Позната е судбината на студентката од Иран, која прошета по долна облека во знак на протест - Канал 5

Свет

Позната е судбината на студентката од Иран, која прошета по долна облека во знак на протест

Иранката нема да се соочи со обвинение откако се соблече во долна облека за време на протест против хиџабот на универзитет во Техеран, соопштија иранските власти.

Позната е судбината на студентката од Иран, која прошета по долна облека во знак на протест

Претходно во ноември, видео од една девојка, идентификувана од Би-Би-Си како Аху Дарјаеј, која парадира низ универзитетскиот кампус во долна облека, почна да кружи на социјалните мрежи пред да биде уапсена.

Портпаролот на иранските власти изјави дека девојката била згрижена во болница и вратена кај нејзиното семејство. Нејзиното апсење привлече меѓународно внимание и осуда, а Amnesty International беше меѓу оние кои побараа нејзино итно ослободување.

„Како што беше упатена во болница и беше откриено дека е болна, таа беше предадена на нејзиното семејство и против неа не беа преземени никакви правни мерки“, изјави портпаролот Асгар Јахангир.

Организацијата на студентското движење прва ја објави снимката од апсењето, велејќи дека девојката се судрила со безбедносните агенти бидејќи не носела хиџаб. Иранските власти тогаш соопштија дека Аху била болна и дека била однесена во психијатриско одделение. Не е првпат иранските власти да прогласат жена која протестира поради задолжителното носење хиџаб за ментално болна.

По нејзиното апсење, иранските активисти се огласија на социјалните мрежи за да ја осудат, како што рекоа, шемата на дијагностицирање на активистите за правата на жените. Една жена, која побегнала од Иран во Канада во 2018 година, рече дека иранскиот режим вршел притисок врз нејзиното семејство да ја прогласи за ментално болна.

„Моето семејство не го направи тоа, но многу семејства се под притисок, мислејќи дека ова е најдобриот начин да ги заштитат нивните најблиски. Вака Исламската Република се обидува да ги дискредитира жените, доведувајќи го во прашање нивното ментално здравје“, рече Азам Јанграви, која побегнала откако била осудена на три години затвор затоа што си ја извадила шамијата на протест.

По Исламската револуција во 1979 година, за жените во Иран стана задолжително покривање на косата и скромно облекување. Пред две години, Махса Амини почина во полициски притвор откако беше уапсена поради неносење „правилно“ хиџаб. Наводно, повеќе од 500 луѓе биле убиени за време на месечните национални протести што следеа по нејзината смрт.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода се 12 возачи поради сторено кривично дело „безобѕирно управување возило“

Во текот на изминатото деноноќие, на различни локации во државата, лишени од слобода се 12 возачи поради сторено кривично дело „безобѕирно управување возило“.

Лишени од слобода се 12 возачи поради сторено кривично дело „безобѕирно управување возило“

Од нив, осуммина управувале возило без положен возачки испит и тоа: М.Љ.(40), А.Ш.(22) и Ј.Б.(30) сите од Скопје, И.Р.(24) од с.Света Петка, скопско, А.Р.(23) од с.Беловиште, гостиварско, С.А.(35) од с.Мелница, велешко и Н.М.(28) од с.Зрновци, кочанско и 17-годишник од село во Општина Градско.

Под дејство на алкохол управувале две лица и тоа: Н.П.(29) од Куманово и М.Н.(19) од Скопје. Додека пак, со забрана за управување со моторно возило управувале С.Н. (37) од Кичево и Р.Х.(37) од с.Рашче, скопско.

По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода бугарски државјанин на Граничниот премин Богородица поради фалсификувана исправа

На 02.10.2026 во 09:50 часот на Граничен премин Богородица, полициски службеници го лишија од слобода И.А.И.(58) од Бугарија поради основано сомнение за сторено кривично дело „фалсификување исправа“ по член 378 од Кривичниот законик.

Лишен од слобода бугарски државјанин на Граничниот премин Богородица поради фалсификувана исправа

Известен е јавен обвинител, по што лицето е предадено во полициска станица Гевгелија и по целосно документирање на случајот ќе биде поднесена соодветна пријава.

Тагови: бугарски државјанин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Аеродром го асфалтира паркингот пред детската градинка „Црвенкапа“

Градоначалникот на Општина Аеродром Дејан Митески денеска изврши увид во градежните активности за асфалтирање на паркинг-просторот кај детската градинка „Црвенкапа“ во Стар Аеродром.

Општина Аеродром го асфалтира паркингот пред детската градинка „Црвенкапа“

Со уредувањето и обележувањето на паркинг-местата се добива повеќе функционален простор, подобра инфраструктура и поуреден изглед во овој дел од општината.

Најважно од сè, со ова обезбедуваме посигурен и полесен пристап до градинката за родителите и за нашите најмлади. Кога инвестираме во инфраструктурата, инвестираме во секојдневието на граѓаните.

Општина Аеродром

Тагови: Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер