Македонија

Потпишување договор за изградба на фотонапонската електрана „Осломеј"

Вицепремиерот за економски прашања Кочо Анѓушев ќе присуствува и ќе се обрати на потпишувањето договор за изградба на фотонапонската електрана „Осломеј".

Договорот во Медија-центарот на Владата ќе го потпишат Васко Ковачевски, генерален директор на Електронстпанство на Северна Македонија (ЕСМ), и Мухитин Бехиџ Харманли, претседател на Одборот на директори на „Гирисим Електрик” – компанијата изведувач од Турција.

Проектот фотонапонската електрана „Осломеј" е дел од стратегијата на ЕСМ за менување на начинот на производството на електрична енергија односно зголемено искористување на обновливите извори на енергија на сметка на фосилните горива.

Изградбата на електраната е почеток на иницијативата со која значително ќе се зголеми производството на електрична енергија од обновливи извори, особено од сонцето.

Таа ќе се гради на јаловиштето на некогашниот рудник за јаглен, што ќе овозможи корисна повторна употреба на неискористената индустриска земја, на веќе постојниот рудник во околината на РЕК „Осломеј", на 15 хектари земјиште../МИА

Фудбал

Арсенал се надева дека Жоргињо ќе го продолжи договорот

Фудбалерот од средниот ред на Арсенал, Жоргињо може да го напушти клубот.

Според „Standard“, за 32-годишниот Италијанец силно се заинтересирани Јувентус, Лацио и Наполи. Во исто време, лондонскиот клуб се надева дека играчот ќе ги одбие понудите и ќе го продолжи договорот со Топџиите.

Оваа сезона Жоргињо одигра 35 натпревари, постигна гол и две асистенции.

Се шпекулира дека одлуката дали Жоргињо ќе остане во Арсенал во голема мера ќе зависи дали неговиот тим ќе ја освои Премиер лигата. /МИА

Македонија

Изречени 130 санкции за брзо возење на територија на државата

На територијата на државава во текот на вчерашниот ден изречени се вкупно 130 санкции за брзо возење.

Од нив, како што информираа денеска од Министерството за внатрешни работи, 12 возила се движеле со брзина над 50 километри на час повеќе од дозволеното, а две возила со дури над 70 километри на час повеќе од дозволената брзина. Притоа, 53 возила ја пречекориле брзината во населено место, а 77 надвор од населено место.

Македонија

Санкционирани 157 возачи под дејство на алкохол

МВР информира дека вчера, во акциска контрола, се санкционирани 157 лица кои возеле под дејство на алкохол.

Контролата била спроведена од 16.00 до 22.00 часот на територијата на Република Северна Македонија.

Според МВР, санкционирани се и 183 други видови на сообраќајни прекршоци.

-Сообраќајните контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, наведува Министерството.

притисни ентер