-Ситуацијата е непријатна за сите. Има проблем со сообраќајот, посебно за нас кои живееме покрај реката и не можеме да се движиме вели жител на чешката престолнина.
Во моментов, најголема е опасноста за Дрезден каде започна евакуација на населението долж Елба, чие ниво последниве денови нарасна на речиси 10 метри, или седум над нормалното. Во битката со времето за ублажување на последиците од водената стихија се вклучени сите и жителите и војската, кои на една страна ги расчистуваат наносите, а од друга поставуваат нови барикади...
-Има недостаток на вреќи со песок, тоа е најголемиот проблем во моментов, бидејќи на сите им требаат што е можно повеќе, вели жителка на Дрезден.
Од денеска и Унгарија се запиша на листата на земји кои прогласија вонредна состојба, на која се и Австрија, Полска и Словачка, откако нивото на Дунав денеска енормно нарасна и и се заканува на Будимпешта. Досегашниот биланс на човечки жртви е 12 и уште толку исчезнати.
Но, властите на Прага сепак деновиве имаат уште една дополнителна грижа – да ги чуваат барикадите од крадци. Но не обични крадци, туку оние кои енормните води ги користат за летни лудории - сурфање низ градските улици, на импровизирани даски направени од металните барикади.