Македонија

Повторно одложено рочиштето за случајот „Тотал ТВ“

Рочиштето за случајот „Тотал ТВ“ повторно се одложи, овој пат поради барање на обвинетиот Никола Тасев и неговиот бранител за сослушување на двајца нови сведоци.

Обвинителката Лидија Раичевиќ и адвокатот на оштетениот Тони Илијовски се едногласни дека судењето се одложило повеќе од очекуваното и дека досега имало можност овие сведоци да бидат сослушани.

Кирил Мирчевски-адвокатот на оштетениот, е оптимист дека на наредното рочиште закажано за 6 септември ќе биде донесена пресуда.

Инаку, сопственикот на Тотал ТВ Никола Тасев е обвинет дека во периодот од 2015 до 2017 година спротивно на законот за трговските друштва и без да свика собир на содружници склучувал договори со што нанел штета, според проценките на вешто лице, од 800.000 евра на содружникот Тони Илијовски.

Свет

Терористички напад во Израел: Две момчиња се нападнати со нож во трговски центар

Две млади момчиња се ранети со нож во денешниот терористички напад во трговски центар во Кармиел на северот на Израел и се во критична состојба, соопшти итната помош.

Во соопштението се наведува дека двајца млади мажи на 20-годишна возраст биле пренесени во медицинскиот центар во Нахарија, објави „Тајмс оф Израел“.

Нападот се истражува како терористички напад, а полицијата соопшти дека напаѓачот е „неутрализиран“.

Македонија

Филипче на прва координација: Пратениците на СДСМ ќе имаат редовни средби со граѓаните

Претседателот Венко Филипче ги започна редовните координации со пратеничката група на СДСМ, за организирано и силно делување во македонското Собрание. 

Денес се одржа првата средба со која се означува почетокот на новото политичко делување на партијата.

На средбата се разговараше за актуелните закони кои ги предлага Владата и предлозите на кои СДСМ работи и ќе ги достави до Собранието.

-Нашиот примарен фокус е да ја обновиме довербата кај грѓаните а пратениците на СДСМ да бидат вистински претставници на граѓаните во Собранието. Затоа, согласно моите ветувања пред членството, секој од пратениците ќе има редовни средби со граѓани во изборните единици од каде ја добија довербата и ќе биде во постојан контакт со потребите на луѓето. Преку канцелариите на пратениците и редовните средби со граѓаните, ќе осигураме дека политиките и предлозите на СДСМ ќе бидат во тесна врска со потребите и очекувањата на граѓаните, рече Филипче.

СДСМ ќе делува конструктивно во интерес на граѓаните и будно ќе ја следи работата на Владата и законите кои ги предлагаат, се наведува во партиското соопштение.

Шоу биз

Вера Ванг го прослави 75. роденден со нови модни креации

 Вера Ванг неодамна го прослави својот 75. роденден, co фотографии на „Инстаграм“, на коишто уште еднаш се пофали со својот младешки изглед, како и со нови модни креации.

Иако роденденот го прослави на 27 јуни, прославата се одржа викендов. Американската модна дизајнерка со кинеско потекло е препознатлива по тоа што им пркоси на годините, па за новата пригода, таа облече два елегантни вечерни фустани - по нејзина модна замисла. За нејзината младоликост вели дека клучни се спиењето и опуштениот дел од денот.

- Сум одела на уметничко лизгање и балет. Тоа некако останува со вас. Мора да бидам искрена - спиењето е клучно. Мислам дека јас не би била јас ако не можам да спијам. Тука е и „вотката“... Коктел од „вотка“ на крајот од денот ми помага да прејдам од многу интензивен работен распоред во нешто поинтимна атмосфера, рече таа во една прилика.

Кон крајот на минатата година таа позираше со ќерките Сесилија и Џозефин, а многумина ѝ поласкаа велејќи дека таа изгледа како да ѝ се сестри.

притисни ентер