Беким Сали – Кристоф Исранг: Партнерството со Германија и конкретните реформи го забрзуваат европскиот пат
2Беким Сали – Кристоф Исранг: Партнерството со Германија и конкретните реформи го забрзуваат европскиот пат
БалканПозитивните ефекти од Договорот од Преспа тема на централен настан на фестивалот на подмладокот на СИРИЗА во АтинаНа четвртото издание на фестивалот, Македонија имаше свои претставници.За важноста на Договорот од Преспа, не само за двете земји, туку и за целиот регион, но и за отворената можност за комуникацијата меѓу двата народи, особено меѓу младите по постигнувањето на решението, говореа Ивана Туфегџиќ, пратеничката од коалицијата на СДСМ и поранешниот шеф на грчката дипломатија, сега пратеник од СИРИЗА, Јоргос Катругалос на панел дискусија во рамките на фестивал „Спутник" организиран од подмладокот на СИРИЗА што викендов се одржува во Атина, а нивните ставови ги пренесоа и во разговор со дописничката на МИА од Атина. На четвртото издание на фестивалот, Македонија имаше свои претставници, како пратеничката Туфегџиќ , така и претседателот на Социјалдемократската младина кои изразија надеж дека нивното прво учество на фестивалот и контактите со подмладокот на СИРИЗА ќе бидат почеток на нова и плодна соработка. Во обраќањата на панел дискусијата под наслов „Залогот за мир во бурето барут на Балканот", пратеникот од СИРИЗА, Јоргос Катругалос говореше за историската важност на Договорот од Преспа и можностите што ги отвори и за двете земји и за регионот, како и за грчката надворешна политика, а ја коментираше и позицијата на владејачката Нова демократија, за која рече дека за конкретното прашање се завртила за 180 степени, во однос на предизборните ставови. Пратеничката од коалицијата на СДСМ во обраќањето, освен што говореше за важноста на Договорот од Преспа, акцентот го стави на младите, велејќи дека тие и од двете страни на границите се соочуваат со исти проблеми, а од особена важност е нивното поврзување и нивната комуникација. Катругалос: Договорот од Преспа ги постави основите за народите од двете земји меѓусебно да контактираат Поранешниот шеф на грчката дипломатија, a сега пратеник и надлежен за надворешна политика во опозициската СИРИЗА, Јоргос Катругалос, во разговор со дописничката на МИА од Атина вели дека фестивалот е добра можност за поголема комуникација меѓу граѓаните од двете земји, по Договорот од Преспа. -Договорот од Преспа ги постави основите за народите од двете земји да стапуваат во контакт, да ги наоѓаат работите што ги обединуваат, а не оние што ги разделуваат. Сметам дека Договорот од Преспа не одигра важна улога само во високата дипломатија за да запре горчливата билатерална разлика меѓу двете земји, не само што го стабилизираше балканскиот регион, направи нешто уште поважно, им даде можност на граѓаните на Македонија и на граѓаните на Грција да комуницираат, меѓусебно да се разбираат и мислам дека фестивалот „Спутник" даде добра можност за чекор кон тоа, вели Катругалос. За соработката меѓу младите од двете земји, тој коментира дека претходно, пред решението меѓу двете земји, пречка секогаш беше прашањето за името, а ја споменува и позитивната агенда од Договорот од Преспа, односно можностите за соработка. -Претходно, не можевме воопшто да потпишеме билатерални договори бидејќи постоеше прашањето со името и од најважните достигнувања на Договорот од Преспа е дека едно цело поглавје се однесува токму на оваа област, на мировната, на економската, но и на културната соработка, додава пратеникот од СИРИЗА и надлежен за надворешна политика. Катругалос за МИА истакнува дека треба да се забрзаат прашањата околу спроведувањето на договорот, како што се оние за учебниците и за трговските ознаки, „за кои се составени надлежни комисии и треба нивната работа да се охрабри и од двете влади". Туфегџиќ: Почеток на соработка особено важна за младите Пратеничката од коалицијата на СДСМ веднаш по завршувањето на централниот настан – панел дискусијата на вториот ден од фестивалот на подмладокот на СИРИЗА, во разговор за МИА вели дека ова е почеток на една соработка бидејќи се работи за теми кои што се важни особено во делот на младинските прашања и политики, а токму затоа таа ги спомена младите како централен дел во нејзината дискусија. -Mислам дека поврзувањето помеѓу младите и запознавањето на младите со различната култура, различните образовни системи, можеби и различните можности за вработување, работнички права итн, мислам дека се важни особено за нас, за да учиме од земја која е веќе членка на Европската унија и наш сосед, а од друга страна мислам дека е важно ваквите соработки да се продлабочуваат на сите нивоа помеѓу политичките партии, помеѓу граѓанското општество, медиумите, синдикатите, стопанските комори, бидејќи е важно, по Преспанскиот договор да отвораме едно ново поглавје, мислам дека е многу важно да бидат ваков тип на размени од кои можеме многу да научиме едни за други, вели Туфегџиќ. Во однос на тоа колку младите од двете земји се познаваат, пратеничката коментира дека не се познаваат меѓу себе и треба да се следат примерите од минатото на соработки на ниво на граѓански организации, размени меѓу Универзитетите, меѓу студентите, професорскиот кадар. -Многу е важно да ги продлабочиме тие соработки и на универзитетско ниво и на средношколско ниво можеби, бидејќи е важно да се запознаваат на начин на кој не е доволно да отидете на одмор на Грција и обратно тие да дојдат во Охрид. Туку е важно да целиот тој процес биде процес на учење, мислам дека во Македонија многу малку обрнуваме внимание на неформалното образование, а тоа е еден дел, бидејќи кога учат заедно за вештини, за дигитален развој да речеме, тие се запознаваат и стекнуваат неформално образование кое понатаму им помага за да најдат квалитетно работно место, така што е важна е таа размена, може да биде многу продуктивна и мислам дека тука мораме повеќе да вложуваме, објаснува пратеничката од коалицијата на СДСМ. Туфегџиќ додава дека тие се отворени за соработка и со сегашната влада на Грција и истакнува дека конкретните работи на кои што се осврна таа се важни за иднината на двете земји во начинот на соработката без разлика која влада е на власт, а договорот не смее да зависи од владите. Каевски: Почнува плодна соработка меѓу Социјалдемократската младина и подмладокот на СИРИЗА На покана на подмладокот на СИРИЗА на фестивалот, за прв пат присуствуваа и претставници на Социјалдемократската младина, a претседателот Дарко Каевски за МИА вели дека со ова започнува една плодна соработка сѐ со цел да спроведат заеднички активности и заеднички да ги презентираат сите придобивки кои произлегуваат од Договорот од Преспа. -Верувам дека како млади луѓе можеме да ја направиме промената и тука во Грција и кај нас во Северна Македонија, се со цел што е можно повеќе младите да имаат придобивки, придобивки кои ќе значат подобра иднина и кои што ќе значат подобар стандард и она што е потребно за младите, затоа што како и во нашата држава, така и во Грција голем е бројот на млади кои што се отселуваат кои одат во западните држави, но секако кај нас е многу поголем и кај нас е позабележителен тој податок, така што заеднички можеме да спроведеме многу голем број на активности кои што ќе придонесат и ќе бидат во насока сето ова да се намали и со крајна цел да се отстрани, вели Каевски. Соработката на подмладоците на двете партии нема да заврши со завршувањето на фестивалот на СИРИЗА. Каевски објаснува дека по повод на роденденот на Социјалдемократската младина на 9 ноември ќе организираат низа активности и настани, а поканет е и подмладокот на СИРИЗА. -Една недела пред настанот ги очекуваме претставниците, лидершипот на подмладокот на СИРИЗА да дојде во Скопје и заеднички да го прославиме нашиот роденден, но и да ги презентираме сите заеднички активности кои што сме ги превземале, објаснува претседателот на Социјалдемократската младина. Четвртиот фестивал на подмладокот на СИРИЗА „Спутник", почна во петокот, а завршува вечерва со обраќање на лидерот на партијата и поранешен премиер на Грција, Алексис Ципрас, кој синоќа прошета низ штандовите, поразговара, но и се фотографираше со присутните. /MИАКрадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
СветАмериканскиот носач на авиони го напушти Блискиот Исток по три месециАмериканскиот носач на авиони по три месеци го напушти Блискиот Исток-Трамп го повлекува моќниот воен брод – еве каде се враќа Неговото заминување се случи само неколку дена откако носачот на авиони „УСС Теодор Рузвелт“ пристигна на Блискиот Исток. Американскиот носач на авиони „УСС Џорџ Вашингтон“ го напушти Блискиот Исток по тримесечен престој во регионот, кој се одвиваше во контекст на војната со Иран. Оваа информација ја пренесе „USNI News“, повикувајќи се на претставник на американската морнарица. Сепак, морнарицата не даде дополнителни детали во врска со заминувањето на воениот брод. Според американски претставници, „УСС Џорџ Вашингтон“ најверојатно се враќа во својата матична база во Јапонија. Неговото заминување доаѓа само неколку дена откако носачот на авиони „УСС Теодор Рузвелт“ пристигна на Блискиот Исток, придружувајќи му се на „УСС Џорџ Х.В. Буш“. „УСС Џорџ Вашингтон“ е единствениот американски носач на авиони што е трајно стациониран надвор од територијата на Соединетите Држави. Негова матична база е Јокосука, Јапонија, а во Блискиот Исток пристигна во август. Според претходна изјава на Централната команда на САД (CENTCOM), со неговото пристигнување беше заменет носачот на авиони „УСС Абрахам Линколн“, кој претходните девет месеци ги помина во регионот, поддржувајќи воени операции против Иран – вклучително и блокада на иранските пристаништа. Заминувањето на „УСС Џорџ Вашингтон“ од Пацификот во август, исто така, имаше пошироки импликации за военото присуство на САД во тој регион, бидејќи Соединетите Држави останаа без носач на авиони во западниот дел на Пацификот.Тагови: американски бродови Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиКривични пријави за два слуачи поврзани со силување деца08:55На бебе му бил повреден прст на Гинекологија при вадење инфузија – ГАК отвора дисциплинска постапка15:088 месеци затворска казна и 3300 евра парична казна доби Игор Дашковски Стојановски за палењето на дипломатски возила на бугарската амбасада10:45АНБ откри терористичка мрежа во Македонија: Подготвувале атентат во Грција15:00Кристијан Корабоски доби 30 дена притвор за нападот врз Сара во Охрид11:20
На бебе му бил повреден прст на Гинекологија при вадење инфузија – ГАК отвора дисциплинска постапка15:08
8 месеци затворска казна и 3300 евра парична казна доби Игор Дашковски Стојановски за палењето на дипломатски возила на бугарската амбасада10:45
Фудбал Пропаѓа фудбалската револуција на Венгер, новото правило за офсајд не го положи тестот во КанадаПредлогот на Арсен Венгер – поранешен менаџер на Арсенал и шеф за глобален фудбалски развој во ФИФА – кој имаше за цел да го револуционизира толкувањето на правилото за офсајд, се соочува со сериозни предизвици. Целта беше јасна – да им се даде предност на напаѓачите, да се намали бројот на поништени голови поради минимални офсајд-ситуации и фудбалот да стане поатрактивен. Идејата чија цел е да го трансформира фудбалот и да го зголеми бројот на голови наиде на значителни пречки. По спроведените тестирања во Канада, станува сè поверојатно дека предложената голема измена на правилото за офсајд нема да биде реализирана. Предлогот на Арсен Венгер – поранешен менаџер на Арсенал и шеф за глобален фудбалски развој во ФИФА – кој имаше за цел да го револуционизира толкувањето на правилото за офсајд, се соочува со сериозни предизвици. Експериментот спроведен во текот на сезоната во Канадската премиерлига не ги даде очекуваните резултати, поради што Меѓународниот одбор на фудбалски асоцијации (IFAB) е склон кон напуштање на оваа иницијатива. Правилото на Венгер – познато како офсајд „„daylight““ – предвидуваше дека напаѓачот не се наоѓа во офсајд позиција сè додека кој било дел од неговото тело се преклопува со дел од телото на противнички играч. Со други зборови, офсајд ќе се досуди само кога постои видлив простор (јасен јаз) помеѓу напаѓачот и претпоследниот противнички играч. Целта беше јасна: да им се даде предност на напаѓачите, да се намали бројот на поништени голови поради минимални (милиметарски) офсајд ситуации и да се направи фудбалот повозбудлив. Сепак, резултатите од експериментот во Канада открија и друга страна на оваа промена. Во текот на 112 натпревари, бројот на досудени офсајди се намали за дури 54 отсто; сепак, беа постигнати само 13 гола повеќе, кои според претходните правила ќе беа поништени. Истовремено, одбранбените линии се прилагодија на новите услови така што се повлекоа подлабоко, поместувајќи ја својата одбранбена линија наназад во просек за околу три метри. Ова е токму една од главните причини зошто идејата не ја доби очекуваната поддршка. Наместо да доведе до поотворен стил на игра и поголем број шанси за постигнување гол, екипите пронајдоа начини да се прилагодат на новото правило, со што, всушност, дел од првичниот концепт стана бесмислен. Според информациите од Европа, советодавните тела на IFAB не го поддржаа продолжувањето на експериментот во неговата сегашна форма. Сепак, конечната одлука сè уште не е донесена, а резултатите од тестирањето ќе бидат предмет на дополнителна анализа во текот на 2027 година. Интересно е тоа што веќе се разгледуваат алтернативни решенија – вклучително и можноста, при одредувањето на офсајд, фокусот да биде ставен на положбата на торзото (горниот дел од телото) на напаѓачот, наместо на неговите стапала или нозе. Иако ова би можело да доведе до поинаква верзија на правилото, првичниот предлог на Венгер, засега, останува далеку од универзална примена.Тагови: Фудбал Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаБеким Сали – Кристоф Исранг: Партнерството со Германија и конкретните реформи го забрзуваат европскиот патПрвиот заменик-претседател на Владата и министер за европски прашања, Беким Сали, оствари средба со Кристоф Исранг, директор за Европа во Сојузното министерство за надворешни работи на Германија. Во фокусот на разговорите беа билатералните односи, процесот на пристапување во Европската Унија и спроведувањето на Реформската агенда. Министерот Сали ја оцени Германија како стратешки партнер и доследен поддржувач на европската интеграција на Северна Македонија. Тој го истакна значењето на развојната соработка и поддршката од ГИЗ за институциите, вклучително и за спроведувањето на Реформската агенда и регионалната размена на искуства. На средбата се разговараше за потребата од фер, предвидлив процес на проширување заснован на заслуги. Министерот ја нагласи подготвеноста за конструктивен дијалог за отворените прашања и важноста од финализирањето на патоказите за владеење на правото и реформата на јавната администрација. Посебно внимание беше посветено на Планот за раст за Западен Балкан и придобивките од постепената интеграција. Министерот ги посочи конкретните придобивки од учеството во Единствената област за плаќања во евра (СЕПА), како и можностите од иницијативите за дигитална поврзаност и намалување на трошоците за роаминг. Соговорниците разговараа и за перспективите на политиката на проширување, подготовката на Европската Унија за нови членки и значењето на предвидлива повеќегодишна финансиска рамка што ги поддржува реформите, инвестициите и економското приближување. Министерот Сали ја потврди посветеноста на Владата на мерливи реформски резултати и продлабочување на партнерството со Германија, со цел европската интеграција да донесе конкретни придобивки за граѓаните и бизнисите.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиКривични пријави за два слуачи поврзани со силување деца08:55На бебе му бил повреден прст на Гинекологија при вадење инфузија – ГАК отвора дисциплинска постапка15:088 месеци затворска казна и 3300 евра парична казна доби Игор Дашковски Стојановски за палењето на дипломатски возила на бугарската амбасада10:45АНБ откри терористичка мрежа во Македонија: Подготвувале атентат во Грција15:00Кристијан Корабоски доби 30 дена притвор за нападот врз Сара во Охрид11:20
На бебе му бил повреден прст на Гинекологија при вадење инфузија – ГАК отвора дисциплинска постапка15:08
8 месеци затворска казна и 3300 евра парична казна доби Игор Дашковски Стојановски за палењето на дипломатски возила на бугарската амбасада10:45