Шоу биз

Потресно сведоштво на српска актерка на суд: Ми удараше шлаканици, сите мислеа дека тоа е вежба

Во Белград се одвива судењето на Мика Алексиќ, професор по глума кој заврши во притвор поради силување на неколку девојчиња.

Денеска сведочеше актерката Милена Радуловиќ, една од првите актерки која излезе во јавноста со приказната за ужасите што се случиле на часовите по глума на Алексиќ.

Во еден момент судењето мораше да биде прекинато поради однесувањето на адвокатот на Мика Алексиќ, Зоран Јаковљевиќ, пишува Блиц.

Јаковљевиќ започнал со еден куп прашања поврзани со тоа дали Милена разговарала со адвокати пред да ја поднесе кривичната пријава против Алексиќ, алудирајќи на тоа дека таткото на Ива Илинчиќ, уште една од жртвите, е адвокат.

„Не поканив ниту една од девојките кои доживеале сексуално насилство, а забележувам дека познавам уште многу од нив, да учествуваат во извештајот. Сметав дека тоа е нивен избор“, рече таа и именуваше една девојка за која рече дека ја познава и дека Алексиќ сексуално ја вознемирувал, на што адвокатот гласно се насмеал.

„Па, таа ме поправа, а јас ѝ објаснувам“, почна да вика, а потоа продолжи: „Судија, ти постојано ме прекинуваш!“ Судијата го опомена, но адвокатот продолжи со излагањето, па судењето било прекинато 15 минути.

Милена Радуловиќ во своето сведочење упати бројни обвинувања кон Алексиќ.

„Кога првпат ми се случи, бев во шок, не можев да си објаснам, се обидов да си објаснам дека тоа е некаков тест. Кога ме допре, се исплашив, чувството на такво предавство. Човекот на кого му верував направи нешто толку болно, мислев дека ме казнува, се чувствував валкано. Потоа дојдоа заканите. Тој тоа го пренесе со љубезен тон. Ме претепа, ја удрив главата во шкафот, сите го видоа. Тој ми удри шлаканица, сите ракоплескаа после тоа мислејќи дека тоа е вежбање“, рече таа.

Таа рече дека се плаши од Алексиќ затоа што „ја повредил како никој досега“ и дека не била сигурна на што е способен. Милена истакна и дека Алексиќ ја „тепал“ и дека уживал во нејзината болка и плачење.

На распитот таа рече дека за другите жртви дознала откако го напуштила училиштето. Таа зборуваше и за средбата што ја имала со другите жртви на насилство во декември. „Разговаравме за тоа дека треба да кажеме што ни се случува. Дека родителите на децата што го посетуваат училиштето за актерство мора да знаат“, рече таа.

За потсетување, сопственикот на школата за глума, режисерот и сценарист Мирослав Мика Алексиќ (68) беше приведен во 2021 година откако неколку жени го пријавиле за силување или сексуално вознемирување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: Здравјето на скопјани е премногу сериозна работа за да биде средство за дневнополитички поени

Демант на градоначалникот на Град Скопје Орце Ѓорѓиевски на наводите изнесени во јавноста.

„Вообичаено не реагирам на секоја прес-конференција на опозицијата.

Но очигледно дека новата хистерија на СДС, по таа со скопската вода, е оваа за комарците.

Без проблем, јас и за ова сум спремен да дебатирам.

[🔙] Само пред неколку дена видовме што значи неодговорно пласирање информации кога се создаде непотребен страв околу безбедноста на водата во Скопје.

Денес повторно гледаме обид една сериозна здравствена тема да се претвори во дневнополитичка пресметка.

[🫵] Да бидеме јасни, западно-нилската треска не е нов вирус и не е проблем кој постои само во Скопје или Македонија.

[📜] Според извештајот на Европскиот центар за превенција и контрола на болести, локално стекнати случаи се регистрирани во повеќе европски земји.

Во нашето непосредно соседство случаи има во Грција и Србија, како и во Косово.

Светската здравствена организација јасно посочува дека западно-нилскиот вирус одамна циркулира во Европа.

[✔️] Затоа, на граѓаните им должиме информации и превенција, а не политичка хистерија.

[🫵] А кога веќе СДС отвора тема за тоа кој, кога и колку прскал против комарци, добро е да ја освежиме меморијата со датумите.

[❗️] Во 2018 година, кога со Град Скопје раководеше тогашната власт на СДС, првата терестрична дезинсекција против комарци започнала дури на 3 јули и траела до 7 јули, додека првото авионско прскање било организирано на 7 и 8 јули. Практично, првите сериозни активности започнале длабоко во летната сезона.

Во 2026 година, пак, активностите започнаа уште на 7 мај.

[🗓️] Или по датуми:

Дезинсекција против ларви:

- 7 мај - авионска дезинсекција

- 11 јуни - авионска дезинсекција

- 26 јуни - теренска дезинсекција

- 10 јули - авионска дезинсекција

- 23 јули - теренска дезинсекција

- 11 август - теренска дезинсекција

- 18 август - теренска дезинсекција

Дезинсекција против комарци:

- 1 и 2 јуни - авионска дезинсекција

- 18 и 20 јуни - теренска дезинсекција

- 27 и 28 јуни - авионска дезинсекција

- 13 и 15 јули - теренска дезинсекција

- 30 и 31 јули - авионска дезинсекција

- 4 и 6 август - теренска дезинсекција

[☝️] Дополнително, веќе закажани се дезинсекции за четврток и петок авионски, а од недела до среда теренски.

[❗️] Сите активности се спроведуваат согласно годишната програма, законските обврски и елаборатот на Центарот за јавно здравје - Скопје, како и препораките од Министерството за здравство и европската регулатива.

Тоа се фактите.

Јавното здравје не се штити со прес-конференции.

Не се штити со создавање страв.

Не се штити со политички сензации.

Се штити со системска работа, континуирана превенција, стручни препораки и навремени активности на терен.

[🫵] Затоа, наместо натпревар во тоа кој ќе произведе поголема паника, очекувам од сите политички субјекти минимум одговорност кога зборуваат за здравјето на луѓето.

И навистина ме зачудува недостатокот на образ кај луѓе кои под неразјаснети околности се нашле во политиката.

[🌇] Град Скопје ќе продолжи со третманите согласно стручните препораки и утврдената динамика, а јавноста ќе биде навремено информирана за секоја наредна активност.

А СДС, најверојатно ќе продолжи од секоја трагедија да се обидува да собере ситни поени бидејќи на друг начин не можат да бидат актуелни.

[❤️] Здравјето на скопјани е премногу сериозна работа за да биде средство за дневнополитички поени.

[😉] А за Филипче воопшто да не се грижите, јахтата на Заев најверојатно е побрза од комарците и тој е безбеден.“- стои во објавата на Ѓорѓиевски.

Тагови: Орце Ѓорѓиевски

Македонија

Мацинка: Приоритет на чешка е Македонија што поскоро да стане членка на ЕУ

Европската Унија има голем интерес за проширувањето, членството на Македонија е и во приоритетите на Чешка, уверува шефот на дипломатијата на Чешката Република, Петр Мацинка, по средбата со македонскиот министер Тимчо Муцунски во Охрид.

Тој изјави дека се пријателска држава на земјава и се подготвени и да помогнат во дијалогот со Бугарија за да се најде решение прифатливо за сите страни со цел да се деблокира европскиот пат. Мацинка потенцираше дека ова прашање не може да се третира како билатерален спор.

„ Тоа веќе не е билатерално прашање меѓу Македонија и Бугарија, туку врз основа на заклучоците на Европскиот совет од 2022 година, тоа стана мултилатерално прашање кое веќе не е прашање меѓу две земји, туку на сите земји на ЕУ. Претпоставувам дека и од страна на Европската Унија, или подобро да кажам, знам дека постои голем интерес за проширување и заради тоа во интерес на ЕУ мора овие последни пречки да се отстранат. “ Петр Мацинка – министер за надворешни работи на Чешка.

Министерот за надворешни работи Муцунски и во оваа прилика ги повтори црвените линии од кои уверува дека владата нема да отстапи, и кажа дека Македонија очекува напредокот да се вреднува според испорачаните реформи но и да се почитуваат европските критериуми. Процесот треба да е предвидлив, интеграцијата на Западен Балкан е важна и од аспект на безбедноста и стабилноста, вели Муцунски.

„ Ние за прашања поврзани со историја, идентитет, јазик, култура, не сме подготвени да преговараме. Како прво тоа ги нарушува нашите права, основни човекови права како луѓе и граѓани на оваа држава. Но, исто така сметаме дека прашањата од таква природа не се европска вредност или критериум, туку се суверени права на секоја земја, вклучително и суверени права на земјите-членки на Европската Унија. “Тимчо Муцунски – министер на надворешни работи на Македонија.

Муцунски и Мацинка имаа тет-а-тет средба, како и билатерален состанок меѓу делегациите. Чешка се смета за една од 15 најзначајни трговски партнери, а според најавите од министерите, се планира продлабочување на соработката во економијата, образованието, културата, како и политичкиот дијалог меѓу двете земји.

Тагови: Тимчо Муцунски

Македонија

Четири активни пожари – прилепско Чаниште е безбедно, огнот се движи кон мариовско

Неуморната борба со најголемиот пожар на отворен простор продолжува и попладнево, сувата трева гори со брзина на барут кон прилепското село Крушевица.

Веднаш по изгревање на сонцето, пожарникарите добија помош и од воздух, полетаа ер – тракторите, полицискиот хеликоптер по неколку клучни маневри со вода од монтажниот базен е повлечен за да не дојде до распламтување на огнот од перките.

Драматичната битка за спас на селото почна уште синоќа, и трае во текот на целата ноќќ...

Атмосфера – ноќно гаснење

За среќа, опасност по населените места нема, уверува директорот на ДЗС – Стојанче Ангелов. Во опожарената област има и три манастири кои се целосно обезбедени со контролиран оган и заштитни појаси.

-Значи ветрот кој еве сега дува, погледнете не принудува да се повлекуваме, за неколку секунди се се смени, од една релативно мирна атмосфера во овој брз наплив на оган, ќе мора да дејствуваме странично. Еден голем апел до граѓаните, една голема молба, ве молам внимавајте, доволна е искра за ваква кататстрофа. Ова е најголем пожар ова лето на отворен простор,-Стојанче Ангелов – Директор на ДЗС.

Пожарот во прилепското С. Чаниште кој им зададе сериозна мака на пожарникарите, и во кој изгореа неколку стари и напуштени куќи е под контрола, како и оној кај тетовско Јегуновце. Поинтензивен останува кај Студеничани, а по неколку дена, се уште создава проблеми пожарот кај Македонски Брод.

-Активен е и пожарот кај Студеничани, високо во планината, повеќе чади, отколку што гори, исто така поголема површина, и останува уште еден активен пожар, тоа е пожарот кај Македонски брод, кој што е прилично под совладан. Стојанче Ангелов – Директор на ДЗС.

Сите лица на терен кои учествуваат во гаснењето се во добра здравствена состојба, а единствениот регистриран инцидент од претходниот ден е повреден работник кој управувал со багер, но и тој е во добра состојба.