Повеќе од 100 европски компании повикаа на заштита на јаглеродниот пазар на ЕУ - Канал 5

Живот

Повеќе од 100 европски компании повикаа на заштита на јаглеродниот пазар на ЕУ

Повеќе од 100 европски компании ги повикаа лидерите на Европската Унија да се обврзат на поддршка на системот за одредување цена на јаглеродот – Системот за тргување со емисии на ЕУ (ЕТС).

Повеќе од 100 европски компании повикаа на заштита на јаглеродниот пазар на ЕУ

Повеќе од 100 европски компании ги повикаа лидерите на Европската Унија да се обврзат на поддршка на системот за одредување цена на јаглеродот – Системот за тргување со емисии на ЕУ (ЕТС) – на Самитот што треба да се одржи следната недела, јави ДПА.

„Во сегашниот геополитички контекст, безбедноста и суверенитетот на Европа зависат од изградбата на поконкурентна и поотпорна економија“, се наведува во писмото објавено вчера.

Компаниите нагласуваат дека тоа може да се постигне со „оддалечување од нестабилниот увоз на фосилни горива и со искористување на потенцијалот за чиста енергија, високообразуваната работна сила и силата на европските иновации“.

„Според нашето мислење, силен систем ЕТС е од клучно значење за постигнување на оваа цел“, се наведува во писмото, кое го потпишале индустриски компании како Салцгитер и Волво карс, енергетски компании меѓу кои Ватенфал и ЕДФ, како и компании од секторот на чисти технологии и инвеститори.

Според правилата на ЕТС, компаниите од сектори како производство на електрична енергија, индустриско производство и авијација мора да купуваат дозволи за емисиите на стакленички гасови. Системот во моментов опфаќа околу 40 проценти од вкупните емисии во ЕУ.

Додека европската индустрија се соочува со релативно високи цени на енергијата, некои земји членки тврдат дека високите трошоци за енергија, заедно со цената на емисионите сертификати, претставуваат значителен товар за индустриските сектори.

Во писмото се наведува дека слабеењето или суспендирањето на ЕТС наместо решавање на главните причини за намалената конкурентност на Европа „би било сериозна погрешна дијагноза на проблемот“.

Системот ЕТС, воведен пред повеќе од 20 години, се оценува како „двигател на конкурентноста на Европа и темел на рамката на ЕУ за декарбонизација“.

Неговото поткопување, се наведува, „би ја намалило сигурноста на инвестициите и би ја загрозило индустриската иднина на Европа“.

Во тек е и планирана проценка на системот од страна на Европската комисија, која треба да доведе до поголемо насочување на приходите од ЕТС кон дополнително намалување на емисиите во индустрискиот сектор.

Тагови: ЗАГАДУВАЊЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Љупчо Пренџов избран за заменик на генералниот секретар на ВМРО-ДПМНЕ

Пратеникот Љупчо Пренџов е избран за заменик на генералниот секретар на ВМРО-ДПМНЕ, Драган Ковачки. Одлуката ја донел партискиот Извршен комитет на седницата одржана на 12 ноември, објави Пренџов на Фејсбук.

Љупчо Пренџов избран за заменик на генералниот секретар на ВМРО-ДПМНЕ

Тој му се заблагодари на лидерот Христијан Мицкоски за довербата и на членовите на Извршниот комитет за поддршката, оценувајќи го изборот како ново поглавје во својот политички ангажман.

„Довербата е обврска. Одговорноста е да се оправда со работа и резултати“, напиша Пренџов.

Пренџов претходно беше организациски секретар на Граѓанската опција за Македонија (ГРОМ), а во март 2017 година беше избран за потпретседател на таа партија. Во Собранието влезе во 2020 година како претставник на ГРОМ, од листата на коалицијата предводена од ВМРО-ДПМНЕ.

Драган Ковачки беше избран за генерален секретар на ВМРО-ДПМНЕ на 6 февруари годинава, кога Централниот комитет го избра и новиот состав на Извршниот комитет.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ракомет

Во сабота во малата сала на СЦ „Јане Сандански“ ракометно дерби, Вардар- Алкалоид

Во сабота нè очекува уште едно големо ракометно дерби – Вардар против Алкалоид. Видеолотарија и  навивачите со силна подршка на трибините за црвено-црните.

Во сабота во малата сала на СЦ „Јане Сандански“ ракометно дерби, Вардар- Алкалоид

Дерби-натпреварот меѓу Вардар и градскиот ривал Алкалоид, закажан за сабота, 14 ноември, со почеток во 18:30 часот, ќе се одигра во СЦ „Борис Трајковски“, наместо во малата сала на СЦ „Јане Сандански“.

ВЛТ е со Вардар! Ги повикуваме сите навивачи во сабота да бидат дел од црвено-црната енергија и со гласна поддршка да му помогнат на тимот во дербито.

Вардарци, се гледаме во СЦ „Борис Трајковски“!

Тагови: РК Вардар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски панично ја брани Алта банка – Савески веднаш да постапи по кривичната пријава против Славески!

Колку повеќе прашања за одговорност се отвораат за Алта банка, толку по панично Христијан Мицкоски ја брани. 

СДСМ: Мицкоски панично ја брани Алта банка – Савески веднаш да постапи по кривичната пријава против Славески!

Од што се плаши Мицкоски најмногу? Од вистината.

Од тоа што ќе го покажат документите за влезот на Алта банка во Македонија, што ќе се откие потеклото на капиталот, трансакциите и сметките и ќе ги потврдат неговите врски со криминалниот картел на Вучиќ.

Мицкоски и Трајко Славески ја донесоа Алта банка во Македонија, ја внесоа пералницата на пари на Вучиќ.

Славески јавно призна дека одлуката ја донел по консултации со Мицкоски.

Во Србија има истрага, Алта банка е под стечај, сопственикот е приведен, се истражуваат 380 милиони евра. Дури се споменуваат сомнежи и за печатење пари.

Во Македонија граѓаните не можат да дојдат до своите пари а Мицкоски и Славески сакаат да го заташкаат скандалот за да се спасат од одговорност.

Обвинителот Ненад Савески треба да го прекине молкот и веднаш да постапи по кривичната пријава што ја поднесе СДСМ.

Гувернерот Трајко Славески има директна одговорност.

Основани се сомненијата за несовесно работење во службата и злоупотреба на службената положба и овластување при одобрувањето на преземањето на банката и спроведувањето на надзорот.

Зошто не биле направени потребните проверки на сопственикот Давор Мацура, потеклото на капиталот за кој има инофрмации дека е од криминал и дрога, зошто не се пресметале ризиците?

Савески треба да преземе мерки на претпазливост, вклучително привремена забрана за вршење на должноста на Трајко Славески, за да се спречи влијание врз сведоците, уништување на документацијата и доказите.

Обвинителството мора да покаже дека работи независно и по закон.

Скандалот со Алта банка нема да се заташка. Правдата доаѓа.

Од Мицкоски до Славески – сите ќе одговараат!

Скопје, 13.11.2026 година

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер