Познато е како девојчето од Русија ја набавила пушката, со која што пукала во училиштето

Руските надлежни органи утврдиле дека пушката од која ученичката пукала во училиштето во Брјанск му припаѓала на нејзиниот татко .

Руските надлежни органи утврдиле дека пушката од која ученичката пукала во училиштето во Брјанск му припаѓала на нејзиниот татко и дека имал дозвола за поседување оружје, соопшти денеска прес-службата на руското Министерство за внатрешни работи за регионот Брјанск.

Според информациите на Истражниот комитет, 14-годишна ученичка ја донела пушката - сачмарка во училиште, од која испукала неколку истрели, од кои еден усмртил девојче, а уште пет ученици се ранети.

Девојчето кое го изврши нападот, се самоуби.

Пушката од која пукала малолетничката била на нејзиниот татко и законски се чувала дома.

„Согласно важечките регулаторни и правни акти, проверката на чувањето на оружјето во рацете на граѓаните се врши врз основа на мотивирани писмени барања на соодветните единици на Руската гарда“, се наведува во пораката на Истражниот комитет.

Пет лица се пренесени во болница поради повреди.

Манчестер јунајтед загуби од Фулам и ја прекина серијата од пет победи

 Манчестер јунајтед попладнево загуби на домашен терен од Фулам со 2:1 во натпреварот од 26. коло на англискиот фудбалски шампионат. 

„Црвените ѓаволи“ ја прекинаа серијата од пет победи во низа во сите натпреварувања.

Првиот гол го постигна дефанзивецот на гостите Калвин Баси во 65. минута. На минута пред крајот на основните 90, Хари Мегваер го израмни резултатот. Алекс Ивоби им донесе победа на лондонскиот тим во седмата минута од судиското надополнување.

Манчестер јунајтед се наоѓа на 6. позиција во Премиер лигата со 44 бодови. Фулам има 32 бода и се наоѓа на 12. место.

На другите досега завршени натпревари од ова коло:

Астон вила – Нотингем Форест 4:2

Брајтон – Евертон 1:1

Кристал Палас – Барнли 3:0. /МИА

Телото на Навални вратено на неговата мајка

Телото на рускиот опозиционер Алексеј Навални и е вратено на неговата мајка, соопшти неговата портпаролка Кира Јармуш на социјалната мрежа Икс.

Погребот се уште се чека. Не знаеме дали властите ќе се мешаат да се спроведе како што сака семејството и како што заслужува Алексеј. Ќе ве известиме штом има новости“, соопшти Јармуш. Најпознатиот политички противник на Владимир Путин ненадејно почина во затвор пред една недела, а неговата мајка со денови бараше властите да и го предадат телото.

Бербок ја посети Украина Одеса на годишнината од војната

Германската министерка за надворешни работи Аналена Бербок отпатува во јужниот украински пристанишен град Одеса, на денот кога руската инвазија врз Украина влегува во третата година.

Германската министерка пристигна во градот придружувана од нејзиниот украински колега Дмитро Кулеба во посета која првично беше чувана во тајност од безбедносни причини.

Ова е шесто патување на Бербок во Украина од почетокот на руската инвазија на 24 февруари 2022 година.

Двајцата министри присуствуваа на состаноците на Генералното собрание на ОН и Советот за безбедност на ОН во петокот во Њујорк по повод одбележувањето на втората годишнина од почетокот на војната. Двајцата дипломати пристигнаа заедно во Берлин утрово со авион на германската влада. Оттаму, Бербок и Кулеба полетаа за Молдавија од каде отпатуваа по копно до Одеса, јави ДПА. /МИА

притисни ентер