Пратеник од Западна Австралија го смени своето име во Оси Трамп - Канал 5

Живот

Пратеник од Западна Австралија го смени своето име во Оси Трамп

Пратеник од Западна Австралија го смени своето име во Оси Трамп во знак на протест против австралиската централно-левичарска Лабуристичка партија. 

Пратеник од Западна Австралија го смени своето име во Оси Трамп

Оси Трамп, порано нарекуван Бен Докинс, е независен пратеник во Горниот дом на Парламентот на оваа австралиска сојузна држава, каде што лабуристите имаат мнозинство.

„Оси“ (Aussie), всушност, е австралиски сленговски назив за „Австралиец“. Докинс, сега, званично се вика Остин Летс Трамп. Тој на својот интернет-простор го објави и официјалниот документ со своја фотографија и правна потврда за промена на името од Државниот регистар на родени, умрени и венчани. Името на пратеникот, исто така, е додадено и на интернет-страницата на Парламентот.

„Покренав политички протест против тиранијата и системската корупција на лабуристичката Влада“, напиша пратеникот синоќа на Икс, потпишувајќи се како Оси.

„Гласајте против лабуристите! И - 'да ги избушиме јако'! ('Drill Baby Drill!')“, напиша Оси во друга објава, повторувајќи ја крилатицата на американскиот претседател Доналд Трамп, кој со неа најави зголемено искористување на нафтата и гасот во САД.

Патем, Бен Докинс беше исклучен од Лабуристичката партија во 2023 година, поради повеќекратни наводни прекршувања на забраната за семејно насилство.

- Со ова, тој само привлекува внимание, рече премиерот на Западна Австралија, Роџер Кук, кој ги предводи Лабуристите. - Не сум сигурен колку ниско може да оди, додаде тој.

Во Западна Австралија следниот месец се одржуваат локални избори, пред целата земја да излезе на општи избори коишто мора да се одржат до мај.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

235 жртви, а 4.300 повредени во земјотресите во Венецуела

235 жртви во двата земјотреси што ја погодија Венецуела, а 4.300 луѓе се повредени, потврди министерот за здравство Карлос Алварадо.

235 жртви, а 4.300 повредени во земјотресите во Венецуела

Се уште под урнатитните се трага по преживеани. Надеж во потрагата по преживеани е вадењето на дете од урантините, детето беше извлечено без никави повреди. Земјотреси со јачина од 7,5 и 7,2 степени според Рихтеровата скала ја погодија Венецуела во текот на ноќта помеѓу среда и четврток. Во земјата беше прогласена вонредна состојба, а воздушниот и железничкиот сообраќај беа прекинати, како и наставата во училиштата.

Привремената претседателка на Венецуела, Делси Родригез, ја посети државата Ла Гваира, областа најпогодена од земјотресите. Според соопштението на претседателството, како дел од планот за вонредни ситуации, наредена е мобилизација на тешка механизација и итна дистрибуција на основни потреби, вклучувајќи вода за пиење, храна, душеци и ќебиња.

Тагови: Венецуела земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Со меѓународно поетско читање продолжува програмата на Струшки вечери на поезијата

Со меѓународно поетско читање „Матине“ во предворјето на црквата „Света Богородица Перивлепта“ во Охрид и посета на знаменитостите на градот во петок (26 јуни) продолжува програмата на 65-тите јубилејни Струшки вечери на поезијата.

Со меѓународно поетско читање продолжува програмата на Струшки вечери на поезијата

На прес-конференција ќе биде прогласен добитникот на наградата „Браќа Миладиновци“ за 2026 година. Во потесен избор од пет поетски книги во конкуренција за наградата се „Меко трње“ од Марија Ангеловска (Скопје: ПНВ Публикации, 2026), „Во куќата“ од Николина Андова Шопова (Скопје: Бегемот, 2026), „Длабок простор“ од Зоран Анчевски (Скопје: Арс Ламина, 2026), „Првата ноќ и вториот рај“ од Сузана В. Спасовска (Скопје: Слово, 2026), и „Болна земја“ од Братислав Ташковски (Скопје: Матица македонска, 2026).

На годинешниот конкурс за наградата „Браќа Миладиновци“ 2026 година, организиран од НУМ „Струшки вечери на поезијата“, се пријавија 35 автори со вкупно 37 поетски книги објавени меѓу две фестивалски изданија, во период од 01.06.2025 до 01.05.2026 година.

Манифестацијата ќе продолжи со поетско читање „Плејади“ и поетски портрети, како и меѓународно поетско читање „Кругови 2“ и „Ноќ без интерпункција“ со читање на поети застапени во антологијата приредена од Иван Џепароски - „Камен и земја“ и читање на поетите во конкуренција за наградата ЕНХАЛОН.

НУМ Струшки вечери на поезијата

Тагови: Струшки вечери на поезијата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Утре и задутре ќе изврши авионска дезинсекција против возрасни форми на комарци на подрачјето на градот Скопје

Се известуваат пчеларите навреме да ги преземат потребните мерки за заштита на пчелите.

Утре и задутре ќе изврши авионска дезинсекција против возрасни форми на комарци на подрачјето на градот Скопје

Градот Скопје ги известува граѓаните дека претстојниов викенд, односно на 27.06.2026 година (сабота) и на 28.06.2026 година (недела), во раните утрински часови ќе изврши авионска дезинсекција против возрасни форми на комарци на подрачјето на градот Скопје.

Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.

Се известуваат пчеларите навреме да ги преземат потребните мерки за заштита на пчелите.

Тагови: ​Град Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер