: Истанбул одмор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Поведена постапка против три лица за врсничко насилство во Куманово, две од осомничените се малолетнички

ОЈО Куманово поведе постапка против една 18-годишна девојка.

Поведена постапка против три лица за врсничко насилство во Куманово, две од осомничените се малолетнички

Основното јавно обвинителство Куманово поведе постапка против една 18-годишна девојка, а за две малолетнички на возраст од 15 и 14 години е поднесено барање за поведување подготвителна постапка до судијата за деца при Основниот суд во Куманово, бидејќи заедно учествувале во дејствија на кривично дело – Насилство согласно член 386 став 3 во врска со став 1 од Кривичниот законик.

На 13 март годинава тие повикале девојче кое тогаш имало 13 години да излезе од дома со нив и ја убедиле да влезе во запуштена просторија во близина на спортскиот центар ” Соколана”. Таму жртвата грубо ја навредувале и физички ја нападнале, удирајќи ја по лицето и телото и ја либеле за коса. Насилството го снимале со телефон, а на нападнатото девојче му се заканиле по живот доколку каже некому за настанот.

Јавното обвинителство, веднаш по објавата на видеото на социјалните мрежи презеде дејствија за обезбедување докази, а за полнолетната осомничена достави и предлог за определување мерки на претпазливост до надлежниот суд – задолжително јавување во судот, привремено одземање на патната исправа и забрана за приближување и воспоставување контакти со жртвата.

Тагови: ОЈО Куманово

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Условна затворска казна од една година за поранешната претседателка на ДКСК, Татјана Димитровска

Условна затворска казна од една година, ако стори кривично дело во следните три години, доби екс-претседателката на антикорупциска Татјана Димитровска, откако беше прогласена за виновна за оддавање на службена тајна и компјутерски фалсификат. 

Условна затворска казна од една година за поранешната претседателка на ДКСК, Татјана Димитровска

Судот како отежнителна околност го наведе тоа што делата ги сторила како претседателка на една од најважните институции за борба против корупцијата, а ја компромитирала и државната безбедност и го изиграла системот за да добие највисок безбедносен сертификат, по што, на крајот и изрече условна казна.

Предметните обвинители, пак, се задоволни што е докажана вина, а по однос на казната, посочија дека очекувале ефективен затвор. Најавија дека дополнително ќе се произнесат дали ќе поднесат жалба до Апелација.

И условната казна претставува неуспех, порача адвокатот на поранешната антикорупционерка – Владимир Туфекџиќ. Тој веќе најави жалба до апелацискиот суд, со цел, како што кажа, да се докаже невиноста на Димитровска.

Второбвинетиот, ревизорот Миле Столевски, кој го полагал безбедносниот сертификат во име на Димитровска доби исто така условна затворска казна од шест месеци. Единствено, ослободителна пресуда доби Биљана Манева, обвинета во случајот дека му оддавала службени информации на Небојша Стојановиќ, поранешен директор на ТЕЦ Неготино и обвинет во предметот „Адитив“. Судот оцени дека Стојановиќ во тој период не можел да се смета за неповикано лице, бидејќи бил директор на институцијата. Што се однесува до Мантева – обвинителството децидно најави дека ќе се жали пред Апелација

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кина е длабоко загрижена

Кина е длабоко загрижена поради обновената ескалација на воените конфликти во регионот на Персискиот Залив, изјави денес портпаролот на кинеското Министерство за надворешни работи, Лин Џијан.

Кина е длабоко загрижена

Тој, исто така, ги повика сите релевантни страни да покажат воздржаност и „да го одржат тешко постигнатиот прекин на огнот“, објави Синхуа.

Одговарајќи на поврзано прашање за време на редовната прес-конференција, Лин ги повика сите вклучени страни да избегнат враќање на војната.

Тој особено нагласи дека спречувањето на понатамошна ескалација на борбите е клучно за заштита на животите на невините луѓе.

„Почитувањето на легитимните права и интереси на крајбрежните земји на Ормутскиот теснец и брзото враќање на нормалниот и безбеден премин низ теснецот е она што меѓународната заедница сака да го види“, рече Лин, додавајќи дека релевантните страни мора да работат во иста насока и да бараат соодветно решение, соопшти агенцијата.

Централната команда на САД (CENTCOM) објави претходно денес дека го завршила најновиот бран напади врз воени цели во Иран.

САД започнаа неколку бранови напади врз Иран од 7 јули.

CENTCOM соопшти дека нападите биле одговор на иранските напади врз комерцијалниот брод во Ормутскиот теснец.

Техеран одговори со напади врз американските бази во Кувајт, Бахреин и Јордан.

Тагови: Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер