Пожарот на дивата депонија во Шуто Оризари повторно ги труе скопјани - Канал 5

Македонија

Пожарот на дивата депонија во Шуто Оризари повторно ги труе скопјани

Штом ќе започнат летните горештини, како по правило се разгорува и дивата депонија меѓу Шуто Оризари и Визбегово – истото сценарио се повторува од година во година 

Пожарот на дивата депонија во Шуто Оризари повторно ги труе скопјани

Штом ќе започнат летните горештини, како по правило се разгорува и дивата депонија меѓу Шуто Оризари и Визбегово – истото сценарио се повторува од година во година – скопјани изминативе два дена повторно дишат изгорени гуми, пластика и други тони отровен отпад кој согорува.

Самото место е преплавено со смет од сите страни, што им оневозможува и на пожарникарите соодветно да си ја вршат работата. Оние кои живеат и работат во околината се сомневаат дека на депонијата се подметнуваат пожарите, воедно стравуваат дека еден ден пламените јазици ќе стигнат до нивните објекти.

Ова место е едно од црните точки во Скопје – оние кои што живеат и работат во околината велат дека се пали по пет-шест пати преку лето, а се пали секоја година.

Депониите се вистински кошмар за гаснење, вели првиот човек на ДЗС – Стојанче Ангелов, кој смета дека зад честите пожари на ова место стои човечки фактор. Тој вели дека врз ваквите, диви депонии тешко се воспоставува контрола и се горлив проблем за службите.

-Повеќе од сигурно можам да кажам дека таа е намерно запалена, бидејќи можноста сама од себе да се пали е навистина мала, доволен е еден мал поттик, би рекол една искра за истата да биде запалена. Веќе знаеме дека гаснењето на депонии за нас е кошмар, бидејќи сите депонии тешко се гаснат, внатре имаме разни материјали кои создаваат висока температура, гасови од зависност од депонијата, така што навистина тешко се гаснат. Апелирам до граѓаните да го пријават секое сомнително поведение кое ќе го забележат околу депониите,- - Стојанче Ангелов – Директор на ДЗС.

„Ја чистиме депонијата, а до следното лето сликата е повторно иста и повторно гори“ – вели градоначалникот на Шуто Оризари – Курто Дудуш. Вели дека веќе е распишан тендер за расчистување на ваквите места, но и дека во соработка со Град Скопје веќе се „крои план“ за трајно решение за местото на кое децении наназад сите незаконски го исфрлаат она што веќе не им треба.

-Местото децении наназад е препознатливо во цело Скопје и околината како место каде што сите доаѓаат и одлагаат отпад. Одлагањето обично го прават во вечерните часови кога има помалку инспекција на терен, знаат времиња, уходани се со години кога таму нема инспекции и носат таму и одлагаат отпад. Тоа се толку добро организирани групи кои имаат возила и ги пратат нашите екипи кога не се таму за да можат да однесат и да одложат отпад,- -Курто Дудуш – Градоначалник на О. Шуто Оризари.

Дива депонија гори и во околината на Велес, која се проширила и на околната сува трева – противпожарни екипи од утринава постапуваат и таму.

YouTube video

Тагови: пожари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Украинците ја гаѓаа Москва со стотици дронови, гори „рускиот Амазон“ (ВИДЕО)

Украинските сили извршија напад со беспилотни летала врз Московскиот регион во ноќта на 20 јули, а според извештаите од руските канали на Телеграм, погодени се складиште за нафта и логистички центар. 

Украинците ја гаѓаа Москва со стотици дронови, гори „рускиот Амазон“ (ВИДЕО)

Фотографиите и снимките објавени на социјалните мрежи покажуваат густ црн чад над Подолск, град на околу четириесет километри јужно од Кремљ, каде што по нападот избувна пожар во складиште за нафта, пишува Киев Индепендент.

Штета на повеќе локации

Истите извори, исто така, објавија за нов пожар во магацин на голем руски онлајн трговец на мало „Вајлдберис“, кој многумина го нарекуваат „руски Амазон“.

Според објавите на социјалните мрежи, погоден е еден од дистрибутивните центри на компанијата во градот Коледино, јужно од Подолск. Во градот Домодедово е забележан пожар во станбена зграда, исто така наводно по напад со беспилотни летала, додека во населбата Белје Столби се уништени магацини во рамките на логистичкиот парк „Јужније Ворота“. Точниот обем на штетата сè уште не е познат.

„Лансирани се повеќе од 400 дронови, соборивме 85 од нив“

Градоначалникот на Москва, Сергеј Собјанин, изјави дека над пошироката област на главниот град биле лансирани повеќе од 400 украински дронови. Тој тврди дека противвоздушната одбрана соборила 85 авиони што се приближувале кон градот. Снимките објавени од локалните жители покажуваат дронови со долг дострел што летаат над регионот.

„Киев Индепендент“ не можеше независно да ги потврди тврдењата, а украинската војска сè уште не го коментираше нападот. Новиот напад се случи само два дена по претходниот напад врз московскиот регион, кој исто така беше насочен кон „руската Амазонка“ и складиште за нафта.

Украинска стратегија за напад

Украинскиот претседател Володимир Зеленски не потврди директно дали складиштето на компанијата „Вајлдберис“ содржело опрема за руската армија. Сепак, во своето видео обраќање по операцијата, тој рече дека целните складишта биле поврзани со армијата. Киев ги смета нафтените објекти за легитимни воени цели бидејќи тие ја снабдуваат руската војска со гориво и ресурси.

Во последните месеци, Украина ги засили нападите со долг дострел врз воени, индустриски и енергетски цели на руска територија. Беспилотните летала постојано стигнуваат до Москва и други региони на стотици километри од границата. Како одговор, Русија ги зајакна воздушните одбрани во главниот град и постави нови системи „Панцир-СМД-Е“ на покривите на цивилните згради.

Последици од нападите врз руската нафтена индустрија

Украинските напади врз руската нафтена инфраструктура станаа почести и поуспешни. Целните напади врз магацини и рафинерии го нарушија производството, а во некои случаи, ги затворија постројките на неодредено време. Ројтерс објави на 24 јуни дека московската рафинерија за нафта веројатно нема да го продолжи производството до крајот на годината поради сериозни штети во неодамнешните напади.

Нападите врз нафтената инфраструктура, исто така, предизвикуваат проблеми за домашниот пазар на Русија. Поради тешкотиите со снабдувањето со гориво, беа воведени забрани за извоз, цените се зголемија, а продажбата беше ограничена низ целата земја. Жителите од различни руски региони продолжуваат да пријавуваат чекања со часови на бензинските пумпи.

Тагови: дронови москва

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Нејмар по Мундијалот се почести со подарок од 20 милиони евра

Нејмар си купи суперјахта вредна 20 милиони евра по Светското првенство и крајот на неговата репрезентативна кариера. 

Нејмар по Мундијалот се почести со подарок од 20 милиони евра

Напаѓачот на Сантос одлучи да направи голема куповина откако Бразил беше елиминиран од Светското првенство во 2026 година. Јахтата беше наречена Енехота, по португалскиот изговор на неговите иницијали НЈ.

Според „Наутика“, Енехота првично не беше изградена како јахта, туку како темелно пренаменет товарен брод произведен во Бразил. Бродот е долг повеќе од 46 метри и има околу 800 квадратни метри корисна површина. Се напојува со четири мотори „Катерпилар“, од кои секој развива 1.450 коњски сили. Ќе служи како приватно место за одмор на Нејмар по бразилскиот брег.

Тој се збогуваше откако беше елиминиран од Светското првенство

Нејмар го потврди крајот на својата меѓународна кариера по поразот на Бразил од Норвешка во осминафиналето на Светското првенство. Во тој натпревар, тој го постигна својот 80-ти и последен гол за бразилската репрезентација. Тој е рекордер стрелец на Бразил и втор играч со најмногу настапи за бразилската репрезентација (130, Кафу 142).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сообраќаен режим во Охрид од денеска до среда, по повод посетата на претседателката на Индија

Од денеска до 22 јули 2026 година кога индиската претседателка ќе престојува во Охрид, ќе се преземаат засилени безбедносни мерки и посебен режим на сообраќај.

Сообраќаен режим во Охрид од денеска до среда, по повод посетата на претседателката на Индија

По повод престојната посета на претседателката на Индија на Охрид, Секторот за внатрешни работи Охрид ги известува граѓаните на Охрид дека од денеска до 22 јули 2026 година кога индиската претседателка ќе престојува во Охрид, ќе се преземаат засилени безбедносни мерки и посебен режим на сообраќај.

Активностите се насочени кон физичко и сообраќајно обезбедување на сообраќајниците и други објекти за што се веќе остварени контакти со службите од локалната самоуправа како и со сите правни субјекти одговорни за одржување на патиштата и улиците во градот, со Фондот за комунални дејности, сообраќај и улици при општина Охрид, со Јавните претпријатија како и со други релевантни субјекти.

Полициската станица за безбедност во патниот сообраќај Охрид, од денеска интензивно презема мерки за сообраќајно обезбедување, контрола и регулирање на сообраќајот, пред сѐ по булеварот „Туристичка“, но и по другите патишта и сообраќајници каде не е дозволено запирање или паркирање на моторни возила. Воедно, сообраќајното обезбедување ги опфаќа и останатите магистрални, регионални и локални патишта од Охрид кон Св. Наум, како и заштитниот појас на патиштата заедно со улиците во населените места и паркиралиштата во централното градско подрачје и во стариот дел на градот.

СВР Охрид апелира до граѓаните да ги почитуваат наредбите што ги издаваат полициските службеници по сообраќајниците со цел безбедност на сите учесници во сообраќајот, имајќи ги предвид безбедносните мерки што се реализираат во врска со оваа значајна посета на индиската претседателка а своите моторни возила да ги користат во исклучителни случаеви или да користат алтернативни превозни средства, соопштуваат од СВР Охрид.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер