Познат француски стример почина за време на пренос во живо- со години се снимал како го злоставуваат - Канал 5

Свет

Познат француски стример почина за време на пренос во живо- со години се снимал како го злоставуваат

Познат стример од Франција, кој бил сниман како е злоставуван со години, починал за време на пренос во живо!

Познат француски стример почина за време на пренос во живо- со години се снимал како го злоставуваат

Рафаел Гравен (46), познат и како Жан Порманов или ЈП, е снимен како лежи мртов во кревет, додека неговиот пријател фрла пластично шише кон него за да провери дали е жив, откако гледачите на преносот во живо забележаа дека не се движи.

Претходните снимки го покажаа како е давен, полеан со вода, а исто така го покажа и грбот полн со повреди, објави Монд.

Гравен доби голем број следбеници затоа што во живо се емитуваше себеси како е злоставуван или понижуван. Имал околу 580.000 следбеници на TikTok и речиси 670.000 на Twitch.

Сепак, тој бил најпознат на платформата Kick, која е позната по тоа што не ја регулира својата содржина. Тој се преселил на оваа платформа за да ги емитува своите гејмерски стримови, како и екстремните предизвици, и престана да објавува на TikTok на крајот на септември 2023 година.

За време на неговиот последен пренос во живо, тој беше виден во несвест, заедно со стримерите што ги користеа прекарите Наруто и Сафине. Првиот се обидел да го разбуди, но без успех, по „десет дена и ноќи тортура“, според некои извори кои споменале екстремно физичко насилство, лишување од сон и внесување токсични супстанции.

Обвинителството во Ница соопшти дека Гравен починал ноќта помеѓу недела и понеделник во блиското село Контес.

Тие рекоа дека е започната истрага и е наредена обдукција за да се утврди причината за смртта.

Видеото на 46-годишниот маж прво било прикажано во живо на австралиска платформа наречена Кик, а подоцна се проширило на интернет.

Полицијата во Ница истражува, како што велат, намерни акти на насилство врз ранливи луѓе кои завршиле како видеа на интернет во последните осум месеци.

Истрагата, која започнала во декември, произлезе од извештајот на францускиот медиум Медиапарт кој открил постоење на такви видеа кои биле гледани од илјадници гледачи, особено на платформата Кик.

Во соопштението, портпаролот на Кик изјави дека компанијата итно ги разгледува околностите и работи со релевантните страни за да ја испита ситуацијата.

„Длабоко сме ожалостени од загубата на Порман и изразуваме сочувство до неговото семејство, пријателите и заедницата. Упатствата на платформата се дизајнирани да ги заштитат креаторите на содржини, а Кик е посветен на почитување на тие стандарди на целата наша платформа“, се вели во соопштението.

Тагови: злоставува пренос

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода бугарски државјанин на Граничниот премин Богородица поради фалсификувана исправа

На 02.10.2026 во 09:50 часот на Граничен премин Богородица, полициски службеници го лишија од слобода И.А.И.(58) од Бугарија поради основано сомнение за сторено кривично дело „фалсификување исправа“ по член 378 од Кривичниот законик.

Лишен од слобода бугарски државјанин на Граничниот премин Богородица поради фалсификувана исправа

Известен е јавен обвинител, по што лицето е предадено во полициска станица Гевгелија и по целосно документирање на случајот ќе биде поднесена соодветна пријава.

Тагови: бугарски државјанин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Аеродром го асфалтира паркингот пред детската градинка „Црвенкапа“

Градоначалникот на Општина Аеродром Дејан Митески денеска изврши увид во градежните активности за асфалтирање на паркинг-просторот кај детската градинка „Црвенкапа“ во Стар Аеродром.

Општина Аеродром го асфалтира паркингот пред детската градинка „Црвенкапа“

Со уредувањето и обележувањето на паркинг-местата се добива повеќе функционален простор, подобра инфраструктура и поуреден изглед во овој дел од општината.

Најважно од сè, со ова обезбедуваме посигурен и полесен пристап до градинката за родителите и за нашите најмлади. Кога инвестираме во инфраструктурата, инвестираме во секојдневието на граѓаните.

Општина Аеродром

Тагови: Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Смеење до солзи со „Секстет“ на НУ Народен театар Битола на годинешното издание на фестивалот „Денови на комедијата“

На сцената на НУЦК „Трајко Прокопиев“ – Куманово вчеравечер одекна силен и долг аплауз за екипата на НУ Народен театар Битола, која со својата изведба повторно ја воодушеви и ја насмеа до солзи публиката која ја исполни салата до последното столче.

Смеење до солзи со „Секстет“ на НУ Народен театар Битола на годинешното издание на фестивалот „Денови на комедијата“

„Секстет“ и овојпат покажа дека добрата комедија не познава граници – се игра, се чувствува и се споделува со публиката.

„Од срце му благодариме на организаторот на фестивалот „Денови на комедијата“ за поканата, прекрасното добредојде и гостопримството. До следната средба – со уште многу смеа, аплаузи и театарски моменти“, истакнуваат од Битолскиот театар.

Претставата „Секстет“ секогаш го полни гледалиштето до последното место, комедијата од Марк Камолети, во режија на Марјан Георгиевски, па така и овојпат салата беше исполнета со публика која ги награди актерите на Битолскиот театар со долготрајни аплаузи.

Недоразбирања, тајни, љубовни заплети и урнебесни пресврти секогаш ја тераат публиката да се смее од почеток до крај.

Зошто комедија? Затоа што премногу долго сме сериозни.

Живееме во време на прегласни информации и постојани кризи.

Научивме како да бидеме загрижени, заборавивме да се смееме. Во претставата играат: Бернар -Николче Пројчевски, Жаклина-Катерина Аневска Дранговска, Роберт -Александар Димитровски, Сузан-Сандра Грибовска Илиевска, Сузет -Анастасија Чипуровска, Џорџ-Борче Ѓаковски.

Костимографијата е на Андреј Георгиевски, сценографијата на Влатко Чачоровски, музика -Александар Димовски.

29.издание на Фестивалот оваа година се одржува од 23 септември до 5 октомври. Во текот на фестивалските денови, публиката има можност да проследи театарски претстави исполнети со хумор, квалитетна актерска игра и препознатлива фестивалска атмосфера преку изведба на театрите од Македонија и земјите од регионот. Фестивалот ќе биде затворен со претстава надвор од конкуренција, посветена на годинашниот лауреат Игор Џамбазов. Фестивалот е поддржан од Министерството за култура и туризам и од Општина Куманово.

Тагови: Денови на комедијата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер