Македонија

Пратениците застапуваат само лични интереси, вели истражувањето на јавното мислење

Македонските граѓани сметаат дека државата се движи во погрешна насока, а работата на Собранието ја оценуваат со просечна оценка 2.7 од 5 што претставува благо подобрување во однос на претходните години.

Македонските граѓани сметаат дека државата се движи во погрешна насока, а работата на Собранието ја оценуваат со просечна оценка 2.7 од 5 што претставува благо подобрување во однос на претходните години, но и понатаму укажува на умерено ниско задоволство покажува истражувањето на Институтот за демократија „Социетас цивилис“ .

Истражувањето открива умерена до ниска доверба во институциите, при што Собранието има оценка 4.8, а Владата и претседателот 4.7 и 4.9.

Перцепцијата кај граѓаните е дека владата има поголемо влијание врз Собранието отколку што Собранието има ефективна контрола врз извршната власт.

Граѓаните сметаат дека Собранието носи квалитетни закони и врши надзор врз владата со умерен успех, а тоа му се најважните функции. „Довербата во Собранието во 2026 година изнесува 4.8, што претставува мало подобрување во однос на претходната година. Истовремено, довербата во владата и претседателот останува непроменета, благо зголемување бележат и јавната администрација, здравствените институции, како и невладините организации, судството и јавното обвинителство, вели истражувањето, кое сепак првенствено се бави со работата на Собранието.

Повеќе од половина од граѓаните сметаат дека пратениците ги застапуваат сопствените и партиските интереси, а не интересите на граѓаните, додека собранието се перцепира како недоволно отворено и со ограничена комуникација со јавноста.

Анкетата, спроведена на 1.002 испитаници од 27 февруари до 10 март 2026 година, покажува и дека 51% од граѓаните сметаат дека животот во државата оди во погрешна насока.

И покрај малото подобрување во одредени индикатори, доминантни остануваат критичките ставови кон политичките институции и нивната отчетност.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

О. Битола: Спортска Битола го наполни стадионот на натпреварот Македонија против Црна Гора

Синоќа спортот и верната публика на фудбалот, покажа и докажаа дека Битола е спортски град.

Под рефлектори на стадионот „Петар Милошевски“ се играше меѓународниот натпревар меѓу младите селекции на Македонија и Црна Гора. Натпреварот заврши со резултат 1:1.

Градоначалникот на Битола Тони Коњановски и секретарот на Општината Борче Димитровски, како и бројни спортски работници беа на трибините на стадионот.

„Задоволство беше да бидам дел од многубројната публика на стадионот „Петар Милошевски“ во Битола, на натпреварот меѓу младата селекција на Македонија која со реми ги заврши настапите на домашен терен во квалификациите за младинското Европско првенство, откако во Битола одигра 1-1 против младата селекцијата на Црна Гора.

Ова беше голем ден за спортска Битола, многубројната публика покажа и докажа дека Битола го сака, живее за спортот и за вакви големи настани под рефлектори на стадионот кој ги има сите услови и за меѓународни натпревари.

Верувам дека и во иднина трибините на стадионот ќе бидат полни како вечерва, особено и со млади гледачи, кои вистински знаат да се радуваат на вакви големи натпревари“ вели градоначалникот на Битола.

Во два дена, два големи спортски настани беа одиграни во Битола, пред два дена ракометен, а синоќа фудбалски спектакл.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Салата со песто

Во петок (25.09.2026) во емисијата гостин ни бeше Александра Илиевска.

Состојки за денешниот рецепт:

2 - 3 домати

свежа рукола една кеса

1 кромид

тегличка песто

100 гр. сирење

малку сусам

Омлет

4 јајца

100 гр. сирење

маслиново масло

малку сусам

сол, бибер и др. зачини по избор

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Роналдо ја напушта репрезентацијата, дебатата се проширува: Се вклучи и селекторот на Белгија

Заминувањето на легендарниот капитен Кристијано Роналдо од португалската репрезентација стана тема и на прес-конференцијата што ја одржа селекторот на Белгија, Марк ван Бомел.

Холандскиот стратег ги коментираше постапките на Жорже Жезус, конкретно прашањето околу ветувањето дадено на играч дека ќе добие шанса за настап.

Ван Бомел смета дека тренерот не треба однапред да гарантира минутажа, бидејќи начинот на кој се одвива натпреварот може да наметне потреба од поинакви одлуки.

„Ако дадете такво ветување, мора да го исполните. Никогаш не сум му ветил на играч дека ќе игра, бидејќи никогаш не се знае што може да се случи. Мора да ги оставите опциите отворени, дури и ако му кажете на играчот дека постои голема веројатност да влезе во игра. Тоа е она што можете да го направите“, истакна селекторот на Белгија.

Неговата порака се однесува на разликата меѓу најавување на евентуален настап и давање цврсто ветување за кое играчот очекува дека тренерот ќе го исполни.

Ван Бомел остави простор за можноста португалскиот тренер да имал свои причини за таквиот потег, но повтори дека таков пристап не е дел од неговиот начин на работа.

– Жорж Жесус веројатно имал свои причини, но на пријателски натпревар е полесно да се вети дека некој ќе одигра 40 или 60 минути. Да се ветуваат такви работи, да се размислува... Мислам дека никогаш не сум го направил тоа – додаде тој.

Роналдо го напушти собирот по изјавите на Жесус и разговорите со претседателот на португалската федерација. Претходно, тој се загреваше на натпреварот против Норвешка, но не доби шанса да заигра. Капитенот најави дека во соодветно време детално ќе ја изнесе својата верзија за причините за заминувањето.

Тагови: Кристијано Роналдо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.