Тој прв пат посетува земја надвор од Европската унија
Сасоли во интервју за МИА вели дека „Перспективата за членство не е мртва, туку е пожива од што била претходно“. Според него моторот на ЕУ се граѓаните, а не само лидерите. Француското вето на последниот самит е само мала пречка на патот која ќе се надмине во наредните месеци.
-Знаеме дека во моментов има националистички искушенија кои играат против ЕУ, но мислам дека во Македонија про-европските сили се мнозинство и дека мнозинството од населението ја разбира ситуацијата. Ова не е време да се губи надеж. Европскиот Парламент, Комисијата и мнозинството земји веќе се убедени, тоа што треба сега е напор за да ја убедиме другата страна и ова мора заедно да го сториме вели Сасоли .
Според него наредните шест месеци ќе бидат многу важни за земјава , треба да стигнеме на самитот во Загреб со консензус од европска страна.
Европската иницијатива за стабилност објави документ во кој се сугерира дека приближувањето на балканските земји кон ЕУ треба да биде по модел на Норвешка. Тоа значи дека земјите од регионот би имале поголеми економски привилегии за напредок со реформите, додека формалното влегување во ЕУ ќе биде нешто на што ќе се чека. Според ЕСИ, ова, сепак, е подобар пат од сегашниот.
Сараевски „Дневни Аваз“ по тој повод пишува дека ЕУ разгледува нов пристап за прием на државите од регионот, така што земјите би биле враќани на „поправен“. Праксата на „буткање“ или враќање еден или повеќе чекори назад би се применувала за секоја земја во регионот,
Овој концепт го „туркаат“ група држави каде предводи Франција, додавајќи дека „тие со право укажуваат дека процесот за проширување, кој се спроведува досега, е во целосен ќорсокак“.