Повик за учество во работилница „Кујна за критички рецепти и нови вкусови" - Канал 5

Живот

Повик за учество во работилница „Кујна за критички рецепти и нови вкусови"

Во рамки на проектот „Места на дарежливост – трансформативни станици", КСП Центар Јадро објави отворен повик за учество во работилницата насловена „Кујна за критички рецепти и нови вкусови", која ќе се одржи од 16 до 21 март оваа година.

Повик за учество во работилница „Кујна за критички рецепти и нови вкусови"

Како што соопштија од тимот на КСП Центар Јадро, станува збор за интердисциплинарен проект што ќе го реализираат во текот на оваа година, а има за цел да промовира социјално ангажирани уметнички пракси и начини на кој тие ќе се користат како моќни алатка за општествена промена.

-Улогата на уметноста при воведување на политичките и социјалните прашања во јавната сфера е сѐ поголема. Денес, уметничките практики се служат со широк спектар на средства, елементи и стратегии кои промовираат зголемена критичката свест и позитивна социјална трансформација. Функцијата на самата уметност во општествениот контекст е да понуди излез од зоната на удобност. Така, проектот „Места на дарежливост – трансформативни станици" поттикнува уметничкото творештво кое излегува од традиционалната рамка на дејствување и зема активно учество во креирањето на конструктивни општествени промени, соопштија од КСП Центар Јадро.

Целта на работилницата која ќе се реализира во рамки на овој проект, е преку едукативниот процес на стекнување нови вештини, знаења и пристапи, учесниците да создадат комплексни уметнички содржини кои ги отфрлаат класичните формати на продукција и промовираат социјална ангажираност.

По оваа работилница, во април ќе биде распишан јавен конкурс за поддршка на четири проекти чија реализација ќе биде во периодот мај-декември 2022 година.

Проектот „Места на дарежливост – трансформативни станици" се реализира со финансиска помош на Фондација Отворено општество – Македонија.

-Работилницата е наменета за сите кои сакаат да зготват свој критички рецепт во нашата кујна на нови вкусови, за сите мотивирани, локални уметници кои сакаат да ги зголемат своите знаења и вештини во областа на социјално ангажираната уметност, како и за сите кои имаат желба да создаваат свои уметнички проекти кои ќе водат кон зголемена критичката свест и позитивна социјална трансформација.

Исто така, работилницата е наменета за сите кои сакаат да научат како да ја аплицираат својата уметност надвор од музеите и галериите, за креативци кои сакаат да творат во областа на животната средина, аниткорупцијата, човековите права, социјалната правда и други актуелни теми, но и за сите кои сакаат да придонесат за проактивност на заедницата во насока на отварање и решавање на проблеми и прашања на микро ниво, стои во најавата за работилницата.

Предавањата и работилниците ќе бидат спроведени од истакнати уметници со долгогодишно искуство во социјално ангажираната уметност – Драган Протиќ и Јелена Вуксановиќ.

Краен рок за пријавување е 10 март, а заинтересираните треба да го пополнат формуларот за учество.

Од КСП Центар Јадро соопштија дека избраните учесници ќе бидат навремено информирани по завршување на рокот за пријавување. Присуство на работилницата ќе се смета за предност, при изборот на проектите чија реализација ќе биде во периодот мај-декември 2022 година. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Формула

Сензација на Формула 1- Пјер Гасли на пол позиција во Монца

Пјер Гасли ја освои пол-позицијата пред Големата награда на Монца!

Сензација на Формула 1- Пјер Гасли на пол позиција во Монца

Францускиот возач ги изненади апсолутно сите, вклучувајќи се и себеси, поставувајќи го најбрзото време во квалификациите со време од 1:21.786. Гасли ги остави зад себе Џорџ Расел (+0.060) во Мерцедес, Оскар Пјастре (+0.180) во Мекларен, по што следуваа Шарл Леклер и Луис Хамилтон од Ферари, потоа Макс Верстапен во Ред Бул и Кими Антонели во Мерцедес.

Гасли возеше неверојатен круг на патеката каде што ја однесе единствената победа во својата кариера досега. Тој го водеше Расел до последниот круг, но Гасли излезе и доминираше за да ја освои пол-позицијата.

Кими Антонели е лидер во генералниот пласман, откако заврши седми во квалификациите, но ќе ја започне трката во недела од последното место поради промена на погонската единица што го чинеше казна.

Тагови: Монца

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

ChatGPT наеднаш стана многу помоќен, дури 40 професии се особено загрозени

Компанијата ОpenAI го претстави GPT-6 Astra, нов модел на вештачка интелигенција кој може самостојно да контролира компјутер и да извршува сложени задачи кои претходно бараа човечки труд. 

ChatGPT наеднаш стана многу помоќен, дури 40 професии се особено загрозени

Иако не е познато колку претходни загуби на работни места беа директно поврзани со вештачката интелигенција, доаѓањето на вакви алатки би можело значително да го промени начинот на кој се извршуваат многу работни места, пишува LADbible.

За разлика од алатките за вештачка интелигенција кои претежно одговараат на прашања и даваат инструкции, Astra може сама да извршува специфични задачи. Може да пребарува на интернет, да користи веб-страници и разни програми, да пополнува формулари, да спроведува истражувања, да креира документи и табели и да пишува и тестира програмски код.

Една од клучните разлики е што може да обработува значително поголеми количини на информации одеднаш и подобро да ги следи сложените инструкции. Поедноставно кажано, наместо само да му објаснува на корисникот како да направи нешто, Astra е сè повеќе способна да ја изврши задачата наместо него.

Во промотивно видео, OpenAI ја покажа Astra како работи со компјутер за да креира презентација, да подготви оглас за продажба на eBay, да уреди правен документ, да резервира тениско игралиште и да претвори идеја за ракета во модел подготвен за 3D печатење.

Сè уште не е достапен за сите

GPT-6 Astra официјално беше лансиран денес, 4 септември, но сè уште не е достапен за сите. OpenAI објави дека моментално го претставува моделот на одбрани компании како дел од програмата Daybreak Access и преку API. Корисниците на пакетите Plus, Pro, Business и Enterprise на ChatGPT исто така треба да добијат пристап до Astra во наредните денови.

Извршниот директор на OpenAI, Сем Алтман, по повод лансирањето напиша: „GPT-6 Astra пристигна. Се надеваме дека ќе овозможи нова генерација претприемништво, научни откритија и креација.

Веруваме дека тоа е најдобриот модел во светот за компјутерство, професионална работа, наука, програмирање, сајбер безбедност и друго. Ни требаше малку подолго време за да се осигураме дека ги исполнува стандардите за безбедност и усогласеност потребни за ова ниво на способност, но мислиме дека ќе откриете дека чекањето вреди.“

Моделот постигна 98% на FrontierMath Tier 4, 99,9% на ARC-AGI 3 и 100% на ExploitBench.

Маск очекува повеќе од милијарда хуманоидни роботи

Додека Бил Гејтс предупредува дека губењето на работни места поради вештачката интелигенција нема да биде најлошото можно сценарио, Елон Маск верува дека во следната деценија ќе има најмалку една милијарда роботи и дека нивната вкупна продуктивност ќе ја надмине продуктивноста на целото човештво.

„Сè започнува многу бавно, а потоа расте со експлозивна брзина“, рече основачот на SpaceX на самитот на Г20 во Северна Каролина во 2026 година. „Би рекол дека за десет години ќе има многу повеќе од милијарда хуманоидни роботи. Продуктивноста на секој робот веројатно ќе биде пет пати поголема од продуктивноста на човекот“, додаде тој.

Microsoft издвои 40 занимања најизложени на вештачката интелигенција

Минатата година, Microsoft објави список од 40 занимања чии работни задачи се најизложени на влијанието на вештачката интелигенција. Меѓу нив се преведувачи, историчари, математичари, писатели и новинари.

Важно е да се нагласи дека наведените проценти не ја претставуваат веројатноста дека вештачката интелигенција целосно ќе ги замени луѓето во овие занимања. Тие покажуваат како вештачката интелигенција е способна да извршува задачи што се дел од одредена работа.

40 професии чии задачи се најмногу изложени на вештачка интелигенција

1. Толкувачи и преведувачи - 98%

2. Историчари - 91%

3. Математичари - 91%

4. Лектори и коректори - 91%

5. Оператори на автоматски машини за кодирање - 90%

6. Писатели и автори - 85%

7. Статистички асистенти - 85%

8. Трговски претставници - 84%

9. Технички писатели - 83%

10. Новинари - 81%

11. Персонал за помош на патници - 80%

12. Телефонски оператори - 80%

13. Уредници - 78%

14. Едукатори за земјоделско и домаќинско управување - 77%

15. Политиколозите - 77%

16. Специјалисти за наука за податоци - 77%

17. Географи - 77%

18. Водители и радио диџеи - 74%

19. Службеници на берза - 74%

20. Веб-развивачи - 73%

21. Вработени во поддршка на корисници - 72%

22. Референти за отворање нови сметки - 72%

23. Агенти за продажба на билети и туристички агенции - 71%

24. Аналитичари за истражување на пазарот - 71%

25. Вработени во консиерж - 70%

26. Наставници по деловни предмети - 70%

27. Лични финансиски советници - 69%

28. Наставници по економија - 68%

29. Аналитичари за менаџмент - 68%

30. Оператори на телефонска централа - 68%

31. Телемаркетери - 66%

32. Агенти за продажба на рекламен простор - 66%

33. Архивари - 66%

34. Диспечери за итни и јавни служби - 66%

35. Наставници по библиотекарство - 65%

36. Демонстратори и промотори на производи - 64%

37. Модели - 64%

38. Специјалисти за односи со јавноста - 63%

39. Шалтерски службеници и вработени за изнајмување - 62%

40. Домаќини и хостеси - 60%

Тагови: ChatGPT

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Уапсени се 16 возачи, 14 од нив немале возачка дозвола

Лишени од слобода 16 возачи за „безобѕирно управување возило“, 14 возеле без положен возачки испит.

Уапсени се 16 возачи, 14 од нив немале возачка дозвола

Во текот на изминатото деноноќие, на различни локации во државата, полициски службеници ги лишија од слобода А.Х. од Штип, Ј.Ф. од Прилеп, С.М.(38) и С.В.(23) двајцата од Кочани, Ј.К.(20) од Штип, 17 годишен малолетник с.Долно Количани, скопско, Ф. В.(27) од с.Студеничани, скопско, Е.Б.(36), И.С. (34), В.В. (18) сите од Скопје, Д.П.(20) и Б.Ј.(68) двајцата од Велес, Б.С.(33) од Куманово како и 16-годишен малолетник од с.Новаке, тетовско поради „безобѕирно управување возило“, односно затоа што управувале возило без возачка дозвола.

Исто така лишени се од слобода и В.Ј.(29) од с.Новаци, затоа што управувал возило под активна забрана за управување со моторно возило и С.Р.(39) од селото Скудриње, општина Маврово и Ростуше бидејќи возел под дејство на алкохол.

По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер