Повторно одложен судскиот процес за родилката од Дебар, рочишта ќе се закажуваат секој работен ден се до одржување - Канал 5

Македонија

Повторно одложен судскиот процес за родилката од Дебар, рочишта ќе се закажуваат секој работен ден се до одржување

Во Основниот суд во Струга денеска беше одложено судското рочиште на кое требаше да биде презентиран извештајот од супервештачењето за случајот со родилката Јилдз Веапоска од Дебар, поради оправдано отсуство на бранителот на првообвинетиот лекар.

Повторно одложен судскиот процес за родилката од Дебар, рочишта ќе се закажуваат секој работен ден се до одржување

На претходното рочиште, одржано во септември, тој бараше изземање на судечкиот судија, и на претседателите на Судот во Струга и Апелација во Битола, па предметот беше разгледуван во Врховниот суд во Скопје. По одлуката да биде предметот да биде вратен во Судот во Струга, рочиштето беше закажано за вчера, но и тогаш бранителот Игор Петковски, најавил отсуство поради судење за притворски предмети.

Судечкиот судија Јордан Јованов следното рочиште го закажа за в понеделник, посочувајќи дека неможе да преземе никакви мерки бидејќи лицата се оправдано отсутни, но најави дека доколку има причина за одлагање ќе го закажува секој нареден ден.

- Мерки може да се преземаат доколку лицата кои што се уредно повикани неоправдано не дошле на расправата. Во конкретниот случај бранителот има приложено доказ дека е повикан на притворски предмет пред Основниот суд во Битола, што значи дека го оправдал изостанокот. Така што неможе да биде преземена никаква присилна мерка. Меѓутоа, овдека е загржувачки тоа што цело време во барањата се потенцира дека другите предмети се приоритетни, дека се итни и се бара одлагања, а се заборава дека и овој предмет исто така е итен, бидејќи прети опасност од застареност. Токму поради тоа е донесена одлука цело време расправата да се одложува за секој нареден работен ден, како што е и предвидено во законот, изјави Јованов.

На тој начин, нагласи, нема да се дозволи да застари делото, бидејќи ќе го закажува секој нареден ден.

- Нема повеќе одлагање ниту во недели, во месеци, туку во денови и кога тогаш, јас се надевам дека конечно ќе го окончиме. Доколку не дојде во понеделник наредното закажување ќе биде за вторник, среда и понатаму се до крајот на расправата, посочи Јованов.

Бранителот на оштетената, адвокатот Сашо Јанев вели дека на судот му се врзани рацете и неможе да презема дејствија бидејќи согласно законот оправдано отсуство е дозволено.

- Ова нешто кажува друго, ова не е адвокатски начин на одбрана ова е само показател дека обвинетиот е навистина виновен за делото за кое се товари и нивниот единствен излез е застарување на делото. Добивме уверување од судот, а јас искрено верувам во тоа дека нема да дозволат да застари и дека се мора да биде согласно законот. И само на тој начин можеме да очекувам да ја вратиме довербата на судството, ако се постапува согласно законот, рече Јанев.

Веапоска пак најави ако продолжи одлагањето на рочиштата ќе оргнизира протести пред Судот во Струга секој ден од 8 до 16 часот.

- Ако нема одлука до крајот на овој месец, ако не продолжи судењето и ако вака се одлагаат сите рочишта ќе морам да закажам протест пред судот, кој ќе трае секој ден од 8 до 16 часот се додека не заврши судењето и се додека не се донесе пресудата во овој суд. Поддршка очекувам од целиот наш народ, од Дебар, од моите сограѓани и од цела Македонија, а не од институциите затоа што пет години талкам по овие врати и правдата неможам да си ја добијам со сите докази со вештачење, супер вештачење. Да застари ова дело е срамно и за нашата држава и за судот и за сите нас, изјави Веапоска.

Судскиот процес со родилката од Дебар Јилдз Веапоска, на која по породувањето со царски рез, во Болницата во Струга и беа отстранети три органи, бубрег, матка и јајник, се води против тројца лекари гинекологот Мухамед Асани, неговиот син доктор Блертон Асани и доктор Лилјана Јованоска. Судењето три пати почнуваше од почеток поради менување на судечките судии, а делото застарува во август 2026 година.

Тагови: Дебар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Возач нема моќ да вработува, но Јанушев има, истрагата мора да се прошири

Скандалот со митото на возачот на Јанушев во Владата на Мицкоски не може да се заташка и истрагата мора да се прошири.

СДСМ: Возач нема моќ да вработува, но Јанушев има, истрагата мора да се прошири

Овој скандал отвора едно клучно прашање: каква била улогата на Јанушев во овој случај со мито?

Возачот на Јанушев бил фатен со претходно обележани банкноти затоа што наводно барал 1.500 евра за да посредува во вработување пожарникар во Град Скопје.

Возач нема никаква моќ да вработува. Но генерален секретар на Влада, како Игор Јанушев, кој воедно е член и на Извршниот комитет на ВМРО-ОКГ има.

Ова е само еден аспект кој отвора сериозен сомнеж.

Дали возачот е само негова продолжена рака и посредник?

Ова е втор скандал оваа година поврзан со кабинетот на Јанушев.

Посебен советник за економски прашања во кабинетот на Генералниот секретар на Владата беше дел од групата осомничени за лихварство и за перење пари.

Премногу скандали врзани со Јанушев, за неговиот имот, за неговата фирма во Бугарија, за неговите соработници....

Обвинителството се врати ли од екскурзија?

Истрагата мора да се прошири.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Колку мечки има во Македонија?

Македонското еколошко друштво и Министерството за животна средина и просторно планирање го започнуваат првото генетско пребројување на кафеавата мечка.

Колку мечки има во Македонија?

Со почетокот на новата учебна година стартуваше и генетскиот мониторинг на кафеавата мечка, којшто во земјава за првпат ќе се спроведува на национално ниво. Активноста ја предводи Македонското еколошко друштво (МЕД) во партнерство со Министерството за животна средина и просторно планирање (МЖСПП), во рамките на петгодишниот меѓународен проект „Зачувување на популацијата на кафеава мечка во Динарско-пиндскиот масив“ (LIFE24-NAT-DE-LIFE DinPin Bear/101214048).

Генетското пребројување ќе ја опфати целата динарско-пиндска популација на кафеавата мечка, од Алпите до Егејското Море, која е и најголема во Европа со околу 4000 единки. Во Македонија истражувањето ќе се спроведе во западните делови на државата, од Скопска Црна Гора и Шар Планина на север до Пелистер, Ниџе и Кожуф на југ, а целта е до крајот на 2026 година да се соберат 900 генетски примероци. Досегашните искуства во Словенија и Хрватска покажуваат дека успешноста на генетскиот мониторинг директно зависи од бројот на собрани примероци, поради што исклучително важна улога во процесот имаат шумарите, ренџерите во заштитените подрачја, ловочуварите, ловџиите, собирачите на лековити растенија, шумски плодови и печурки, но и планинарите, велосипедистите и локалните ентузијасти и љубители на природата со кои МЕД спроведува соодветни обуки.

„Генетскиот мониторинг претставува неинвазивно собирање генетски примероци од материјал што животните го оставаат во околината. Во случајот со мечката, ќе собираме примероци од измет од кои потоа ќе го читаме генотипот на секоја единка како своевиден генетски ‘отпечаток од прст‘. Така, секогаш кога подоцна ќе најдеме измет од истото животно, ќе знаеме дека му припаѓа нему, па може да го препознаеме дури и откако ќе угине“, објаснува Александар Стојанов, координатор на проектот во МЕД.

Освен за бројноста на кафеавата мечка, која е строго заштитен вид во земјава, генетското пребројување ќе даде податоци и за нејзината распространетост и генетска разновидност, со што ќе се овозможи подобро разбирање на нејзината екологија. Токму затоа, тоа претставува неопходен прв чекор кон градењето сеопфатна стратегија за зачувување на кафеавата мечка низ Динарско-пиндскиот Регион, што е главната цел на проектот кофинансиран преку Програмата LIFE на Европската Унија во кој учествува 21 партнер од дури 9 европски земји.

„Како надлежен државен орган за заштита и зачувување на биолошката разновидност, Министерството за животна средина и просторно планирање останува посветено во мисијата да ја заштити и соодветно да управува со популацијата на кафеавата мечка. Долгорочната заштита на видот и неговите живеалишта бара и координација со релевантните институции и засегнати страни, поради што на самиот почеток на септември одржавме состанок со претставници на релевантните национални институции, каде што ги претставивме методологијата, планираните активности и временската рамка, како и начинот на спроведување на генетскиот мониторинг во следниот период. Токму тој ќе ни даде основа за натамошното планирање и спроведување конзерваторски мерки при управувањето со популацијата на овој животински вид“, велат од Министерството.

Проектот ќе се фокусира и на креирање на неопходните правни, управувачки механизми и социо-економски услови за да се осигура зачувувањето на кафеавата мечка долж Динаро-пиндскиот планински масив и да се надминат конфликтите меѓу човекот и мечката и загрозените живеалишта, што е клучната закана за одржливоста на оваа популација во земјава.

Тагови: мечки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Интензитетот на сообраќај на патните правци надвор од градските средини е зголемен

На граничните премини од македонска страна нема подолги задржувања за влез и излез од државата.

Интензитетот на сообраќај на патните правци надвор од градските средини е зголемен

СОСТОЈБА: Сообраќајот на државните патишта се одвива непречено, по суви коловози.

ФРЕКВЕНЦИЈА: Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона.

РАБОТИ НА ПАТ:

Во периодот од 17.08.2026 до 01.10.2026 година, поради изведување работи на објектот „Санација на косина на автопат А4, делница Миладиновци – Свети Николе – Штип (кај наплатна станица Преод)“, ќе биде изменет режимот на сообраќај пред наплатната станица Преод

Од 06.07.2026 г. започна времена измена на сообраќајот при санација на мост на река Брегалница на Р1204 во Штип и ќе трае до завршувањето на санацијата.

Од 21.05.2026 г. во 8 часот ќе се започне со изведување на градежни активности-санација на мостови на државен пат А2 делница Гостивар-Стража конкретно на мост бр.4 Вијадукт на Атанасова река и мост бр.7 Вијадукт на Дол и истата ќе трае до завршување на санацијата. Со таа цел ќе биде воспоставен времен режим на сообраќај кој ќе трае до самото завршување на градежните активности.

Од 14.04.2026 г. се изведуваат градежни активности на Државен пат А2 делница Гостивар – Стража на мост бр.7 Вијадукт на Дол. Со цел да може да се реализираат работите за санација на мостови, ќе биде воспостовен времен режим на сообраќај додека траат градежните активности.

Од 30.03.2026 година, ќе се изведуваат градежни активности на државен пат А2, мостови на А2 на реката Вардар во близина на с.Желино во двата правци (Скопје – Желино и Желино – Скопје), со цел санација на истите. Времениот режим ќе се спроведува согласно Одобрението за временска измена на режим на сообраќај издадено од Министерство за транспорт.

Од 13.03.2026 година започна со активности за изведба на премин на интерконективен гасовод под автопат А1 (М1) Пријателство, делница Смоквица – Гевгелија. На делницата се поставени знаци за времен режим на сообраќај.

На државниот пат А2 (скопска обиколница) се врши рехабилитација во должина од 250 метри од клучка Волково до клучка Кондово. Има поставено соодветна сигнализација за затворањето на левата сообраќајна лента за претекнување. Сообраќајот се одвива по лентата за движење (средна) и лентата за принудно запирање (десна).

Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани.

Тагови: сообраќај

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер