Поставени вештачки гнезда за црниот мршојадец во Националниот парк во грчката област Еврос - Канал 5

Живот

Поставени вештачки гнезда за црниот мршојадец во Националниот парк во грчката област Еврос

Поставени вештачки гнезда за црниот мршојадец во Националниот парк во грчката област Еврос, зафатен од пожарите.

Поставени вештачки гнезда за црниот мршојадец во Националниот парк во грчката област Еврос

По големиот пожар што во текот на летото ја зафати грчката област Еврос и изгоре значителен дел од Националниот парк Дадиа – Лефкими – Суфли што претставува дом на загрозениот вид на црн мршојадец, од Агенцијата за природна средина и климатски промени во изминатите денови поставија 15 вештачки гнезда за црниот мршојадец, јави дописничката на МИА од Атина.

Од Агенцијата, што е надлежна за управување со заштитени подрачја, соопштија дека во пожарот изгореа голем број зрели дрвја што резултираше со губење на вредни места за гнездење, а со оглед на тоа дека природната обнова ќе трае неколку години и со цел да се обезбедат соодветни места за црниот мршојадец за претстојниот период на размножување, била спроведена пилотската акција за поставување на 15 вештачки гнезда на места каде што претходно биле природните

Оваа техника се користи и во други земји по големи шумски пожари, но првпат се имплементира во Грција и во конкретниот Национален парк.

Станува збор за прва од низата мерки по пожарите во Еврос, а планирано е до крајот на февруари да биде завршено поставувањето на 140 вештачки гнезда за ноќните птици грабливки.

Агенцијата за природна средина и климатски промени, во соопштението посочува дека црниот мршојадец, најголемата птица грабливка во Европа, своето гнездо со дијаметар од над два метри, го гради на врвовите на зрели дрвја, а Националниот парк во Еврос е домаќин на единствената природна колонија од овој вид на Балканот, со 30-36 парови за размножување.

Периодот на размножување започнува во јануари, кога птиците почнуваат да ги градат гнездата, а завршува кон крајот на август, кога пилињата го напуштаат гнездото.

Секој пар има по едно јајце годишно, а само околу половина од пилињата успеваат да преживеат додека да дојде време да летаат и да го напуштат гнездото.

Националниот парк Дадиа-Лефкими-Суфли со борови и дабови шуми, што се наоѓа во областа Еврос во североисточниот дел на Грција е едно од најважните заштитени подрачја на национално, европско и меѓународно ниво и е една од првите области во земјата што е прогласена за заштитена бидејќи таму коегзистираат голем број видови флора и фауна.

Дом е на три од вкупно четири европски видови мршојадци и е едно од ретките засолништа за 36 различни видови загрозени грабливци.

Националниот парк беше зафатен од пожари во 2011, 2022 и 2023 година, а најголемиот беше минатото лето, кога изгоре голема површина од заштитениот регион Натура 2000.

Фото: Агенцијата за природна средина и климатски промени на Грција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Најзгодната мама повторно воодушеви во бикини

Екс манекенката Роузи Хантингтон-Вајтли ужива во одморот со својот славен сопруг, холивудскиот актер Џејсон Стетам и децата.

Фото: Најзгодната мама повторно воодушеви во бикини

Познатото семејство летниот одмор го мининува на егозтичната Малта, каде што Роузи повторно позира во провокативно бикини.

Убавата Роузи Хантингтон-Вајтли ја покажа својата извајана фигура во минијатурни бикини за време на луксузниот семеен одмор со Џејсон Стетам.

39 годишната манекенка моментално ужива на Малта со 20 години повозрасниот Џејсон и нивните две деца – деветгодишниот син Џек и четиригодишната ќерка Изабела.

Парот веќе објави фотографии од одморот, но кога станува збор за Роузи, никогаш не е доволно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во Франција пронајдени тела на пет бебиња

Француските обвинители покренаа истрага за сомнително убиство откако во станот на еден пар во градот Оранж, во југоисточна Франција, беа пронајдени посмртните останки на пет новороденчиња, соопштија локалните правосудни органи.

Во Франција пронајдени тела на пет бебиња

Остатоците од бебињата биле пронајдени во картонски кутии за време на претрес на станот во историскиот центар на градот, спроведен од 32-годишниот партнер на жената, откако тој – според обвинителството – дури во напредна фаза дознал дека таа повторно е бремена, пренесува „Франс 24“.

Жената во неделата дома родила здраво дете, по што била пренесена во болница.

По пристигнувањето во станот, нејзиниот партнер пронашол остатоци за кои се сомневал дека се човечки остатоци и ги известил болничките вработени, кои го пријавиле случајот во обвинителството. Според првите наоди на судскиот испитувач, остатоците најверојатно им припаѓаат на пет бебиња, а причината и околностите на нивната смрт ќе бидат утврдени со обдукции.

Истражителите сè уште не разговарале со мајката, соопштија од обвинителството.

Двојката има и две деца на возраст од осум и девет години.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Шпанската пејачка ја откри вистината за нејзината врска со фудбалерот

Шпанската пејачка Ана Мена одлучи да проговори по бројните гласини што ја поврзуваат со сè попопуларниот фудбалер Феран Торес.

Шпанската пејачка ја откри вистината за нејзината врска со фудбалерот

Шпанската пејачка Ана Мена категорично демантираше дека е во врска со напаѓачот на Барселона, Феран Торес – освојувач на Светското првенство во 2026 година со шпанската репрезентација – и ги нарече таквите тврдења „глупости“ и „апсурдни“, откако беа видени заедно за време на прославата на светската титула.

Пејачката веднаш реагираше на гласините што се појавија во медиумите деновиве, особено на оние што ја поврзуваат со фудбалерот на Барселона.

„Ова е бесмислица, за име на Бога. Навистина е смешно“, им изјави таа на собраните новинари, пренесува Goal.com.

Медиумите почнаа да ги поврзуваат Ана Мена и Феран Торес откако беа видени заедно на прослава на плоштадот Сибелес, организирана од Шпанската фудбалска федерација, а потоа и на приватна забава во еден од најпознатите ноќни клубови во Мадрид.

Шпекулациите дополнително се разгореа кога пејачката се појави во дрес со бројот 7, кој Торес го носи во шпанската репрезентација.

Кога ја прашале Анна зошто го носела токму тој дрес, Ана Мена кратко одговори: „Па, тоа е дресот што ми го дадоа, не знам.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер