Живот

Познат е идентитетот на „Бред Пит“, кој измами жена за 800.000 евра-сега лаже дека е Киану Ривс

Измамникот кој ја измами Французинката Ана (53) со 830.000 евра и ѝ го уништи животот преправајќи се дека е актерот Бред Пит се наоѓа во Нигерија и веќе позира како холивудски великан.

За потсетување, несреќната жена верувала дека му помага на актерот да го финансира неговото лекување откако добила бројни „селфи“ од болницата и слатки пораки составени од вештачка интелигенција.

Суровата љубовна врска траела повеќе од една година, а Французинката ја чинеше богатство, брак и ментално здравје.

„Не беше лесно, но го најдовме“, вели Марван Уараб, основач на организацијата Find My Scammer.

Тој го пронашол лажниот Бред Пит користејќи наместена врска за пристап до неговиот телефон, по што била утврдена и неговата домашна адреса, пишува The Sun.

„Тој не е сам, тоа е група од три или четворица млади луѓе. Сè уште е активен, а сега се преправа дека е Кијану Ривс“, тврди Уараб.

Тој наведува дека доказите што ги прибавил им ги предал на нигериските власти и Интерпол и дека смета дека покрај Французинката биле измамени и најмалку 30 лица.

Како што претходно објавивме, измамникот користел лажни социјални медиуми и сметки на WhatsApp, како и технологија за создавање слики со вештачка интелигенција, за да ѝ испрати на Ана она што изгледало како селфи и пораки од Бред Пит.

За да ги извлече парите, тој се преправал дека на 61-годишниот актер му требаат пари за да плати за лекување на бубрегот, а банкарските сметки наводно му биле замрзнати поради бракоразводната постапка со поранешната сопруга Анџелина Џоли.

Ана, која е уредувачка на ентериери, поминала година и половина верувајќи дека комуницира со Пит и сфатила дека е измамена дури кога се појавила веста за реалната врска на актерот со Инес де Рамон.

Жената открила дека првпат ја контактирал некој што се претставувал како мајката на Пит, набргу откако таа почнала да користи Инстаграм за прв пат додека скијала со семејството во Франција.

„Ми кажа дека на нејзиниот син му треба некој како мене“, објаснила таа.

Измамниците ѝ испратиле порака неколку дена подоцна, овој пат претставувајќи се како Пит.

„На почетокот си реков дека е лажно, дека е смешно“, објаснила Ана. „Но, не бев навикната на социјалните мрежи и навистина не разбирав што се случува со мене.

„Се прашувам зошто ме избраа да ми направат толку многу зло? Никогаш не сум повредила никого. Овие луѓе заслужуваат пекол“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Дали ова е најбизарниот спорт во светот? Натпреварувачки се удираат по задникот

Натпреварувачки се удираат по задникот, дали е ова најбизарниот спорт?.

Ако мислевте дека сте ги виделе сите можни боречки спортови, Романците најдоа начин да ги изненадат сите. Промоцијата RXF организира натпревар наречен „Booty Slap“, во кој жените се удираат со дланка по задникот.

Форматот е прилично едноставен. Две натпреварувачки стојат една спроти друга и наизменично упатуваат силни шлаканици со отворена дланка по задникот на противничката.

Според тековните правила на RXF, дуелот се состои од вкупно десет шлаканици, а победничката се одредува врз основа на силината на ударот – односно штетата што ја предизвикуваат ударите.

🍑 Romania has butt-slapping competitions Romanian promotion RXF even has a separate discipline called Booty Slap: contestants take turns slapping each other on the butt, with the winner decided by the force and effect of the hits. So… where do you sign up to be a judge?
— NEXTA (@nexta_tv) September 16, 2026

Натпреварувачките мора да имаат најмалку 18 години, а пред мечот нанесуваат специјална супстанца на рацете за да го максимизираат ефектот на шлаканиците. За разлика од класичниот „Power Slap“, целта овде не е да се нокаутира противничката со удар во главата.

Наместо тоа, натпреварувачките се стремат да зададат што е можно посилна шлаканица, принудувајќи ја ривалката да изгуби рамнотежа или едноставно оневозможувајќи ја да ја издржи болката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бред Пит ја „загубил“ девојката на свадбата на Тејлор Свифт

Еден од најголемите заводници во Холивуд, актерската ѕвезда Бред Пит откри дека за време на спектакуларната свадба на Тејлор Свифт и Тревис Келси накратко ја изгубил од вид својата девојка, Инес де Рамон.

Еден од најголемите заводници во Холивуд, актерската ѕвезда Бред Пит откри дека за време на спектакуларната свадба на Тејлор Свифт и Тревис Келси – настан одржан на 3 јули во њујоршкиот „Медисон Сквер Гарден“, кој тој го опиша како „свадба на векот“ – накратко ја изгубил од вид својата девојка, Инес де Рамон, на преполниот подиум за танцување.

„Тоа беше неверојатна ноќ“ .

Говорејќи на премиерата на филмот *Heart of the Beast*, актерот раскажа дека тој и Инес поминале „10, можеби 12 часа“ на свадбата, на која присуствувале околу 1.000 гости, истакнувајќи дека тоа била „неверојатна ноќ“.

Поради правилото што им забранувало на гостите да ги користат своите телефони, Пит рече дека накратко ја изгубил Инес од вид во гужвата на подиумот, но брзо ја пронашол со помош на другите гости, додавајќи дека целата прослава била внимателно испланирана, емотивна и многу забавна.

Двојката, која е заедно од 2022 година, ја официјализираше својата врска на Инстаграм за време на свадбата.

Инаку на свадбата на векот меѓу истакнатите гости беа Џиџи Хадид, Бредли Купер, Ед Ширан, Сабрина Карпентер, Хју Грант, групата „Хаим“ и Том Хенкс.

Во меѓувреме, новиот филм на Пит, *Heart of the Beast*, пристигнува во кината на 23 септември, според „Филм-њуз“ (Film-News).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ФУЕН едногласно ја усвои Резолуцијата на Македонското друштво „Илинден“-Тирана

Федералната унија на европските националности (ФУЕН), на својот конгрес што се одржува во Хелсинки, Финска, денеска едногласно ја усвои Резолуцијата поднесена од Македонското друштво „Илинден“-Тирана.

Овој чин претставува уште еден голем дипломатски и институционален успех за македонското национално малцинство во Република Албанија.

Со усвоената резолуција, ФУЕН упатува четири клучни барања до албанските и меѓународните институции:

1. Ратификација на Европската повелба: Република Албанија итно да ја потпише и ратификува Европската повелба за регионални или малцински јазици.

2. Заштита на идентитетот: Да се преземат ефективни и конкретни мерки за заштита на македонскиот идентитет од зачестените притисоци, негирања и асимилација.

3. Зачувување на Општина Пустец: Општина Пустец да остане посебна единица на локалната самоуправа и во рамките на претстојната нова административно-територијална реформа во Албанија.

4. Преименување: Општина Пустец официјално да се преименува во Општина Преспа.

Веднаш по гласањето на делегатите, претседателот на Македонското друштво „Илинден“-Тирана, Никола Ѓурѓај, во изјава за весникот „Македониум“ го истакна значењето на овој момент.

„Ова е значаен чекор за зачувување на македонскиот јазик, идентитет, култура и сите права на Македонците во Република Албанија. Веќе 11 години, како рамноправна членка на ФУЕН, активно учествуваме во работата на оваа реномирана европска организација и ги застапуваме интересите на нашиот народ. Ова е можност за нови искуства, зајакнување на соработката со другите национални малцинства во Европа и дополнителна афирмација на македонскиот идентитет, јазик, култура и традиција. Со голем гордост го претставуваме македонското национално малцинство на европско ниво“, изјави Ѓурѓај.

Резолуцијата во најкраток рок ќе биде официјално доставена до сите релевантни албански државни органи, како и до клучните меѓународни и европски институции за заштита на човековите и малцинските права.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.