После колку време на жените им досадуваат интимните односи во врската - Канал 5

Живот

После колку време на жените им досадуваат интимните односи во врската

Еве после колку време на жените им досадуваат интимните односи во врската, а кога интерес губат мажите

После колку време на жените им досадуваат интимните односи во врската

Интересни резултати од една студија.

Темата за интимните врски отсекогаш предизвикувала различни коментари, а тоа е случај и со едно големо британско истражување кое покажало дека жените губат интерес за водење љубов веќе по првата година од врската, додека кај мажите најкритичен е периодот од 35-тата до 44-тата година.

Во студијата, спроведена од Универзитетот Саутемптон и Колеџот Лондон, учествувале 4.839 жени и 6.669 мажи, на возраст од 16 до 74 години.

Во споредба со мажите, жените губат интерес за интимни односи, во просек, веќе по првата година од врската.

Причините се различни:

Многумина од нив признале дека изгубиле интерес за интимни односи во првата година од раѓањето на детето, како и поради имањето деца помлади од пет години. Вообичаени причини за намалување на желбата се недостатокот на емоционална поврзаност со партнерот, лошата комуникација и здравствени проблеми.

Очекувано, луѓето кои не се среќни во врската биле многу понезадоволни од својот интимен живот. Исто така, различните ставови за тоа што сакаат, а што не сакаат во интимните односи, биле една од главните причини за падот на либидото кај жените.

За некои жени, причина било арогантното однесување на нивните партнери, но и новите тетоважи или пирсинзи по телото. Меѓу другите причини биле спомнати и лошите искуства во претходните интимни односи, па дури и насилното водење љубов.

Интересен е и податокот дека за разлика од мажите, женското либидо опаѓа многу подоцна, на возраст од 55 до 64 години.

Околу 34 % од жените испитаници признале дека изгубиле интерес за водење љубов, додека истото го изјавиле 15 % од анкетираните мажи, пренесува news-medical.net.

Извор: srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Го пуштивме во употреба „Безбеден град“ – проект што спасува животи и гради побезбедна иднина

„Безбеден град“ е проект за кој долго се зборуваше, а ние го реализиравме. Денес тој претставува еден од најважните механизми за модернизација на полициското работење и заштита на животите на граѓаните.

МВР: Го пуштивме во употреба „Безбеден град“ – проект што спасува животи и гради побезбедна иднина

Резултатите веќе го потврдуваат тоа.

Во периодот од февруари до јуни оваа година, бројот на загинати лица во сообраќајни незгоди е намален за 40% – од 55 жртви во истиот период минатата година, на 34 оваа година.

Од почетокот на примената на системот се евидентирани над 130.000 сообраќајни прекршоци, а повеќе од 95% од нив се однесуваат на пречекорување на дозволената брзина. Тоа јасно покажува дека најголемата опасност на нашите патишта не се камерите – туку неодговорното возење.

Продолжуваме со неговата имплементација низ целата држава, затоа што нашата цел не е да изрекуваме повеќе казни, туку да имаме помалку сообраќајни несреќи, помалку изгубени животи и побезбедни патишта за сите.

„Безбеден град“ е технологија што спасува животи. Безбедноста нема алтернатива.

Тагови: безбеден град

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Водата во Скопје безбедна за пиење

Неделен лабораториски извештај за квалитетот и безбедноста на водата за пиење.

Водата во Скопје безбедна за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 29.06.2026 до 03.07.2026 зема 187 примероци за физичко-хемиска и 187 примероци за микробиолошка анализа на вода за пиење од 41 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Тагови: вода

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Големи пожари беснеат во јужна Европа – во Франција евакуирани 10 илјади луѓе

Шумските пожари продолжуваат да беснеат низ јужна Европа, принудувајќи илјадници жители да ги напуштат своите домови, додека високите температури и силниот ветер дополнително ја влошуваат состојбата.

Големи пожари беснеат во јужна Европа – во Франција евакуирани 10 илјади луѓе

Најкритично е во југозападниот дел на Франција, во близина на Перпињан, каде што се евакуирани повеќе од 10.000 жители. Повеќе од 700 пожарникари, со поддршка од специјализирани авиони, се борат со огнената стихија, што досега зафати околу пет илјади хектари.

Поради опасноста, француските власти донесоа одлука третата етапа од велосипедската трка тур де франс низ пиринеите да се одржи без присуство на публика. Пожари се активни и во Португалија, Шпанија и Грција. Токсичниот облак предизвикан од пожарот во Орео-Кастро кај Солун со помош на ветерот се прошири на југ кон Атика и стигна дури до Пелопонез поради променливите ветрови.

Тагови: пожари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер