Живот

Постигнат извесен напредок во врска со пловидбата низ Ормускиот теснец, вели шефот на индиската дипломатија

Индискиот министер за надворешни работи Сухбрахманјам Џаишанкар синоќа изјави дека постигнал „извесен напредок“ за време на разговорите што ги имал со ирански претставници, а во врска прашањето за повторното отворање на Ормускиот теснец.

Индискиот министер за надворешни работи Сухбрахманјам Џаишанкар синоќа изјави дека постигнал „извесен напредок“ за време на разговорите што ги имал со ирански претставници, а во врска прашањето за повторното отворање на Ормускиот теснец за поморска пловидба што речиси целосно беше затворен по почетокот на воените напади на САД и на Израел врз Иран.

„Моментално сум во контакт со нив и разговорите дадоа извесни резултати“, изјави Џаишанкар во интервју за весникот „Фајненшл Тајмс.

Негова оценка е дека токму непосредни разговори со Иран се најефикасниот начин повторно да воспостави пловидба низ Ормускиот теснец.

Претседателот на САД, Доналд Трамп, во саботата ги повика земјите да испратат воени бродови за да обезбедат непречен транспорт низ Ормутскиот теснец.

Трамп во пост објавен на социјалната мрежа „Truth Social“ изрази надеж дека земји како Кина, франција, Јужна Кореја, Велика Британија ќе испратат бродови за да ја обезбедат значајната поморска рута низ која се врши транспорт на петтина од светската нафта.

Џаишанкар изјави дека е во контакт со Техеран и оти „разговорите даваат одредени резултати“.

Два танкери што пловат под индиско знаме, со околу 92.712 метри кубни течен гас, во саботата поминале низ Ормускиот теснец и се на пат кон Индија.

Шефот на индиската дипломатија посочува дека тоа е пример што може да постигне дипломатијата.

„Од гледна точка на Индија, секако е подобро да разговараме, да се координираме и да изнајдеме решение отколку да не се обидеме“, изјави Џаишанкар.

Тој додаде дека не постои „општо договорена шема“ за бродовите што пловат под индиско знаме и оти Иран не добил ништо за возврат.

На прашањето дали европските земји би можеле да го следат примерот на Индија, Џаишанкар одговори дека „секој однос со Иран има свои специфики“, што ги отежнува споредбите, но нагласи подготвеност да го сподели индискиот пристап со престолнините на ЕУ, напоменувајќи дека многу од нив веќе воделе разговори со Техеран.

„Иако ова е добредојден развој на ситуацијата, разговорите продолжуваат бидејќи сè уште има работа“, заклучи индискиот министер за надворешни работи.

Откако САД и Израел ја започнаа воената кампања против Иран на 28 февруари Техеран речиси целосно ја забрани поморската пловидба низ Ормускиот теснец.

Тагови: бродовите нафта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

„Одраз“ вечерва во Битола: Делата на Наташа Божарова првпат пред македонската публика, музички перформанс на Нико Ѓоргиевски од „Мизар“

Вечерва, 3 октомври, со почеток во 20 часот, во кафе „Тигре“ во Битола ќе се одржи уметничкиот настан „Одраз“, на кој за првпат пред македонската публика ќе бидат претставени сликарски дела на македонската скулпторка и сликарка Наташа Божарова.</

Покрај сликарските дела, публиката ќе има можност да види и дел од скулптурите на Божарова, чиј скулпторски опус во најголем дел се наоѓа во Италија, додека дел од нејзините дела се наоѓаат во Македонија.

„Одраз“ ќе биде надополнет со музички перформанс на битолчанецот Нико Ѓоргиевски, македонски тенор и вокал на рок-бендот „Мизар“.

Ѓоргиевски ќе изведе интерпретации на дела од светската андерграунд музичка сцена кои влијаеле врз неговиот уметнички развој и музички израз.

Настанот ги обединува сликарството, скулптурата и музиката преку творештвото и уметничките влијанија што го обликувале патот на Наташа Божарова и Нико Ѓоргиевски.

„Одраз“

Вечерва, 3 октомври, во 20:00 часот

Кафе „Тигре“, Битола

Тагови: битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Рама: „Европската Унија ја лаже Украина“

Албанскиот премиер Еди Рама остро го критикуваше пристапот на ЕУ кон преговорите за пристапување на Украина во интервју за германскиот „Велт“.

Рама зборуваше за процесот на пристапување на Западен Балкан. Тој истакна дека од Источна Германија не се барало да ги исполни барањата од сите 33 преговарачки поглавја во 1989 година.

Рама рече дека ЕУ веројатно ќе бара уште поголеми напори од земјите од Западен Балкан, но дека тие сепак сакаат да бидат нејзин дел.

„Украина е земја која е измамена“, рече Рама.

Рама додаде дека Украина никогаш нема да биде примена преку стандардниот процес на пристапување, со исполнување на сите критериуми, и дека сите се свесни за ова.

Тој рече дека реално решение би било Украина веднаш да се приклучи на преговорите и да добие полноправно членство врз основа на заслуги.

Тагови: Еди Рама

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

31-година од атентатот врз претседателот Глигоров, се уште нема разврска

Поминаа 31-година од атентатот со автомобил-бомба врз претседателот Киро Глигоров.

На 3 октомври беше извршен атентат врз првиот претседател на Македонија, Киро Глигоров, кој со тешки повреди на главата ,го преживеа напaдот.

На местото на атентатот загина неговиот возач Александар Спировски, а беше повреден телохранителот на глигоров, Илчо Теовски. Како последица од повредите почина и случајниот минувач Христо Христоманов.

Истрагата утврди дека атентатот врз македонскиот претседател, бил добро подготвен и организиран. Остана непознато кој стоел зад атентатот, а истражната постапка која се води против непознат сторител се уште е отворена. Нападот беше извршен со автомобил-бомба во 1995 година во 9:50 часот на улицата „Македонија“ пред хотелот „Бристол“ во Скопје кога Глигоров со службено возило се движеше од неговата резиденција на работното место во Собранието. Киро Глигоров почина од природна смрт на 94 годишна возраст на 1 јануари 2012 година.

Тагови: Киро Глигоров

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.