Познат тиктокер е уапсен поради „пранкови“, му се закануваат 10 години затвор (ВИДЕО) - Канал 5

Живот

Познат тиктокер е уапсен поради „пранкови“, му се закануваат 10 години затвор (ВИДЕО)

Хестон Коб, 21-годишен тиктокер од Аризона, кој има повеќе од 1,6 милиони следбеници, заврши во затвор откако неговите шеги во продавници и ресторани почнаа сериозно да го прекршуваат законот.

Познат тиктокер е уапсен поради „пранкови“, му се закануваат 10 години затвор (ВИДЕО)

Тиктокерот Коб, познат по името Хестон Џејмс, во последните неколку месеци снимаше вирални видеа во кои се преправаше дека е вработен во разни филијали. Влегуваше во простории каде што не му беше дозволено, се претставуваше како вработен и предизвикуваше нарушување на редот - сè за лајкови, прегледи и заработка на социјалните мрежи.

Тој бил уапсен од полицијата на 23 јули, а сега е гонет за дури 13 кривични дела, вклучувајќи провала, лажно претставување, нарушување на јавниот ред и мир и нелегално влегување. „Ова не се шеги, ова се злосторства“, рече полициската службеничка од Темпе, Џесика Елс. „Тој влегуваше во компании, се претстави како вработен и ја попречи работата. Ова се третира како кривично дело“, додаде таа.

Вирални видеа, но по која цена?

Во едно од најгледаните видеа, Коб облечен како механичар упаднал во „Хајленд Ауто Репар“, претставувајќи се како вработен во главната канцеларија и започнувајќи „инспекција“ додека други од неговата екипа лазеле под автомобилите на клиентите. Видеото има добиено над 12 милиони прегледи.

Во друг случај, тој упаднал во добро познат американски ресторан за брза храна со лажна екипа за чистење, викајќи им упатства на вработените и земајќи опрема додека вистинските работници во шок ја повикале полицијата.

Истражителите велат дека видеата му заработиле на Коб многу пари преку TikTok и Instagram, но сега тоа би можело скапо да го чини.

Се соочува со речиси 10 години затвор

Коб моментално се соочува со обвиненија за провала од трет степен, што носи потенцијална казна до 4 години затвор, две точки за лажно претставување и десет прекршоци за нелегално влегување во туѓ имот и нарушување на јавниот ред и мир.

Доколку биде осуден по сите точки и му бидат изречени максималните казни, би можел да помине до 9 години и 8 месеци затвор и да плати повеќе од 315.000 долари казни.

Иако оние што првпат се појавуваат на интернет честопати добиваат полесни казни, во овој случај судот може да биде построг бидејќи станува збор за свесно планирани и повторени инциденти што биле намерно снимени и објавени за поширока публика. „Снимањето за TikTok не е изговор. Дали сте спремни да ризикувате затвор заради прегледи?“, рече полицијата.

Полицијата објави дека истрагата е сè уште во тек и дека повеќе луѓе што се појавиле во видеата на Коб исто така би можело да бидат притворени.

Тагови: затвор тиктокер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Лукашенко им честита на Украинците за Денот на независноста: „Ви посакувам мир и среќа “

Претседателот на Белорусија, Александар Лукашенко, му го честиташе Денот на независноста на украинскиот народ по повод 35-годишнината од овој настан, соопшти прес-службата на белорускиот претседател. 

Лукашенко им честита на Украинците за Денот на независноста: „Ви посакувам мир и среќа “

„Историските судбини на белорускиот и украинскиот народ се тесно испреплетени. Нашите нации се поврзани со вековни традиции и со сеќавањето на заедничките победи и тешките искушенија“, се вели во честитката.

Лукашенко изрази уверување дека, и покрај геополитичките превирања, идните генерации Белоруси и Украинци ќе ги зачуваат своите вековни врски на пријателство и сродство, како и дека Минск и Киев ќе ја обноват заемно корисната соработка заснована на принципите на доверба, почит и рамноправност.

„Гостопримлива Белорусија е секогаш отворена за секој Украинец што доаѓа со добри намери“, нагласи Александар Лукашенко. Тој им посака на сите граѓани на Украина „здравје и просперитет“, а на земјата – „мир и среќа“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Се е подготвено за Тиквешки гроздобер 2026, Кавадарци ќе биде домаќин на три големи музички вечери

На 4, 5 и 6 септември, Кавадарци ќе биде домаќин на три големи музички вечери, во рамки на најголемата гроздоберска прослава во Тиквешијата [🍷].

Јанчев: Се е подготвено за Тиквешки гроздобер 2026, Кавадарци ќе биде домаќин на три големи музички вечери

МУЗИЧКАТА ПРОГРАМА НА ТИКВЕШКИ ГРОЗДОБЕР 2026 [🎶]

На 4, 5 и 6 септември, Кавадарци ќе биде домаќин на три големи музички вечери, во рамки на најголемата гроздоберска прослава во Тиквешијата [🍷]

Внимателно подготвена музичка програма, врвни изведувачи и атмосфера која ја претвора традицијата во незаборавно доживување.

[📅] 4 • 5 • 6 СЕПТЕМВРИ

[📍] КАВАДАРЦИ

[🍇] ТИКВЕШКИ ГРОЗДОБЕР 2026

Тиквешијата слави. Кавадарци ве очекува! [🎤] [🍷], стои во објавата на Фејсбук на градоначалникот на Кавадарци, Митко јанчев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Венко е сосема одлепен од реалноста, она што му го диктира Заев тоа и го повторува

Венко е сосема одлепен од реалноста, она што му го диктира Заев тоа и го повторува, во однос на изборите јасен му е епилогот, затоа и бега од соочување со граѓаните.

ВМРО-ДПМНЕ: Венко е сосема одлепен од реалноста, она што му го диктира Заев тоа и го повторува

РЕАКЦИЈА НА ПРЕС-КОНФЕРЕНЦИЈА НА ВЕНКО ФИЛИПЧЕ

Филипче на денешната прес-конференција, ги повтори трите постулати на СДС, а тие се ширење на лаги, манипулации и дезинформации. Впрочем, тоа го прави на секое негово појавување во јавноста.

Очигледно е дека Филипче нема допир со реалноста, а тоа е поради неговата дружба со аболицираниот криминалец Заев, на неговата милионска јахта во Грција, кој му диктира што да кажува пред медиумите и му ја создава перцепцијата, а Филипче како негов следбеник, истото го повторува.

Тука можеме директно да му порачаме дека јасен демант за неговите лаги се официјалните статистики кои го спроведува во јавноста Државниот завод за статистика.

Во однос на изборите, единствен човек во државата кој не сака избори и бега од нив е Венко Филипче и талогот од СДС. Од месечината се гледа дека јасно му е и на него и на талогот, каков дебакл ќе доживеат и како ќе бидат поразени од граѓаните.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер