Македонија

Пожарот кај Јасен и натаму активен, но ставен под делумна контрола

Станува ли чистиот воздух „луксуз“ и во лето? Смрдеата на гума и пластика не ги остава скопјани „да дишат“ нормално ниту во едиствениот период од годината кога воздухот не е загаден.

Според директорот на ДЗС – Стојанче Ангелов, кој за ваквите ѓубришта вели дека многу тешко се гаснат, првично локалната самоуправа треба да спречи создавање на диви депонии преку своите инспекции, а како решение на овој проблем ги гледа и ригорозните казни кои ќе ги подзамислат потпалувачите пред да подметнат оган.

-Пред се локалната самоуправа не треба да дозволи да има дива депонија имаат инспекции кои тоа треба да го спречат, бидејќи и кога не се запалени преставуваат опасност по здравјето. Прво да не се дозволи да има диви депонии, а дури потоа кога ќе се запалат гаснењето е исклучително отежнато, бидејќи со вода е безмалку невозможно. Во пеналогијата има едно правило кое што зборува дека висината на казната не е онаа која што ги одвраќа сторителите да извшрат крвично дело, туку извесноста од казна. Колку оној кој што потпалува е повеќе исплашен дека ќе биде фатен толку помалку ќе биде мотивиран,- -Стојанче Ангелов – Директор на ДЗС.

Во превенцијата, но и во репресивноста решението го гледа и министерот за внатрешни работи – Панче Тошковски.. Според него, поекспресно решавање на случаите од страна на обвинителството и судот дополнително ќе влијае на решеноста на потпалувачите, воедно вели дека, покрај полицијата, и граѓантите треба будно да следат и веднаш да пријавуваат..

-Со репресивна улога и со повик за будност на сите македонски граѓани кои ќе забележат дека некој некаде потпалува или презема незаконите дејствие, а е поврзано со предизвикување на пожари и тоа како во иднина би требало да ги намалиме потенцијалните опасности кои ги имаме секојдневно. Досега имаме лишено 40 граѓани од слобода за кои сме обезбедиле докази за подметнување, и за кои што сме процесуирале по итна или редовна повеќе од 25 кривични пријави во рамки на МВР. За добар дел од нив има обвинителен акт,- - Панче Тошковски – Министер за внатрешни работи.

Што се однесува до пожарите, во земјава активни се три, а најголеми главоболки и натаму создава оној кај Јасен. Ангелов вели дека веќе е воспоставена делумна контрола врз пламените јазици, а според најавите на синоптичарите за дожд, ќе може вели да му се зададе и „последниот удар“.

Тагови: Панче Тошковски стојанче ангелов

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Крвав масакр на Сардинија- ѝ пукал во глава на сопругата, па отишол и го убил својот брат (ВИДЕО)

Жена (47) е тешко повредена, додека нејзиниот зет, маж (42), е убиен во два одделни напади што се случија во четвртокот во зори во близина на Каљари на Сардинија.

Италијанската полиција се сомнева дека двата инцидента се поврзани.

Осомничениот, 39-годишен маж од Каљари кој легално поседувал огнено оружје, им се предал на карабинерите по нападот и признал дека ги застрелал сопругата и братот, објавува РАИ.

Според досегашните информации, првиот напад се случил околу 5:45 часот наутро во градот Соланас, каде што жена била застрелана во главата во нејзиниот семеен дом.

Таа се здобила со сериозни повреди на главата и била итно префрлена во болницата Броцу во Каљари.

Само 25 минути подоцна, околу 6:10 часот наутро, службите за итни случаи добиле повик од населбата Марџине Росо во општината Кварто Сант'Елена. Таму бил пронајден 42-годишен маж, застрелан во градите и починал на местото на настанот.

Пет минути по вториот напад, во 6:15 часот наутро, осомничениот доброволно се појавил во станицата на карабинерите и признал дека ги застрелал сопругата и братот.

Според првичните резултати од истрагата, мотивот за злосторството најверојатно лежи во сериозни семејни конфликти.

По наредба на дежурниот обвинител, мажот е уапсен и приведен, додека карабинерите продолжуваат со истрагата и собирањето докази со цел целосно да се реконструираат околностите на убиството и обидот за убиство.

Тагови: Сардинија сопругата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Белорусија ја предупреди Полска на можна терористичка закана

Белоруското Министерство за надворешни работи ја предупреди Полска за можна терористичка закана на полска територија, а полските безбедносни служби сега ги проверуваат наводите.

Официјална Варшава вели дека сериозно ја сфаќа секоја потенцијална закана, пишува „Еуроњуз“.

Предупредување доставено до полски дипломат

Белоруското министерство во четврток објави дека го повикало на разговори полскиот вршител на должноста амбасадор во Белорусија, Кшиштоф Ожана. На таа средба, според официјалното соопштение, на полската страна ѝ биле дадени информации за наводно планираниот напад.

Целта на нападот наводно се деца на активистите

Во соопштението од Минск се наведува дека во случајот се работи за лице кое живее во Полска и има криминално досие. Ова лице неодамна ја изгуби дополнителната заштита и правото на престој во земјата.

Белоруските власти тврдат дека го планирале нападот врз децата на белоруски активист кој живее во Полска. Мотивот е одмазда бидејќи активистот наводно не му помогнал доволно на осомничениот да го задржи својот легален статус во Полска. Белоруското Министерство за надворешни работи соопшти дека е подготвено да ѝ достави на Варшава дополнителни информации доколку е потребно.

Полските служби ги проверуваат информациите

Полската новинска агенција побара коментар од Јацек Добжински, портпарол на координативниот министер за специјални служби. „Не коментирам медиумски извештаи на оваа тема. Сепак, можам да ве уверам дека полските служби не игнорираат никакви загрижувачки сигнали и дека пристапуваат кон сите информации за можни закани со должна сериозност и решителност“, рече Добжински.

Тој додаде дека специјалните служби генерално не зборуваат јавно за своите активности во раните фази од истрагата. „Вообичаено е разузнавачките служби насекаде во светот да не откриваат во оваа фаза дали презеле некакви чекори или какви точно се тие“, рече тој.

Полскиот министер за надворешни работи, Радослав Сикорски, исто така, се осврна на ситуацијата во Варшава во петокот. Тој рече дека секое предупредување за тероризам се сфаќа сериозно. „Ова се информации стари само неколку часа и ние сè уште ги проверуваме. Секако, ние сериозно го третираме секое предупредување за тероризам и го подложуваме на верификација“, рече Сикорски.

Тагови: белорусија Полска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Индонезија на нозе- спасени се 11 европски туристи од потонат брод, нема ни трага од капетанот

Индонезиски спасувачи денеска пронајдоа 11 преживеани европски туристи и еден член на екипажот откако нивниот глисер потона поради лоши временски услови во заливот Томини кај островот Сулавеси.

Индонезиски спасувачи денеска пронајдоа 11 преживеани европски туристи и еден член на екипажот откако нивниот глисер потона поради лоши временски услови во заливот Томини кај островот Сулавеси, но потрагата по 29-годишниот капетан на бродот е во тек, соопштија официјални лица.

Глисерот испловил од нуркачкиот центар во регентството Тоџо Унаун кон пристаништето Мариса во соседната покраина Горонтало, но не пристигнал, што предизвикало потрага, објави АП.

Бродот превезувал пет холандски државјани, тројца Германци, по еден од Чешка, Белгија и Франција, како и двајца индонезиски членови на екипажот.

Според раководителот на канцеларијата за пребарување и спасување на покраината Горонтало, Херијанта, спасувачките екипи пребарувале површина од околу 300 квадратни наутички милји користејќи глисери, дрон со термичка камера и опрема за нуркање.

Преживеаните рекоа дека откако наишле на силна бура, глисерот се распаднал и потонал, а патниците се спасиле користејќи сплав за спасување, додека капетанот се изгубил во густата магла. Операцијата за пребарување на капетанот ќе продолжи во следните седум дена, соопштија индонезиските власти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.