Македонија

Пратеници беа во надзор на АР, но немаа можност за увид во документите

Јавноста и натаму нема да добие разјаснување дали, кој и кого следел, и по денешниот увид на пратениците од Комисијата за надзор во агенцијата за разузнавање не произлегоа повеќе детали.

Јавноста и натаму нема да добие разјаснување дали, кој и кого следел, и по денешниот увид на пратениците од Комисијата за надзор во агенцијата за разузнавање не произлегоа повеќе детали, единствено дека обвинителството веќе неколку месеци води предистражна постапка.

За да не остане јавноста без никаква информација, пратениците Петровска и Пренџов уверија дека безбедносната состојба на државата е стабилна, а она за што беа дојдени не го споделија, оти дел е државна тајна, а дел во предистражна постапка.

Аферата будно ја следи и претседателката Силјановска – Давкова, која порача дека во ниту еден момент нема да дозволи да се поткопаат темелите на внатрешната и надворешна безбедност на Македонија, и оти довербата во безбедносниот систем е темел на секоја држава. Таа воедно му одговори и на министерот за транспорт Николовски, кој ја прозва да реагира за злоупотреби во агенцијата за разузнавање.

-Тоа се строго професионални институции, посебни органи на државната власт, каде што апсолутно е забрането политичко или партиско здружување и дејствување,- – Гордана Силјановска – Давкова – Претседател на Македонија.

По посетата на шестмината пратеници на агенцијата, преку фејсбук се огласи и пратеникот Драган Ковачки кој беше на надзорот. Тој вината ја гледа кај обвинителството и обвини дека постојат класични прекршувања на законите и се правеле злоупотреби за кои, според него, досега требало да има обвинение. Порача дека не смее да има застарување на предметите под плаштот на класифицираност на постапки.

Шестте пратеници – единствени од 18те членови на комисијата со сертификат за безбедност влегоа вчера и во АНБ, но информации не дадоа од истите причини поради кои не споделија и денеска.

Ова инаку се случува откако ВМРО-ДПМНЕ обвини дека лидерот на партијата и актуелен премиер Христијан Мицкоски бил следен од службите во периодот од 2019 до 2024 година, но и други политичари од партијата, како и обвинители, новинари и останати јавни личности.

Тагови: АНБ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Баба Дронијак (96) не се откажува од забавите во домот и покрај заканите за исфрлање

Дури и на 96 години, Лилијан Дронијак не се одмара.

Популарната инфлуенсерка, позната како „Баба Дронијак“ на Инстаграм и ТикТок, неодамна сподели детали за инцидент во нејзиниот дом за стари лица во САД, тврдејќи дека менаџментот се заканил дека ќе ја исели поради организирање „диви забави“.

Лилијан стекна милиони следбеници споделувајќи хумористични анегдоти од нејзиниот живот, вклучувајќи ја и нејзината љубов кон дружењето со пријателите.

@grandma_droniak i cant believe this. i have to party #partygirl #nursinghome #drama #grandma ♬ original sound - grandma_droniak

Предупредување за бучава и алкохол

Во видео што го објави, таа покажа писмо што го добила од менаџментот на домот, во кое се наведува дека може да биде иселена поради забави и пиење.

„Ме исфрлаат од домот за стари лица. Го добив ова писмо. Во него пишува дека ќе ме исфрлат ако не престанам да се забавувам“, рече Лилијан. Во писмото се детално опишани правилата на домот: „Ви пишуваме поради бројни поплаки за бучава од вашата соба. Забавите не се дозволени и не ви е дозволено да им служите алкохол на другите жители. Ова е безбедносен ризик. Иако ги охрабруваме жителите да се дружат и да уживаат во активностите во заедницата, не можеме да дозволиме диви забави. Безбедносните снимки покажуваат луѓе како ја напуштаат вашата соба во 1 часот наутро минатиот вторник.“

Во писмото, исто така, се предупредува дека „континуираните инциденти од ваков вид“ може да резултираат со ограничен пристап до заедничките простории и „да доведат до понатамошно преиспитување на вашиот статус на престој во заедницата.“

И покрај предупредувањето, Лилијан не се откажа. Таа им рече на своите следбеници: „Плаќам 12.000 долари месечно за да живеам тука. Претпоставувам дека можам да се забавувам ако сакам.“ Таа додаде: „Моите пријатели доаѓаат вечерва. Ќе пиеме неколку пијалоци и ќе озборуваме. Не е забава, но стануваме гласни.“

Тагови: дом за стари лица Баба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николовски: Маратонот и достоинството се субјективна работа

„Бугарија си го фатила местото, без разлика дали е правилно или не е правилно. Јас сум сега на оваа маса викнат и без разлика какво мислење имам и без разлика што ќе ми кажат. Но, тој што не е на оваа маса, може да си зборува дома колку сака“

Треба да седиш на масата, треба и ние на Бугарите да им ставиме некогаш вето за нешто. Ако ние останеме маратонски вечно, не знам колку трае маратонот дали додека е Мицкоски Премиер или додека сме ние живи, или додека е Богдан жив или додека е внук ми жив. Колку е тој маратон и колку тоа достоинство трае? Колкумина ќе останат во Македонија, колку патриоти ќе живеат во оваа земја? Тој маратон и достоинство се субјективна работа.

Ајде нека направат референдум, да видиме точно колку се за ЕУ, колку не, за да не се караме. Која е стратегијата, освен што одат во Брисел да ги убедат. Бугарското министерство сега вели дека се 250 илјади пасоши, а нека се и 100 илјади, дали ним достоинството им падна? Тие се „за“ бугарите ви устав или не? Си правиме дневна политика, браниме едни напаѓаме други. Сигналите се едно, тие може да имаат резултат, колку е моќта на тие Европјани да сменат знаејќи каква е надворешната политика на Бугарија изминатите 1000 години, вели Љубиша Николовски во „Само вистини со Видиновски“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тешки трговски разговори меѓу ЕУ и Кина, Брисел постави рок за договор

Еврокомесарот за трговија Марош Шефчович се сретна со кинескиот министер за трговија Ванг Вентао во Брисел, велејќи дека сака опипливи резултати од трговските разговори до октомври.

Разговорите беа „интензивни, фокусирани и конструктивни“, изјави Шефчович за новинарите во понеделник, додавајќи дека двете национални делегации ќе продолжат со разговорите во текот на вечерта.

„Сметаме дека до октомври нашите тимови имаат доволно време да постигнат опипливи резултати“, рече тој. Ванг го покани да го посети Пекинг во октомври.

Спротивни ставови

Шефчович инсистираше дека ЕУ сака разговорите да се фокусираат на растечкиот трговски јаз. „Кинескиот извоз во ЕУ продолжува да расте, додека нашиот пазарен удел во Кина продолжува да се намалува. Овој тренд не е одржлив и статус кво не е опција“, рече тој.

Шефчович рече дека двете страни формирале групи за да разговараат за трговскиот баланс, контролата на извозот, интелектуалната сопственост и реформата на СТО.

Кина ја уверува ЕУ дека контролата на извозот на ретки метали нема да ги наруши синџирите на снабдување на ЕУ, рече тој.

Лидерите на Европската унија побараа од Комисијата, задолжена за трговските односи на блокот, да ги оствари резултатите од дијалогот со Кина, бидејќи нејзиниот трговски суфицит со ЕУ достигна 360,6 милијарди евра во 2025 година, што претставува зголемување од 15 проценти во споредба со 2024 година. Суфицитот се зголеми за 10 проценти во првите четири месеци од оваа година.

Извор: Индекс.хр

Тагови: ЕУ Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.