Дејвид Ример бил во приватен авион и се враќал од службено патување кога се случил директен судар со патничкиот авион Боинг.

Дејвид Ример никогаш нема да го заборави денот кога за малку ќе загинел во ужасна авионска несреќа. Како што изјавил за Дејли Меил, тој се наоѓал во приватен авион во бразилскиот воздушен простор и се враќал од службено патување. Во приватниот авион имало седум лица, и летале на височина од 11,2 километри.

- Одеднаш почувствувавме огромен потрес. Немаше предупредување, немавме поим што се случува и како е можно да удриме во нешто толку високо во облаците – ја започнал тој својата исповед.

Авионите имаат софистицирана технологија дизајнирана да предупреди за претстојните судири, но тој ден таа не функционирала.

Не виделе што се случило

Ример и двајцата пилоти биле престрашени кога виделе дека крилото на нивниот авион е оштетено.

- Ја погледнавме левата страна на авионот и крилото имаше назабена ивица, како да беше отсечена, но немавме поим од што. Ништо не видовме. Пилотите маневрираа обидувајќи се да го задржат леталото во воздух. Беше тешко да не се размислува како сето тоа може да заврши лошо. Дома ги имав сопругата и ќерките од 10 и 12 години, но се трудев колку што можев да не мислам на тоа дека нè чека смрт - се присетил Ример.

И неговите сопатници во задниот дел од авионот биле тивки.

- Немавме начин да искомуницираме со земјата, ниеден телефонот не работеше. Еден од патниците, Џо Шарки од Њујорк Тајмс, ѝ напишал проштална порака на својата сопруга, но не ни кажа ништо за тоа додека не слетавме безбедно. Посакувам да имав доволно дух да им напишев нешто на сопругата и ќерките, но немав - изјавил Ример.

Еден од неговите сопатници забележал дека врвот на опашката на нивниот авион изгледа како некој речиси хируршки да го отсекол.

- Не можев ништо друго освен да се обидам да ја задржам присебноста. Беше лесно да паднам во страв и паника, но се обидов да останам присебен. Пилотите во авионот беа тивки и се фокусираа на безбедно слетување каде било. Околу 35 минути подоцна слетавме во една воена база во Амазонската прашума - се сетил тој.

По слетувањето, откако сфатиле дека сите преживеале, отишле на пица во базата, а потоа еден од нивните пилоти, кој знаел португалски, дошол до нив пребледен и седнал на нивната маса.

- Добро се сеќавам што рече тогаш: „Момци, имам страшна вест да споделам со вас. По должината на нашата патека на летот имало и авион кој исчезнал и не знаат што се случило со него. Но, тоа е преголема случајност. Нашето олеснување поради сето она што го преживеавме, се претвори во огромна тага. Се воспостави дека нашиот авион налетал на патнички авион кој исчезнал од радарот.

Трагедија

Станува збор за авионот Боинг кој на 29. септември 2006 г. леташе на линијата Манаус - Бразилија и се урна над прашумата Амазонија со 154 патници и членови на екипажот. Остатоците од авионот подоцна беа пронајдени во државата Мато Гросо во многу непристапна област.

- Шансите некој да ја преживее несреќата што ја имавме се минимални. Не верувам дека тоа се случило некогаш. Да беше Боингот неколку сантиметри пониско, ќе ни ги скинеше опашот и крилата, а никој од двата авиони немаше да преживее – додал Ремер.

Судирот помеѓу Боингот и авионот на Ример го отсекол крилото на поголемиот авион, кој потоа се урнал во џунглата, при што загинаа 154 патници и членови на екипажот.

Тоа беше најголема трагедија во историјата на бразилските воздухопловни сили. Според Ример, имало обиди вината за трагедијата да се префрли на пилотот на нивниот авион, но истрагата утврдила дека контролата на летот потфрлила. Тие се „очите на небото“ за пилотите кои поради брзината на леталото не можат да ги видат другите летала, а пропустот на контролата на летање е во тоа што не успеала да ги одржи двата авиона на пропишаното растојание.

- Долго време се прашував зошто ние преживеавме, а патниците од другиот авион не. Бев благодарен за можноста да продолжам со мојот живот, но никогаш не ја заборавив трагедијата што се случи. По овој настан кој целосно ми го промени животот, водев кампања за подобрување на безбедноста во воздухопловството, се обидов да бидам добар сопруг и татко, да им помагам на другите луѓе колку што можам. Ги користам лекциите што ги научив како дел од една ваква голема несреќа со надеж дека тоа ќе помогне да се спасат други животи. Сите ние што бевме во приватниот авион денеска славиме два родендена - оној кога сме дошле на овој свет, и оној другиот, кога бевме поштедени во несреќата - заклучи Ример.

Cockpit audio recording reveals the last seconds before Transportes Aéreos Flight 1907 broke up mid-air and crashed. Everyone on board died.

On September 29, 2006, Gol Transportes Aéreos Flight 1907, travelling from flight from Manaus, Brazil, to Brasília and Rio de Janeiro,… pic.twitter.com/Rqb0Q3ptPP

— Morbid Knowledge (@Morbidful) April 10, 2024

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.