Празнично богослужение во чест на ктиторите на Светата Бигорска Обител - Канал 5

Живот

Празнично богослужение во чест на ктиторите на Светата Бигорска Обител

И оваа година, во Бигорската Света Обител, празничниот амбиент за споменот на славниот Претеча и Крстител Господов Свети Јован, кој е секогаш тука за сите кои го поминуваат бурното море на животот, беше заокружен со свечената Ктиторска вечерна богос

Празнично богослужение во чест на ктиторите на Светата Бигорска Обител

По одбележувањето на патронот, заштитник, закрилник и небесен застапник, светиот славен и чесен пророк, Претеча и Крстител господов, Јован, Бигорски манастир им оддаде почит на ктиторите на Светата Бигорска Обител, пред се на првиот ктитор на светата Бигорска Обител, свети Јован Дебранин – Бигорски, Архиепископ Охридски.

-И оваа година, во Бигорската Света Обител, празничниот амбиент за споменот на славниот Претеча и Крстител Господов Свети Јован, кој е секогаш тука за сите кои го поминуваат бурното море на животот, беше заокружен со свечената Ктиторска вечерна богослужба. Веднаш по службата, Старецот на Обителта, Епископот Антаниски г. Партениј, отслужи молитвен спомен, на која со смирение и благодарност се помоливме за покој на душите на сите блаженоупокоени бигорски ктитори, градители, благоукрасители, монаси, кои го посветиле својот живот на овој свештен илјадалетен Манастир, вели сестра Ефимија.

Според неа празничното молитвено собрание продолжило и вчера попладне, со света Божествена Евхаристија, со молитвен помен за сите оние што ги вложиле своите животи и дела во темелите на Бигорскиот манастир.

-Со благодарност ги спомнуваме сите наши претходници во расо, кои со своите трудови, пот и молитви придонесоа за величието на Претечевиот дворец, а пред сѐ , Свети Јован Дебранин, Архиепископ Охридски и прв Ктитор на нашата Света Обител, кој го основал овој славен Манастир во 1020 лето, на местото каде што, според преданието и древните манастирски летописи, како пустиножител ја пронашол чудотворната икона на Свети Јован Крстите а на чија молитвена поддршка ние денес смирено се крепиме, додава сестра Ефимија.

Со Светата архиерејска Литургија чиноначалствуваше епископот Антаниски г. Партениј, кој ја принесуваше бескрвната жртва на Господа и Бога и Спасителот наш Исус Христос во молитвено сослужение со браќата од Бигорски и со презвитерите од православната Црква на Албанија, отец Ирине Гега од Ставропигијалниот манастир „Св. Јован Владимир“ во Шијон, Елбасан, отец Спиро Пипа и отец Никола Давиди од Митрополијата на Аполонија и Фиер.

-По молитвите на Свети Јован Дебранин и на сите бигорски свети отци и подвижници, Господа Бог да ја зачува и утврди нашата Света Обител, Старецот и монашкото братство и сестринствата во веки веков, посакано е на литургијата.

Празнично богослужение во чест на ктиторите, посочува сестрата, е според востановената пракса на православната еортологија, по секој поголем празник, Господов или Богородичен, во спомен на светителите кои директно или индиректно учествувале во спасителните историски настани поврзани со празникот.

По истиот пример, следејќи го древното манастирско предание, по централната слава на еден манастир, се врши спомен на првиот ктитор и на сите останати ктитори, градители, игумени, монаси и подвижници кои го граделе и се подвизувале во манастирот низ вековите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: 73 граѓани користат бесплатна нега во домот, има уште слободни места за услугата ,,Сервис за стари лица"

Градоначалникот на Општина Центар, Горан Герасимовски, денеска го посети домот на сограѓанката Снежана Чупевска, корисничка на бесплатниот „Сервис за стари лица“.

Герасимовски: 73 граѓани користат бесплатна нега во домот, има уште слободни места за услугата ,,Сервис за стари лица"

Градоначалникот на Општина Центар, Горан Герасимовски, денеска го посети домот на сограѓанката Снежана Чупевска, корисничка на бесплатниот „Сервис за стари лица“, за да се информира како се реализира проектот и какви придобивки носи услугата за повозрасните жители на општината.

„Во моментот услугата ја користат 73 наши сограѓани, а вкупниот капацитет на проектот е за 90 лица, што значи дека има уште слободни места и ги повикувам сите заинтересирани да се пријават. Со овој проект обезбедуваме директна поддршка, социјализација и помош за нашите пензионери. Им го олеснуваме секојдневието на повозрасните и им овозможуваме достоинствена и соодветна нега во нивните домови“, рече Герасимовски.

За време на посетата, градоначалникот разговараше со 76-годишната корисничка на сервисот и со негувателката Бранка Милковска, кои посочија дека услугата, покрај грижата и поддршката, создава и блиски односи и искрени пријателства.

Проектот обезбедува домашна посета на негуватели трипати неделно, во траење од по два часа, помош во секојдневните активности, одржување на личната хигиена, давање терапија, подготовка на оброци, набавка на прехранбени производи и лекови, како и разговор и дружење.

За корисниците на кои им е потребна физикална терапија, обезбедени се посети од физиотерапевт двапати неделно, во траење од по еден час.

Проектот „Сервис за стари лица“ се реализира во соработка со здружението „Хуманост“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Родри славеше пред лицето на Силва, а потоа му се извини: „Не беше во ред“

Капитенот на Шпанија, асот на Манчестер Сити, Родри јавно му се извини на долгогодишен клупски другар, Португалецот,  Бернардо Силва по победата на Шпанија над Португалија (1:0) во осминафиналето на Светското првенство

Родри славеше пред лицето на Силва, а потоа му се извини: „Не беше во ред“

Капитенот на Шпанија, асот на Манчестер Сити, Родри јавно му се извини на долгогодишен клупски другар, Португалецот, Бернардо Силва по победата на Шпанија над Португалија (1:0) во осминафиналето на Светското првенство, признавајќи дека не се однесувал спортски на крајот од натпреварот.

Непријатната ситуација меѓу поранешните соиграчи од Манчестер Сити се случи веднаш откако Микел Мерино го постигна победничкиот гол за Шпанија.

Бернардо Силва набрзо потоа пропушти одлична шанса за израмнување, а Родри многу гласно и „диво“ го прослави неговото промашување, предизвикувајќи видлива реакција од португалскиот играч од средниот ред.

Иако тензиите стивнаа веднаш по натпреварот, Родри во разговор со новинарите нагласи дека мисли дека направил грешка.

„Како прво, сакам да се извинам затоа што не се однесував коректно кон мојот колега. Инстинктивно ја прославив неговата грешка, што беше погрешна од моја страна. Тој ми прости и му се извинувам уште еднаш“, рече Родри.

Иако беше прогласен за најдобар фудбалер на еврпското дерби, шпанскиот капитен изјави дека признанието не требало да му припадне нему.

„Кога ќе влезете од клупата и ќе го постигнете одлучувачкиот гол на таков начин, тогаш вие сте играч на натпреварот. Јас би му ја доделил наградата на Мерино. Залагањето на целиот тим беше за паметење“, заклучи Родри, оддавајќи признание на стрелецот на победничкиот гол што ја одведе Шпанија во четвртфиналето на Светското првенство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Тешка несреќа во Турција: Се преврте автобус – има загинати, 40 повредени

Еден повозрасен патник им подлегна на повредите откако автобус полн со патници се преврте во Турција. 

Тешка несреќа во Турција: Се преврте автобус – има загинати, 40 повредени

Во болниците продолжува лекувањето на уште 40 повредени лица.

Несреќата се случила на автопатот Каман-Анкара, во близина на Кирикале, кога возачот изгубил контрола над возилото, по што автобусот се превртел, јавува Анадолија. Повредените со возила на брза помош биле пренесени во градските болници.

На терен се екипите на Дирекцијата за управување со катастрофи и вонредни состојби, противпожарната служба, здравствената служба, жандармеријата и полицијата.

„Теренот стана лизгав поради првиот утрински мраз. Незгодата беше предизвикана од лизгавиот пат. Уште еднаш гледаме дека сите патници во нашите автобуси мора да носат сигурносни појаси“, рече Сарибрахим. Како што наведе тој, возачот на автобусот е задржан во притвор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер