Свет

Повторно пукотница во средно училиште во САД: Ученици се степале, па пукале- еден загинат

Ученик во средно училиште во Мериленд загинал откако вчера бил застрелан од друг ученик за време на тепачка во тоалетот на училиштето.

„15-годишниот Ворен Кертис Грант почина по пукање во средното училиште Џопатаун“, изјави шерифот на округот Харфорд Џеф Галер на прес-конференција.

Инцидентот се случува само два дена откако 14-годишен ученик уби четири лица во средно училиште во близина на Атланта. 16-годишен средношколец во Мериленд кој застрелал соученик веднаш по пукањето побегнал, но набрзо бил фатен. „Обвинението допрва треба да се подигне. Ако тој се третира како возрасен, тогаш ќе го објавиме името на осомничениот“, рече Галер.

НБА

Леброн и Брони Џејмс за првпат излегоа на теренот во исто време на претсезонски натпревар

Леброн и Брони Џејмс за првпат излегоа на теренот во исто време на претсезонски натпревар во НБА.

Големата НБА-ѕвезда, Леброн Џејмс и неговиот син Брони Џејмс играа заедно во претсезонски натпревар.

Предводникот на Лејкерси и неговиот најстар син влегоа во исто време на теренот на мечот со Феникс санс (114:118). Заедно одиграа 4 минути и 9 секунди.

За играњето со неговиот син, 39-годишниот Леброн вели:

„Една од најдобрите работи што може да ги побара еден татко“.

Леброн постигна 19 поени 5 скока и 4 асистенции, Брони имаше два скока и четири загубени топки. Брони вчера наполни 20 години.

Македонија

Без вода дел од Чаир

Поради дефект на водоводната мрежа, без вода од 10:30 часот се корисниците на улиците „Петре Георгиев“ и „Чаирска“.

ЈП Водовод и канализација - Скопје соопшти дека водоснабдувањето ќе биде прекинато до санирање на дефектот.

Фудбал

Бонучи: Гвардиола сакаше да ме донесе во Манчестер сити

 Поранешниот дефанзивец на италијанската фудбалска репрезентација Леонардо Бонучи зборуваше за тоа како можеше да заигра во Премиер лигата во 2016 година.

- Кога решив да го напуштам Јувентус во 2017 година, Манчестер сити и ПСЖ ме бараа. Тие ги испратија своите финансиски понуди, но јас сакав да останам во Италија и решив да се приклучам на Милан. Гвардиола веќе сакаше да ме види во Манчестер сити во летото 2016 година, изјави Бонучи за „Sky Sports“.

Бонучи го напушти Јувентус во 2017 година и се пресели во Милан. Една година подоцна, дефанзивецот се врати во клубот од Торино.

Последни два клуба пред да ја заврши кариерата во мај годинава, на Бонучи беа Унион Берлин и Фенербахче.

притисни ентер