Пратениците ќе ги разгледуваат амандманите поднесени на Предлог законот за Советот на јавни обвинители - Канал 5

Македонија

Пратениците ќе ги разгледуваат амандманите поднесени на Предлог законот за Советот на јавни обвинители

Комисијата за политички систем и односи меѓу заедниците денеска ќе ги разгледува амандманите поднесени на Предлог на закон за Советот на јавните обвинители. 

Пратениците ќе ги разгледуваат амандманите поднесени на Предлог законот за Советот на јавни обвинители

За законот, според информациите објавени на веб страната на Собранието, се поднесени 26 амандмани.

Амандмани за законот имаат поднесено пратеници од пратеничката група предводена од ВМРО-ДПМНЕ и коалицијата, СДСМ и коалицијата и ДУИ и Алијанса за Албанците.

Пратеничката група на ВМРО-ДПМНЕ има поднесено неколку амандмани. Во еден од нив се бара во член 9 алинеја 15 од предложениот закон да се менува и да гласи: „постапува по претставки и поплаки на граѓани и правни лица за работата на обвинители, при што доколку утврди дека се основани поднесува иницијатива до овластениот предлагач за утврдување одговорност на јавниот обвинител за сторена дисциплинска повреда,".

Со овој амандман, како што образложуваат пратениците, се врши усогласување со Развојната секторска стратегија за правосудство 2024-2028 година во која се констатира потребата да се предвиди поактивна улога на СЈОРСМ во текот на надзорот како и со овозможување на Советот да иницира надзор.

Во друг амандман, пратениците на владејачкото мнозинство бараат во рок од 30 дена да се донесе одлука за разрешување на функцијата на јавен обвинител и членовите на Советот на јавни обвинители усно да ја образложат одлуката.

Пратениците на СДСМ имаат поднесено амандмани, со кои, меѓудругото се бара прецизирање на формулацијата за основите за поведување постапка за разрешување на член на Советот, се бара прецизирање на постапката за избор на членови на Советот на јавни обвинители, јавен обвинител да се избира и да се разрешува со осум гласови, а извештајот на Советот да содржи сеопфатна и образложена анализа на сите податоци и донесени одлуки.

Повеќе амандмани имаат поднесено и пратениците на ДУИ и АА, а голем дел се однесуваат на употребата на јазикот и правичната застапеност, за изземање на јавен обвинител во случаи каде побарал дисциплинска постапка и правен основ за повторен избори во случај на непостапување на Советот во рок од 30 дена.

По амандманската расправа, законот се враќа пред Собранието каде на пленарна седница треба да биде изгласан.

Предлог-законот за Советот на јавните обвинители, кој се носи во редовна постапка, е дел од реформските закони и претставува значаен чекор кон зајакнување на независноста, отчетноста и транспарентноста на јавнообвинителскиот систем.

Со него се уредува постапката за разрешување на претседателот и заменик-претседателот на Советот, која се поведува врз основа на образложено барање од најмалку четири члена на Советот и засилена улога на Советот во постапката за избор и разрешување на јавниот обвинител на Република Македонија, вклучително и можност за поднесување иницијатива за разрешување до Собранието, се дел од клучните измени во предлог-законот.

- Зајакната транспарентност на работата на Советот преку јавност на второстепената дисциплинска постапка, со јасно утврдени исклучоци за заштита на лични податоци, угледот на странките и други легитимни интереси. Воведување прецизни и јасни критериуми за избор на членови на Советот, со кои се гарантира стручност, искуство и интегритет по примерот на новиот Закон за Судскиот совет. Детаљно уредена постапка за разрешување член на Советот, со прецизирани рокови и јасни критериуми, се посочува во предлог-законот.

Како што стои во образложението, се посочува дека одредбите на предлогот на Законот за Советот на јавните обвинители на Република е меѓусебно поврзан со одредбите и решенијата во предлог-законот за Јавното обвинителство и со нив се пристапува кон надминување на предизвиците утврдени во повеќе домашни и меѓународни стратешки документи во насока на реализација на целта за зајакнување на самостојноста на улогата и подобрување на ефикасноста и квалитетот во постапувањето на Јавното обвинителство, во согласност со стандардите на ЕУ.

Со донесување на законот за Јавното обвинителство и законот за Советот на јавните обвинители се очекува да се зајакне самостојноста на Јавното обвинителство, зајакнување на механизмите за одговорност на лицата што вршат функции во правосудниот систем, зајакнување на капацитетите и ефикасноста на Јавното обвинителство, зајакнување на критериумите за избор на јавните обвинители. Обвинителите, кои се предмет на дисциплинските постапки, ќе ги имаат сите гаранции за правично судење во согласност со одредбите од овие два закона.

Предлог-законот заедно со предлог-законот за Јавното обвинителство добил заедничко позитивно мислење Венециската комисија.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Видео-фото: Таа стана „лек“ за мажите во огнен комбинезон: „Доаѓам право пред твојата врата“

Во нова, малку провокативна кампања за здравствената компанија „Ro“, една од најубавите актерки во Холивуд, Меган Фокс го претставува „Ro Sparks“ – нивниот лек на рецепт за третман на еректилна дисфункција.

Видео-фото: Таа стана „лек“ за мажите во огнен комбинезон: „Доаѓам право пред твојата врата“

„Лично, мислам дека можеби сум родена за ова. Не постои подобра личност што можеше да биде дел од ова“, изјави Фокс (40) за магазинот „People“.

„Зошто дополнително да се усложнува нешто што и онака е сериозна тема? Веќе делува сериозно, па затоа – нека биде забавно“, вели таа.

„Ro Sparks“ е комбиниран третман „два во еден“ за еректилна дисфункција, кој ги содржи состојките силденафил и тадалафил.

Иако двете состојки се одобрени од американската Управа за храна и лекови (FDA), самиот комбиниран лек не е одобрен од оваа агенција.

Според компанијата Ro, третманот се раствора под јазикот, почнува да делува во просек за околу 15 минути и може да остане активен до 36 часа, пренесува „Пипл“ (People).

Во рекламата, која се емитува на телевизија додека кампањата е присутна и на Тајмс Сквер, се појавува Фокс во црвен, тесен комбинезон со логото на „Ро Спаркс“ (Roe Sparks). Како персонификација на лекот, таа зборува за производот преку низа двосмислени и сугестивни пораки.

„Ако ти го препишат, ќе се појавам директно пред твојата врата“, вели Фокс со заводлива насмевка во рекламата. „Не грижи се, моето пакување е многу дискретно.“

Фокс вели дека хуморот во кампањата не е тука само за да го направи снимањето позабавно. Со пристапувањето кон еректилната дисфункција на лежерен начин, таа се надева дека рекламата ќе помогне да се надмине дел од срамот што ја придружува оваа состојба и ќе ги охрабри мажите отворено да зборуваат за неа.

Тагови: Меган Фокс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во недела изменет сообраќаен режим во Скопје поради Виз Ер Скопскиот маратон

Во недела од 06:00 до 14:00 часот дел од улиците и булеварите во Скопје ќе бидат затворени за сообраќај, а возилата ќе се пренасочуваат по алтернативни сообраќајници.

Во недела изменет сообраќаен режим во Скопје поради Виз Ер Скопскиот маратон

Скопје во недела, 4 октомври, ќе биде во знакот на 22. Виз Ер Скопскиот маратон, поради што дел од улиците и булеварите во градот ќе бидат затворени за сообраќај. Од 06:00 до 14:00 часот, сообраќајот по улиците и булеварите опфатени со трасата на маратонот ќе биде пренасочуван по алтернативни сообраќајници.

Затворен за сообраќај ќе биде потегот од Рекорд, односно улиците „Македонија“ и „Димитрие Чуповски“, продолжувајќи по булеварот „Митрополит Теодосиј Гологанов“ и улицата „Васил Чакаларов“ до реонот на Хром.

Затворени ќе бидат и делови од улицата „11 Октомври“, односно потегот од Собранието кон Црвен крст, како и делови од булеварите „Крушевска Република“ и „Трета македонска бригада“, до делот кај Американ колеџ.

Во Аеродром, со посебен сообраќаен режим ќе бидат опфатени потезите кон Воен базен, Мајчин дом и булеварот „Јане Сандански“, до раскрсницата со булеварот „Србија“.

На посочените сообраќајници возачите ќе треба да користат алтернативни правци, а конкретното пренасочување ќе се врши во зависност од движењето на тркачите.

Од Министерството за внатрешни работи апелираат до возачите да го избегнуваат движењето по трасите во периодот од 06:00 до 14:00 часот и да ги почитуваат наредбите и насоките на униформираните полициски службеници на терен.

Организаторите ги замолуваат граѓаните за разбирање поради привремениот сообраќаен режим и ги повикуваат навреме да го испланираат своето движење во недела, со избор на алтернативни сообраќајни правци каде што е потребно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

МЗТ Скопје Аеродром во Европа

Македонскиот кошаркарски шампион МЗТ Скопје Аеродром по пауза од повеќе од 25 години се враќа на европската сцена, каде што во вторник (6 октомври) со почеток во 19:00 часот, во спортскиот центар „Јане Сандански“ ќе го пречека тимот на Ираклис.

МЗТ Скопје Аеродром во Европа

Македонскиот кошаркарски шампион МЗТ Скопје Аеродром по пауза од повеќе од 25 години се враќа на европската сцена, каде што во вторник (6 октомври) со почеток во 19:00 часот, во спортскиот центар „Јане Сандански“ ќе го пречека тимот на Ираклис од Грција.

Пресметката на теренот ќе биде кулминација на една вечер за паметење, која ќе започне неколку часа претходно пред спортскиот центар „Јане Сандански“.

Почнувајќи од 17:00 часот, посетителите ќе може да уживаат во одлична музика со DJ Alen, вкусна храна, ладно пиво и други пијалоци, додека за најмладите навивачи е обезбедено цртање на лица во боите на клубот.

Исклучително возбудлив дел од пред-натпреварувачката програма ќе биде ADMIRAL FREE SHOOT CHALLENGE-натпревар во слободни фрлања со богат награден фонд (iPhone 17, спортска опрема и друго). Ова е одлична можност за присутните да ја покажат својата прецизност и да освојат примамливи награди.

Билетите за овој спектакл се веќе пуштени во продажба по цена од 200 денари и истите може да се набават преку продажната мрежа на mktickets.mk.

Веруваме дека настанот пред спортскиот центар дополнително ќе ги обедини навивачите, нивните семејства и сите останати љубители на кошарката низ една богата и интересна двочасовна програма. Потоа, дружењето го продолжуваме на трибините, со силна поддршка за МЗТ Скопје во овој голем европски предизвик!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер