Култура

Потпишани договорите за поддршка на 11 општини за инфраструктурни проекти од областа на култура

Годинава за оваа намена го зголемивме буџетот за 10 милиони денари и нашата намера е секоја година оваа ставка континуирано да се зголемува.

Со вкупно 50 милиони денари ќе бидат поддржани 11 општини во земјава за инфраструктурни проекти од областа на културата. Средствата се од Програмата за користење на капиталните дотации за инвестициски проекти во единиците на локална самоуправа од областа на културата за 2024 година.

Министерката за култура Бисера Костадиновска Стојчевска, која денеска ги потпиша договорите со градоначалниците чии општини добија средства за оваа намена, посочи дека Владата и Министерството за култура испраќаат јасна порака оти се препознаени потребите на локалната култура и вреднуваат креативни напори за нејзин понатамошен развој.

- Годинава за оваа намена го зголемивме буџетот за 10 милиони денари и нашата намера е секоја година оваа ставка континуирано да се зголемува. Даваме конкретна финансиска помош со која заеднички придонесуваме кон квалитетот на локалниот развој и имплементацијата на културните политики подеднакво во цела држава. Комисијата одлучи преку оваа програма за 2024 година со 50 милиони денари да бидат поддржани инфраструктурни проекти во 11 општини, рече Костадиновска Стојчевска.

Како што информираше, поддршката е наменета за изградба и адаптација на објектот „Парк“ во мултифункционален креативен центар во Општина Битола, реконструкција на мултифункционален центар „Дичо Зографски“ во колоритното Тресонче во Општина Маврово и Ростуше, реконструкција и адаптација на Домот на културата во Општина Дојран, поставување на фотонапонски панели на покривот на Библиотеката „Гоце Делчев“ во Општина Велес, изградба на Домот на култура во Општина Чашка, реконструкција на Музејот на Демир Капија, реконструкција на Спомен домот на АСНОМ во Општина Делчево, Партизанскиот дом Сандево во Општина Чучер Сандево, изградба на ограден ѕид и партерно уредување на Библиотеката и Музеј во Општина Кривогаштани, а летна сцена ќе добие Општина Богданци.

За набавка на осветлување на сценски настапи во трајна сопственост ќе добие поддршка и Општина Крушево.

- Овие 11 проекти се континуитет во поддршката за одржлив и функционален развој на локалната култура, како неприкосновен суштински дел од нашиот културен идентитет. Оттаму, суштината на капиталните дотации во нивната крајна цел е поттикнување и охрабрување на културниот и креативниот потенцијал, културната разноликост, како оригиналност, оригиналноста како културна вредност, додаде Костадиновска Стојчевска.

Според министерката, локалниот културен идентитет мора досетливо да се избори за својата видливост.

- Повикувајќи и поттикнувајќи ги уметниците да се посветат на културниот развој на својот град, на својата општина, ние како Влада сакаме да потсетиме и на стратешката улога на културата, на тој постојан повик на креативната будност и уметничката слобода. Културата се повеќе се осознава и како индустрија која на локалната заедница може да и донесе големи економски бенефити. Токму затоа, заедно треба да помогнеме. Посакувам успешна и ефикасна реализација на проектите од културата во овие општини, додаде Костадиновска Стојчевска.

Градоначалниците на овие 11 општини изразија благодарност до Министерството за култура, затоа што, како што потенцираа во своето излагање, на овој начин станува поддржувач но и партнер во реализација на културно туристичката инфраструктура на општините.

Градоначалникот на Општина Дојран Анго Андов образложувајќи го проектот денеска пред потпишувањето на договорот во Владата, потенцираше дека конечно после 30 години ќе реконструираат стар објект, којшто беше оставен и не беше во функција, и токму ова, како што посочи, беше едно од најголемите барања од локалното население. Тој појасни дека Домот на културата ќе се адаптира во Младински културен центар.

Градоначалникот на Општина Кривогаштани, Николче Мискоски за проектот „изградба на ограден ѕид и партерно уредување на Библиотеката и Музеј“ пред потпишувањето на договорот, рече дека ќе постават греење и ладење во објектот, а дворот којшто во овој момент е земјина површина партерно ќе се уреди со бехатон плочки, а исто така ќе постават и ограда околу самиот објект.

Градоначалникот на Општина Демир Капија, Лазар Петров посочи дека проектот за реконструкција на Музејот во оваа Општина ќе придонесе не само за реновирање и модернизација на објектот, туку и ќе создаде простор за креативност и културна интеграција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ким Кардашијан има пет дадилки за своите четири деца: „Една е секогаш на должност“

Ким Кардашијан, 45-годишната основачка на брендот „SKIMS“, во ново интервју откри детали за тоа како го организира животот со четирите деца што ги има со поранешниот сопруг, Канје Вест.

Заедно ги имаат ќерките Норт (13) и Чикаго (8) и синовите Сејнт (10) и Псалм (7), при што Кардашијан е нивниот примарен старател.

Кардашијан за „Тајмс“ откри дека има помош околу грижата за децата, ангажирајќи пет дадилки кои се менуваат. Таа објасни дека „една е секогаш на должност“, додека „останатите четири се менуваат во смени“.

Таа секој ден ги вози на училиште

И покрај тоа што има помош, Кардашијан вели дека е активно вклучена во секојдневниот живот на своите деца. Таа лично ги вози на училиште и ги зема оттаму секој ден, а секоја вечер заедно вечераат. „Мислам дека сум умерено строга мајка. Многу сум трпелива и им давам многу љубов. Децата сè уште можат да спијат во мојот кревет кога и да посакаат, а јас им читам секоја вечер пред спиење“, рече таа.

View this post on Instagram

A post shared by Kim Kardashian (@kimkardashian)

Таа се грижи за јавното експонирање на децата

Во интервјуто, таа се осврна и на прашањето за јавното експонирање на нејзините деца – особено на најстарата ќерка, Норт, која е популарна на „TikTok“ и сè повеќе се занимава со музика. Кардашијан призна дека се грижи за учеството на децата во семејното реално шоу „The Kardashians“. „Секое дете учествува онолку колку што се чувствува пријатно. Помалите деца се појавуваат додека снимам, но немаат некои големи улоги во серијата. Норт ужива во тоа малку повеќе од другите, па морам малку да ја ограничувам“, објасни таа. Таа додаде дека Норт е најмногу заинтересирана за проекти кои нудат јавно експонирање, поради што нејзините родители се обидуваат внимателно да ги избираат можностите што таа ги прифаќа, наместо да се согласуваат на сè што ѝ се нуди.

View this post on Instagram

A post shared by Kim Kardashian (@kimkardashian)

Кога станува збор за музиката, Кардашијан вели дека подобро комуницира со Канје Вест на таа тема. Тие се погрижуваат да бидат усогласени и се осигуруваат дека Норт учествува само во проекти што и двајцата ги одобриле.

Извор: Индекс.хр

Тагови: Ким Кардашијан

Европа

Хаос во Франција: Се затвораат до 500 средни училишта, 24 се запалени или вандализирани

Училиштата се затвораат кога не се исполнети безбедносните услови – било поради оштетување на имотот или поради тоа што вработените биле директно загрозени.

Францускиот министер за образование, Жан-Мишел Бланке, денес соопшти дека утре целосно или делумно ќе бидат затворени меѓу 400 и 500 средни училишта во Франција поради последиците од насилните студентски протести, додека најмалку 24 училишни објекти биле запалени или вандализирани.

„Наставата беше прекината во меѓу 400 и 500 образовни установи во петокот, а веројатно сличен број ќе бидат затворени и во понеделник, иако со делумно и постепено продолжување на наставата“, изјави Бланке, пренесува весникот „Ле Фигаро“.

Францускиот министер наведе дека 78 вработени во образовниот систем се повредени откако започнаа протестите.

Според него, училиштата се затвораат кога не се исполнети безбедносните услови – било поради оштетување на имотот или поради тоа што вработените биле директно загрозени.

Бланке рече дека одредени припадници на крајната левица се приклучиле на протестите, обвинувајќи ги дека го злоупотребиле студентското движење и прибегнале кон насилство.

„Ова претставува ризик и за нашиот персонал и за учениците. Повредени се 78 вработени во образованието – нешто што досега не сме го виделе. Тие беа намерно нападнати бидејќи работат во образованието“, изјави министерот.

Протести низ Франција

Протестите и блокадите на средните училишта започнаа на 17 септември во регионот на Париз, а потоа се проширија низ целата земја. Ситуацијата, како што забележува францускиот весник, ескалираше во четвртокот во неколку француски градови.

Петокот беше одбележан со тензии и повеќе од 1.700 приведени лица, со што вкупниот број на приведени од почетокот на неделата достигна околу 5.000.

Организаторите повикаа протестите да продолжат и во вторник, наведувајќи дека не добиле „конкретни мерки“ од властите.

Учениците што учествуваат во протестите, меѓу другото, бараат повеќе персонал и зголемени средства за образованието, а истовремено се жалат на притисокот од системот за упис на универзитетите, недостигот на наставници-заменици, лошата состојба на училишните згради и преоптоварените распореди на часовите.

Извор: Б92

Тагови: Франција

Свет

Пукање во близина на границата меѓу Норвешка и Шведска: Убиени татко и син

Татко и син загинаа, а трет маж беше тешко ранет во пукање во близина на Халден, во југоисточна Норвешка. Осомничениот, маж на возраст од околу 30 години, бил совладан од присутните на местото на настанот пред да пристигне полицијата.

Жртвите биле маж во седумдесеттите години и неговиот син, кој бил во четириесеттите години. Сите тројца биле дел од ловечка група собрана на имот во близина на езерото Ершеен, недалеку од шведската граница.

Напаѓачот совладан пред пристигнувањето на полицијата

Според норвешките медиуми, осомничениот не бил дел од ловечката група.

По пукањето, луѓето присутни на имотот успеале да го совладаат и да го задржат до доаѓањето на полицијата. Полицијата верува дека тој дејствувал сам и соопшти дека нема опасност за јавноста.

Според досегашните информации, во нападот била употребена ловечка пушка. Норвешките медиуми исто така известуваат дека осомничениот поседувал дозвола за две парчиња огнено оружје.

Адвокат: Тој ја признал кривичната одговорност

Адвокатот на осомничениот, Оле Ричард Холм-Олсен, изјави дека неговиот клиент ја признал кривичната одговорност за двете убиства и за ранувањето на третото лице.

Според адвокатот, осомничениот писмено ја признал кривичната одговорност и се согласил на притвор, но во моментов не сака да даде изјава пред полицијата.

Мотивот сè уште непознат

Полицијата сè уште истражува зошто осомничениот отворил оган и каква поврзаност имал со луѓето на имотот. Истражителите се сомневаат дека тој ја познавал групата или некои од нејзините членови, но според досега објавените информации, тој не бил во роднинска врска со загинатите или со ранетиот маж.

По пукањето, полицијата ја пребарала околината и блиските објекти за да провери дали има други напаѓачи или жртви. Не биле пронајдени други жртви ниту дополнителни напаѓачи.

Извор: Индекс.хр

Тагови: пукање