Потпишан договор за грант од 5,5 милиони евра за енергетска реконструкција на студентски домови - Канал 5

Потпишан договор за грант од 5,5 милиони евра за енергетска реконструкција на студентски домови

 Во Свечената сала на Владата денеска беше потпишан договор за неповратен грант од Европската Унија во износ од 5,5 милиони евра. 

Потпишан договор за грант од 5,5 милиони евра за енергетска реконструкција на студентски домови

Средствата се наменети за енергетски ефикасна рехабилитација на државните студентски домови низ земјата, како дел од пошироката иницијатива за подобрување на условите за живот на студентите и намалување на емисиите на CO₂.

Документот го потпишаа министерката за образование и наука Весна Јаневска, министерката за финансии, Гордана Димитриеска Кочоска и директорот на KfW за Југоисточна Европа, Клаус Милер.

Министерката за финансии, Димитриеска Кочоска, изјави дека станува збор за проект кој не е само инфраструктурна инвестиција, туку и инвестиција во иднината, односно, како што рече „инвестиција во достоинствени услови за нашите студенти и во заштеда на енергија на долг рок“.

Таа информираше дека ова е прва фаза од проектот со вкупен буџет од 30,25 милиони евра, кој вклучува 20 милиони евра заем од KfW, 4,75 милиони евра грант преку WBIF и новиот грант од 5,5 милиони евра.

-Овие бројки не се само финансиски параметри – тие се доказ за визија, стратешко планирање и конкретна грижа за младите и за оние на кои најмногу им е потребна поддршка, рече Димитриеска Кочоска.

Најави и нова фаза која ќе вклучи изградба на образовни установи за ученици со посебни потреби.

Министерката за образование и наука, Јаневска, информираше дека е во тек темелна реконструкција на девет државни студентски домови, поддржана од ЕУ и KFW. Првата фаза опфаќа целосна обнова на домовите „Кузман Јосифовски - Питу“ и „Стив Наумов“ во Скопје, кои, како што рече, до крајот на годината ќе станат ултра модерни и енергетски ефикасни.

-Со новиот грант буџетот сега надминува 30 милиони евра и средствата ќе се искористат за делумно финансирање на обновата на четири студентски домови „Никола Карев“ во Охрид, „Браќа Миладиновци“ во Штип, „Орде Чопела“ во Прилеп и „Томе Стефановски – Сениќ“ во Скопје, појасни таа.

Министерката Јаневска најави и трета фаза, која ќе ги опфати домовите „Гоце Делчев“ и „Пелагонија“ во Скопје и „Кочо Рацин“ во Битола.

Евроамбасадорот Михалис Рокас, изјави дека со потпишувањето на договорот се работи на подобрување на енергетската ефикасност во образованието.

-Студентското домување е суштински дел од животот додека човек е на факултет и обезбедува дом надвор од домот. Спроведувањето на скоро нулта енергетските згради придонесува за намалување на загадувањето во Скопје, а реконструкцијата на двата дома напредува со полна брзина. Со подобрување на условите за живот на студентите сакаме да ги земеме предвид и студентите со посебни потреби, да се зголеми нивниот квалитет на живот. Се надеваме дека со овој проект, заедно, сите четворица ќе добиеме десетка на испитот – и со средствата обезбедени преку оваа програма, но и со оние од реформската агенда, рече тој.

Германската амбасадорка Петра Дрекслер изрази надеж дека проектот ќе доведе до „30 проценти намалени сметки за енергија во студентските домови“, што ќе придонесе и за климатските цели, енергетската стабилност и подобар живот за сите граѓани.

Директорот на Германската развојна банка за Југоисточна Европа, Клаус Милер, рече дека покрај финансиската поддршка, банката ја поддржува Владата и во законодавството за енергетска ефикасност.

-Се надеваме дека до крајот на оваа година ќе потпишеме уште еден договор за следната фаза, изјави Милер.

Грантот е обезбеден преку Инвестициската рамка за Западен Балкан (WBIF), преку Регионалната програма за енергетска ефикасност (REEP Plus), и го надополнува заемот од 20 милиони евра од Германската развојна банка (KfW).

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шукова: Бараме одговорност за секоја една жена жртва на насилство

Од Форумот на жени на СДСМ вечерва излегоа на протест пред СВР Охрид против насилствата врз жените.

Шукова: Бараме одговорност за секоја една жена жртва на насилство

Побараа одговорност од насилниците и институциите и заштита за секоја жртва која била изложена на насилство.

Претседателката на Форумот на жени на СДСМ, во име на насобраните, но и како што рече, во име на сите жртви на слични насилства, истакна дека насилството врз жените и фемицидите се сериозен општествен проблем, но дека проблемот не завршува со самиот чин на насилство, туку продолжува и во постапките што следуваат во текот на истрагата и судењето, каде, како што рече, се покажуваат сериозни системски недостатоци.

– Бараме да има сериозна превенција за да се спречат нови облици на насилство и нови фемициди. Бараме одговорност и да нема политички влијанија во процесот на истрага и судење. Бараме секоја жртва да биде заштитена. На секое јавување на жртва на семејно насилство, институциите веднаш да реагираат – порача Шукова.

Од семејството на Сара Ѓорѓиеска претходно порачаа дека нема да присуствуваат на протестот, но и дека се надеваат дека протестот нема да биде искористен за партиски цели ,туку ќе биде протест на граѓаните со цел да се подигне свеста за насилството против жените во земјава.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Утре променливо облачно со дневна температура од 17 до 21степен

Времето утре според УХМР ќе биде променливо облачно со повремени локални врнежи од дожд а максималната температура ќе достигне од 17 до 21 степен.

Утре променливо облачно со дневна температура од 17 до 21степен

Променливо облачно со повремени локални врнежи од дожд. Ќе дува умерен до засилен, а наместа во западните делови повремено силен ветер од југозападен правец (над 80 km/h). Минималната температура ќе биде во интервал од 4 до 11, а максималната ќе достигне од 17 до 21 степен.

Во Скопје, променливо облачно со повремени сончеви периоди. Кон крајот на денот ќе има услови за слаб дожд. Ќе дува слаб до умерен, а во делови од котлината повремено засилен ветер од јужен правец. Минималната температура ќе се спушти до 2, а максималната ќе достигне до 19 степени.

ВРЕМЕТО ВО НАРЕДНИТЕ ДЕНОВИ

Во следните денови ќе се задржи променливо облачно време со повремени локални врнежи од дожд со променлив интензитет. Под влијание на јужно воздушно струење до петок ќе биде релативно топло со температури кои ќе бидат над просекот за овој период од годината. Ќе дува умерен до засилен, а наместа во западните делови повремено силен ветер од југозападен правец (над 80 km/h). Од сабота температурите ќе бидат во опаѓање.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Саша Ковачевиќ објави фотографии од родениот син: Гордиот татко не ја симнува насмевката од лицето

Мегапопуларниот српски пејач Саша Ковачевиќ ги објави првите фотографии со наследникот од породилиштето.

Саша Ковачевиќ објави фотографии од родениот син: Гордиот татко не ја симнува насмевката од лицето

Зорана Тасовац, партнерката на пејачот Саша Ковачевиќ, се породи и роди здраво машко дете. Гордите родители го добија своето прво заедничко дете, а набргу потоа ја споделија радосната вест на социјалните мрежи.

Саша сега објави фотографии со наследникот од породилиштето. Првата слика е направена веднаш по породувањето, додека на втората пејачот не ја симнува насмевката од лицето и позира со бебето во колевката.

Тој го покри лицето на синот со емотикон во форма на срце, а глетката ги разнежни неговите следбеници. Ковачевиќ претходно откри дека за доаѓањето на бебето избрале приватна клиника и дека тој сакал да биде покрај Зоран за време на породувањето.

„Сакам да бидам таму, како поддршка, но и за да ги почувствувам убавините на татковството уште од првата секунда кога тој ќе дојде на свет“, изјави пејачот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер