Празникот на Светите Рамноапостолни Кирил и Методиј достојно одбележан во скитот над Битуше - Канал 5

Живот

Празникот на Светите Рамноапостолни Кирил и Методиј достојно одбележан во скитот над Битуше

Во присуство на голем број верници од сите делови на државава, во изминатите два дена, достојно беше одбележан празникот на Светите Рамноапостолни Кирил и Методиј во Бигорскиот скит над долнорекнското село Битуше, посветен на светите браќа.

Празникот на Светите Рамноапостолни Кирил и Методиј достојно одбележан во скитот над Битуше

-Мистичната тишина на планината Крчин, облагородена од горската роса и од магловитата свежест, со молитвени химни и песнопенија ја отвори својата прегратка, за да го прими светлиот годишен спомен на божествените Кирил и Методиј – светлите апостоли меѓу Словените, кои го пренесоа насекаде Словото Божествено и го вдомија Христа во безброен народ. Тие, чиишто нозе поминаа недобројни гори и долини благовестејќи мир; чијшто поглед беше завртен не кон полињата на славата, туку кон возвисите на духот, повторно го посетија нашето време преку молитвеното празнување во Бигорскиот скит посветен на нив над селото Битуше, информираа од Бигорскиот манастир.

Додаваат дека во навечерието на споменот, се одржа празнична вечерна богослужба, на којашто молитвено претстоеше Неговото Преосвештенство, епископот Антаниски г. Партениј – пастирот, чиешто срце е отворено како древен псалтир за восфаление Божјо и чијашто љубов кон Светите Браќа е неизбришливо впишана во ѕидовите на овој свештен скит.

-И навистина, љубовта на Старецот кон светите Рамноапостоли не е само историско признание за нивното дело или интелектуален опис, туку лична благодатна врска, духовна сродност, жива лоза од истото корениште на Словото и на молитвата. Токму таа љубов го роди овој скит, кој како една мала Магнаура на ридот, сега сведочи за тоа дека и македонската земја може да биде повторно евангелска, апостолска, посочуваат од манастирот.

На самиот ден на празникот, кога беше повторно воспевано духовното раѓање на народите во Христовото име, се отслужи утрена и Божествена Литургија со којашто чиноначалствуваше владиката г. Партениј.

Освен бигорските свештенослужители, во литургиското таинство сослужуваа и дебарскиот парохиски намесник, отец Миле Ангеловски и благоговејните презвитери Василиј и Михаил од Православната црква на Чешките земји и на Словачка, односно од благословената моравска земја, каде што некогаш учителствувале и проповедале Светите Учители.

-Тоа беше Евхаристија што непосредно ги поврзуваше земните со небесните. Преку неа повторно и повторно се откри смислата на подвигот на Светите Рамноапостоли: дека човекот станува светлина само кога е просветлен од Словото, дека културата станува корисна и спасителна само кога извира од Крстот, нагчасуваат од Бигорскиот манастир.

По завршувањето на Божествената Литургија во храмот на Светите Браќа во нивниот скит над Битуше, Бигорската света обител се собра во молитвено сеќавање за својот поранешен долгогодишен архипастир, блаженоупокоениот митрополит на богочувана Дебарско-кичевска епархија, дедо Тимотеј, по повод шест месеци од неговото упокојување. Владиката Партениј, со молитвена почит и благодатен мир, отслужи молитвен спомен за почитуваниот владика.

По традиција следуваше и културно-уметничка програма, во која зборот, песната и духовната традиција се соединија во еден благодарствен израз кон светите учители.

Темелите на овој скит беа осветени и поставени на 31 мај 2014 година, а првата литургија беше одржана на 24 мај 2017 година.

Иницијативата за градење и идејното решение беа на владиката Партениј, игумен на Бигорскиот манастир, кој, како што секогаш вели „има голема љубов и почит кон светите браќата Кирил и Методиј“.

Тагови: Свети Кирил и Методиј

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Виткоф и Кушнер разговараа во Киев за начините за завршување на војната, очекувањето во Киев е дека борбите ќе продолжат

Американските специјални претставници Стив Виткоф и Џаред Кушнер разговараа  во Киев за начините за завршување на војната во Украина. 

Виткоф и Кушнер разговараа во Киев за начините за завршување на војната, очекувањето во Киев е дека борбите ќе продолжат

Подоцна им се придружија и некои европски советници за национална безбедност, вклучувајќи го и советникот за национална безбедност на Велика Британија, Џонатан Пауел пренесува Би-Би-Си. Но според медиумот фундаменталните разлики остануваат. Американските претставници дојдоа брзо од Москва, каде што Владимир Путин им кажа дека Русија прави „опиплив напредок“ на бојното поле. Приказната што ја слушнаа од Украина беше поинаква, всушност спротивна. Украинските власти тврдат дека во август добиле повеќе територија отколку што изгубиле, а Русија претрпе 42.000 жртви, мртви или ранети. Путин, исто така, им кажа на американските претставници дека мора да се решат корените на конфликтот, неговите стратешки барања украина да отстапи територија, да се откаже од надежите за приклучување кон нато и да ја намали големината на својата армија.по разговорите, Зеленски инсистираше дека Украина ќе бара „силни и јасни“ безбедносни гаранции, вклучително и силна армија тој не даде никакви знаци дека е подготвен да се откаже од која било територија во источниот регион донбас, прашање што го опиша како „тешко“. Виткоф инсистираше дека е постигнат напредок и дека постојат состојки за спогодба. Но, тој призна дека обете страни ќе мора да направат компромиси за да ги намалат разликите меѓу нив. И во моментов, тешко е да се замисли дека која било од страните ќе го стори тоа. Значи, засега, очекувањето во киев е дека борбите ќе продолжат и дека ќе се соочат со тешка зима.

Тагови: Виткоф и Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма во Мајами: Се урна товарен авион, има мртви (ВИДЕО)

Најмалку пет лица загинаа денес кога товарен авион на Амазон излетал од пистата на меѓународниот аеродром во Мајами во САД, удирајќи во неколку возила, соопштија официјални лица.

Драма во Мајами: Се урна товарен авион, има мртви (ВИДЕО)

Неколку лица се однесени и во болници со непознати повреди, соопшти канцеларијата на шерифот на округот Мајами-Дејд, пренесува „NBC“.

Според американската Федерална администрација за воздухопловство (FAA), повеќе од 60 пожарникари од округот Мајами-Дејд реагирале на местото на несреќата.

Пожарникарите се обидуваат да го изгаснат пожарот што избувнал по падот на Боингот 767-300, а надлежната служба потврди дека имало „повеќе повредени“ во овој инцидент, пренесе американската телевизиска станица.

Како што е додадено во соопштението на „FAA“, авионот продолжил да се движи надвор од пистата околу 14 часот по локално време, откако долетал во Флорида од Сан Хуан, Порторико.

Тагови: авион Мајами

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Град Скопје: На 09.09.2026 ќе се врши терестрична дезинсекција против ларви од комарци

Градот Скопје ги известува граѓаните дека на 09.09.2026 година (среда) на подрачјето на градот Скопје ќе се врши терестрична дезинсекција против ларви од комарци. 

Град Скопје: На 09.09.2026 ќе се врши терестрична дезинсекција против ларви од комарци

Прскањето ќе се одвива на водни површини.

Доколку временските услови не го дозволуваат вршењето на дезинсекцијата, ќе се прска првиот нареден ден кога временските услови ќе бидат поволни, во истите термини.

Се известуваат пчеларите навреме да ги преземат потребните мерки за заштита на пчелите.

Тагови: Град Скопје комарци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер