Познат актер на 95 години признал дека цел живот бил геј со благослов од сопругата - Канал 5

Шоу биз

Познат актер на 95 години признал дека цел живот бил геј со благослов од сопругата

Шкотскиот пензиониран актер Стенли Бакстер (95) признал дека е хомосексуалец и опиша како носел мажи дома со благослов на сопругата.

Познат актер на 95 години признал дека цел живот бил геј со благослов од сопругата

Телевизиската sвезда позната по хумористични серии како што е шоуто „Стенли Бакстер“, „Време за Бакстер“, „Снимка за слики“,се пензионирал пред 25 години, но во книгата за неговиот живот „Вистинскиот Стенли Бакстер“, тој открива досега непознати детали за неговиот живот.

Бакстер во книгата пишува дека ја криел својата сексуална ориентација во текот на целата своја кариера и објаснува какво влијание имало врз неговиот однос со неговата сопруга Моира Робертсон, која починала во 1997 година.

Во книгата тој вели дека сакал да раскине со Моира кога таа сакала да се омажи за него, но таа била толку вознемирена и со скршено срце што тој и ја открил вистинската причина зошто сака да ја прекине врската.

Тој додаде дека таа била толку вознемирена што се заканила дека ќе скокне низ прозорец, па парот на крајот се венчал. Откако се венчале, Бакстер тврди дека склучиле пакт што му дозволил да носи мажи дома со нејзин благослов, пренесува The Mirror.

„Не можев долго да издржам без мажи“, пишува тој. "За среќа, Моира имаше разбирање. Ако ме интересираше некој, можев да го донесам дома", открива тој.

,,Светот на Бакстер” пропаднал во 1962 година кога бил уапсен во јавен тоалет во северен Лондон под сомнение дека сака да плати за секс. Тој вели дека стравувал дека тогаш кариерата ќе му заврши, но неговиот адвокат успеал да го ослободи од обвинението.

Неговиот брак со Моира бил проблематичен во текот на следните неколку години, бидејќи се борел со проблеми со менталното здравје и му била дијагностицирана шизофренија. Таа починала во 1997 година на 69-годишна возраст по предозирање.

„Секој би бил луд да избере да живее толку тежок живот“, напиша тој понатаму за својата сексуалност. "Постојат многу хомосексуалци кои се задоволни од тоа што се. Никогаш не сакав да бидам геј. Сè уште не сакам", заклучи тој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Видео: Неверојатна тепачка во НХЛ

Натпреварот помеѓу Винипег Џетс и Флорида Пантерс понуди вистински хокеарски спектакл, но главна атракција беше жестокиот судир меѓу „тешкашите“ Тајрел Бауер и Бокондџи Имама.

Видео: Неверојатна тепачка во НХЛ

Двајцата исклучително силни играчи ги фрлија ракавиците уште на самиот почеток од првата третина, приредувајќи им на гледачите неверојатна тепачка која траеше повеќе од една минута.

Во физичката пресметка хокеарите разменија на тешки удари, овој нивни судир секако ќе биде сериозен кандидат за титулата „најдолга и највозбудлива тепачка“ во досегашниот тек од сезоната во НХЛ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хамнеи ја зголеми борбената готовност: Иран се подготвува за можен нов судир

Врховниот лидер на Иран, Моџтаба Хамнеи, им нареди на воените команданти да ги ажурираат своите листи со цели и да ја подобрат одбраната, со порака веднаш и ефикасно да одговорат на секоја закана.

Хамнеи ја зголеми борбената готовност: Иран се подготвува за можен нов судир

За време на состанокот со високи воени команданти, Хамнеи нагласи дека високото ниво на борбена готовност за силен одговор кон противниците е еден од клучните предуслови за постигнување максимално одвраќање.

„Доколку непријателите повторно извршат воени или терористички напади, вооружените сили на Исламската Република и иранскиот народ ќе ги одредат времето и условите за нивниот крај“, изјави Хамнеи, според иранската новинска агенција ИРНА.

Според него, ажурирањето на списокот со цели треба да овозможи различни материјални и нематеријални ресурси на Соединетите Американски Држави и Израел да бидат во дофат на иранските вооружени сили.

Хамнеи, исто така, укажал на потребата од зајакнување на воено-разузнавачката инфраструктура, подобрување на одбранбените и безбедносните капацитети преку примена на нови технологии, како и развој на домашните воени капацитети во однос на доктрината и тактиката.

Зборувајќи за состојбата во регионот, тој ја пофалил, како што се наведува, истрајноста на „фронтот на отпорот“ во различни земји, оценувајќи дека единството на неговите членови има стратешко значење за обликување на нов политички и безбедносен поредок во Западна Азија.

Пораките на Хамнеи доаѓаат во време на зголемени тензии меѓу Вашингтон и Техеран, придружени со постојани закани од страна на САД за можни нови воени напади по изборите за американскиот Конгрес на 3 ноември.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Зеленски: Околу 280.000 домаќинства во Украина останаа без струја

Украинскиот претседател Володимир Зеленски денеска изјави дека околу 200.000 домаќинства во Днипро и околните области, како и повеќе од 80.000 домаќинства во регионот на Киев, останале без електрична енергија по руските напади.

Зеленски: Околу 280.000 домаќинства во Украина останаа без струја

Украинскиот претседател Володимир Зеленски денеска изјави дека околу 200.000 домаќинства во Днипро и околните области, како и повеќе од 80.000 домаќинства во регионот на Киев, останале без електрична енергија по руските напади врз енергетската инфраструктура.

Зеленски на платформата „Икс“ (X) наведе дека во текот на ноќта руски беспилотни летала ја погодиле термоелектраната во Киев, четири електрични потстаници во Днипропетровската област и термоелектраната во Шостка. Според него, цел на нападот била и железничката инфраструктура во Днипро и Харков, како и еден дистрибутивен објект во Днипропетровската област.

Екипи за поправка работат на отстранување на последиците од нападот и на воспоставување на снабдувањето со електрична енергија, рече Зеленски. Истовремено, тој ја повика меѓународната заедница да ѝ пружи дополнителна поддршка на Украина, предупредувајќи на опасноста од понатамошно проширување на руската ескалација во Европа. Тој побара нови пакети помош за Украина и воведување дополнителни санкции против Русија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер