Потпишан договорот за заем со ЕБОР вреден 20,9 милиони евра - ќе се набавуваат електрични локомотиви - Канал 5

Економија

Потпишан договорот за заем со ЕБОР вреден 20,9 милиони евра - ќе се набавуваат електрични локомотиви

Со заем од ЕБОР во износ 20,9 милиони евра, МЖ Транспорт ќе набавува 5 електрични локомотиви со резервни делови.

Потпишан договорот за заем со ЕБОР вреден 20,9 милиони евра - ќе се набавуваат електрични локомотиви

Договорот беше потпишан во Владата, а повикот за набавка се очекува до март, со испорака на локомотивите до 2028 година.

Генералниот директор на железници транспорт Дејан Кошутиќ нагласи дека проектот ќе овозможи модернизација на претпријатието и поголема безбедност и ефикасност. Целосна промена на сликата во железничкиот сообраќај очекува и вицепремиерот и министер за транспорт Александар Николоски, кој информираше дека во моментов железници располага со 11 оперативни локомотиви, од кои 4 се нови, а со дополнителните 5 очекува карго превозот да биде целосно поркиен.

-Ќе имаме 9 локомотиви кои целосно ќе можат да го опслужат карго транспортот, а дел од нив да се користат и во патничкиот сообраќај. Ова е многу значајно особено за коридорот 10 кој треба да расте во годиниве кои што се пред нас, но и за коридорот 8 кој го развиваме во овој момент преку инвестиции,- Александар Николоски.

-Во текот на годината заедно со еспертите на ЕБОР работевме интензивно на подготовка на овој проект, денеска со потпишување на договорот за заем се создава основа за обнова на возниот парк и унапредување на сигурноста во железничкиот сообраќај,- Дејан Кошутиќ.

Според премиерот Христијан Мицкоски, набавката на локомотивите освен што ќе ги зајакне оперативните капацитети и финансиската стабилност на железницата, ќе помогне и од еколошки аспект и ќе придонесе за намалување на загадувачките емисии.. Од ЕБОР пак нагласија дека договорот претставува стратешка инвестиција со Македонија, како нивен ценет и долгогодишен партнер.

-Ова е системска обнова на железничкиот сектор, инвестиција во економијата, во екологијата и во европската иднина на државата. Железницата повторно ја враќаме на шините на развојот со план, со одговорност и со јасна визија за модерна, поврзана и силна Македонија,- Христијан Мицкоски.

-Договорот што го потпишуваме денес ја повтрдува нашата постојана посветеност за поттикнување на одржлив раст, подобрена поврзаност и поголема конкурентност во Македонија,- Фатих Туменоглу.

Проектот е подржан од министерството за финансии, а министерката Димитриеска-Кочоска објасни дека условите под кои се обезбедени средствата се со рок на отплата од 15 години, со половен грејс период и конкурентна каматна стапка..

YouTube video

Тагови: железници

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Топки мраз паѓаа од небото- невидено невреме ја погоди Франција (ВИДЕО)

Силна бура проследена со град го погоди регионот Ардеш во јужна Франција, предизвикувајќи огромна материјална штета на возилата, како и на зградите и вегетацијата.

Топки мраз паѓаа од небото- невидено невреме ја погоди Франција (ВИДЕО)

Бурата вчера ја погоди областа околу градовите Обена, Вал-ле-Бен и Лалевад д'Ардеш, а на социјалните мрежи беа објавени снимки од град со дијаметар од неколку сантиметри кој брзо ги покри улиците.

Снимките покажаа луѓе кои држат „ледени топки“ кои кршеа прозорци на нивните возила и куќи.

Според извештаите од теренот, дел од градот бил со големина на фудбалска топка, со дијаметар помеѓу пет и седум сантиметри.

Пожарникарите реагираа на неколку инциденти предизвикани од невремето, додека обилните дождови доведоа и до локални поплави.

Градоначалникот на Обена, Жан-Роман Рибеиро, ја опиша бурата како „екстремно насилна појава“ откако делови од регионот беа покриени со слој мраз и град.

Ардеш беше меѓу департманите кои претходно издадоа портокалово предупредување поради ризикот од силни бури.

Тагови: невреме Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Реакцијата на Мик Џегер по поразот на Англија на СП е хит (ВИДЕО)

Поразот на Англија на Светското првенство донесе и неочекувана последица, нов интернет мем.

Реакцијата на Мик Џегер по поразот на Англија на СП е хит (ВИДЕО)

Во главната улога е Мик Џегер, чија разочарана реакција по елиминацијата на Англија од турнирот брзо стана вирална на социјалните мрежи.

Фронтменот на „Ролинг Стоунс“ беше меѓу познатите фанови кои го гледаа полуфиналниот натпревар против Аргентина од трибините на стадионот во Атланта, каде што дојдоа да ја бодрат англиската репрезентација. Пред почетокот, камерите го фатија како ја пее „Sweet Caroline“, песна која стана суштински дел од навивачката атмосфера на натпреварите на Англија во последните години.

Но, како што стана јасно дека Англија губи и нема да стигне до финалето, расположението на Џегер видливо се промени. Кон крајот на натпреварот, камерата го фати како разочарано ја тресе главата, а тој краток момент веднаш стана материјал за бројни шеги и објави на социјалните мрежи.

Разочараниот Џегер стана мем

„Тоа видео на кое Мик Џегер ја тресе главата треба да стане мем“, напиша некој.

„Сер Мик кажа сè што чувствуваат навивачите на Англија“, додаде друг.

„Од 1966 година чекаме финале на Светското првенство...“, „Благодарам Светско првенство за ова видео од разочараниот Мик Џегер“ и „Цела Англија сега се чувствува како Мик Џегер“, се некои од коментарите.

И Бекамови привлекоа внимание

Џегер не е единствената позната личност чии моменти од трибините станаа вирални за време на овогодинешното Светско првенство. Сер Дејвид Бекам ги следи натпреварите на Англија во друштво на неговата сопруга Викторија и нивните деца, а токму таа предизвика бројни реакции од гледачите минатата недела.

Нејзиното сериозно лице додека остатокот од семејството ја славеше победата на Англија брзо се прошири на интернет, па самиот Бекам мораше да ја погледне ситуацијата. „Таа славеше внатре, ветувам“, напиша тој на Инстаграм со објава за реакцијата на Викторија и додаде: „Нејзините реакции беа само малку побавни од моите“.

Сепак, многумина забележаа дека поранешната членка на Спајс Грлс покажа многу повеќе емоции за време на натпреварот во среда кога Ентони Гордон постигна гол за Англија.

Иако Англија нема да игра во финалето на Светското првенство во недела, турнирот не е завршен за нив. Националната репрезентација ја чека натпревар против Франција за третото место.

Тагови: Мик Џегер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Со лопата си ја убил мајка си и братот- трагедија во Сараево: Ги испратив меѓу мачениците

Полицијата во Сараево денеска уапси 43-годишен маж под сомнение за убиство на две лица, а локалните медиуми објавија дека неговите жртви се мајка и брат, кои ги убил на исклучително брутален начин.

Со лопата си ја убил мајка си и братот- трагедија во Сараево: Ги испратив меѓу мачениците

Уапсениот во медиумите е идентификуван како Аднан Локванчиќ, објави Кликс. Тој е уапсен во семејниот стан во сараевската населба Храсница, каде што полицијата го пронашла по дојава.

Полицијата накратко објави дека е приведен под сомнение за убиство на едно машко и едно женско лице и дека е во тек истрага за да се утврди што точно се случило.

Лопата и отсечена глава

Според порталот „Дневни аваз“, Локванчиќ наводно ги убил својот брат и мајка со удари со лопата. Потоа ја обезглавил мајката.

Неговиот официјален адвокат, Омар Мехмедбашиќ, потврди за медиумите дека жртвите се мајката и братот на уапсениот маж, кој веднаш најави дека ќе побара психијатриско испитување.

„Очигледно постои причина за стручно мислење на невропсихијатар, бидејќи кога го дал своето сведоштво, рекол дека ги испратил мајката и братот што ги убил меѓу мачениците на подобро место“, изјавил Мехмедбашиќ за порталот Кликс.

Семејство обележано со трагедии

Медиумите известуваат дека целото семејство во кое се случила оваа трагедија имало тежок живот, а особено било трауматизирано од фактот дека таткото извршил самоубиство со рачна граната по војната.

Тагови: лопата сараево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер