Посетата на претседателот на Европскиот совет Антонио Кошта, нема да ја промени позицијата на владата - вели Мицкоски - Канал 5

Македонија

Посетата на претседателот на Европскиот совет Антонио Кошта, нема да ја промени позицијата на владата - вели Мицкоски

Посетата на претседателот на ЕС, Антонио Кошта, нема да ја промени позицијата на Владата за преговорите со ЕУ, изјави премиерот Христијан Мицкоски.

Посетата на претседателот на Европскиот совет Антонио Кошта, нема да ја промени позицијата на владата - вели Мицкоски

Посетата на претседателот на ЕС, Антонио Кошта, нема да ја промени позицијата на Владата за преговорите со ЕУ, изјави премиерот Христијан Мицкоски, прашан за очекувањата од денешната средба и дали на маса ќе има некакви предлози за решение од македонска страна за доближување на позициите. Мицкоски вели подготвени се за разговори, но не и за политичка авантура без гаранции дека во иднина ќе нема нови блокади од бугарска страна. Ако сите европски политичари се едногласни дека нема да има повеќе условувања, тогаш најмалку што може Македонија да добие, се нови заклучоци со кои ќе се потврди поддршката и довербата, вели премиерот.

-Нефер и несериозно е да се очекува дека ние сега наеднаш ќе дојде висок европски политичар и ние ќе ја промениме позицијата и готово, сме ја завршиле работата. Тоа нема. Треба сите да знаат дека без ВМРО-ДПМНЕ оваа работа не бива. Ние може да имаме политички аналфабети коишто на дневна основа артикулираат тема колку да ја држат темата, бидејќи така им рекле, бидејќи на тој начин мислат дека ќе добијат нешто. Имаме за жал такви политички аналфабети во опозицијата, национално исплакнати луѓе којштоединствено нешто што сакаат да го направат е некој денар плус, но ние таква политика не водиме и немаме намера да водиме, изјави премиерот.

За Мицкоски јасно е дека пред нив се уставните измени, францускиот предлог и протоколите, што претходната Владата ги прифатила, но од друга страна според него бугарската Влада пред себе ги има 14-те пресуди од Судот за човекови права во Стразбур, што треба да ги испорача.

Клучно според него во вакви околности е да почнат разговори и да се врати довербата..

-Нашиот став е јасен, само дајте ни еден ден однапред информации и ние ќе стигнеме таму кадешто вие ќе кажете и ќе разговараме со кого вие ќе кажете. Но ние не знаеме со кого да разговараме. Затоа што од една страна официјална Софија вели ова е проблем меѓу Македонија и ЕУ, во ред, ние одиме во Брисел да разговараме и тие велат, чекај, како разговарате без нас. Па ајде ние велиме да разговараме со Софија и тие повторно истото го повторуваат како расипана плоча, изјави Мицкоски.

Паралелно, Македонија посветено работи на реформската агенда, вели шефот на Владата, според кого земјава е предводник во нејзината реализација. Тој вчера најави дека во четврток повторно ќе има координација со Герт Јан Копман од генералниот директорат за проширување на ЕК и очекува земајва да исполни околу 90% од обврските до крајот на јуни.

YouTube video

Тагови: Антонио Кошта Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бекамови го вклучуваат Бруклин во објавата за Денот на татковците и покрај наводната караница

Бруклин Бекам можеби не е во најдобри односи со своето семејство, но неговите родители сè уште мислат на него.

Бекамови го вклучуваат Бруклин во објавата за Денот на татковците и покрај наводната караница

Дејвид и Викторија Бекам вклучија фотографии од нивниот најстар син, 27, во нивните објави на Инстаграм за Денот на татковците.

Семејни честитки на Инстаграм

„Да бидам татко е мојата најважна работа... Ве сакам сите и ви благодарам, мама @victoriabeckham, што ни го подари нашето прекрасно семејство. Среќен Ден на татковците на сите татковци низ целиот свет“, напиша Дејвид на Инстаграм.

Викторија, исто така, објави почит на својот профил. „Дејвид, ти навистина си најдобриот татко. Нашите прекрасни деца отсекогаш биле твое најголемо достигнување и многу те сакаме. Среќен Ден на татковците“, рече таа. Таа вклучи фотографија од Дејвид како позира на плажа со сите нивни четири деца, вклучувајќи ги Ромео, 23, Круз, 21 и Харпер, 14.

Раздор во позадина

Објавите доаѓаат неколку дена откако Бруклин навидум ги прозва своите родители во реклама на „ DoorDash“ снимена пред Светското првенство. Во рекламата, Бруклин седи на каучот во својот дом додека во позадина се слуша фудбалски натпревар.

„Веројатно се прашувате зошто го гледам Светското првенство во 2026 година од дома“, вели Бруклин со насмевка. „Долга приказна е.“ Потоа станува и фрла неколку билети за турнирот на масичката за кафе. Рекламата завршува со натписот: „Комплицирано е. Наскоро повеќе.“

Бруклин, најстариот син на поранешниот фудбалер Дејвид Бекам и модната дизајнерка Викторија Бекам, во јануари објави долга изјава за неговите семејни проблеми и зошто не сака да го поправи својот нарушен однос со своите родители, браќа и сестра.

Извор: Индекс.хр

Тагови: Бекамови караница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Чешка ќе ги забрани мобилните телефони во училиштата

Забраната ќе се однесува на употребата на телефони во училниците, како и за време на паузите, со одредени исклучоци, како што се здравствени причини или образовни цели.

Чешка ќе ги забрани мобилните телефони во училиштата

Чешката влада поднесе закон за забрана на мобилните телефони во училиштата од септември 2027 година, потврди премиерот Андреј Бабиш, приклучувајќи се кон растечкиот глобален притисок за ограничување на времето што децата на училишна возраст го поминуваат пред екраните.

Забраната ќе се однесува на употребата на телефони во училниците, како и за време на паузите, со одредени исклучоци, како што се здравствени причини или образовни цели.

„Училиштата нема да можат да им дозволат на учениците да земат пауза со своите телефони од други причини“, се наведува во нацрт-законот.

Овој потег следи по мерките на други влади насочени кон ограничување на употребата на социјалните медиуми или мобилните телефони кај децата. Полска овој месец го следеше примерот на земји како Холандија, Јужна Кореја и Италија со забрана на паметните телефони во училиштата поради загриженост за нивното влијание врз концентрацијата и однесувањето на учениците.

На социјалните медиуми, Австралија беше првата што воведе забрана за пристап на деца, а Велика Британија овој месец објави забрана за лица под 16 години. Бабиш нагласи дека владата размислува и за забрана на социјалните медиуми за деца, по примерот на Франција и други земји кои зазедоа построги ставови поради перципираните негативни ефекти врз децата.

Извор: Индекс.хр

Тагови: Чешка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: „Ќе се согласат на сè...“

Американскиот претседател Доналд Трамп вели дека Иран ќе прифати строги инспекции додека САД и Иран водат разговори за нуклеарниот договор во Швајцарија, при што официјалните лица на двете земји даваат спротивставени изјави.

Трамп: „Ќе се согласат на сè...“

Американскиот претседател Доналд Трамп вели дека Иран ќе се согласи на обемни инспекции за оружје. Трамп ги даде забелешките во неодамнешна објава на неговиот профил на социјалните мрежи „Truth Social“.

Преговарачите од САД и Иран моментално се во Швајцарија каде преговараат за конечен мировен договор што треба да го реши проблемот со нуклеарната програма на Иран. Иранскиот режим вели дека сака да користи нуклеарна енергија само за цивилни цели, но задржува залихи од високо збогатен ураниум.

Меѓународната агенција за атомска енергија (МААЕ) постојано го повикува Иран да ја открие локацијата на своите залихи од збогатен ураниум откако САД и Израел го нападнаа Иран минатото лето.

Потпретседателот на САД, Џ.Д. Венс, денес изјави дека иранските претставници се согласиле да им дозволат на инспекторите на МААЕ да влезат во Иран.

Сепак, Министерството за надворешни работи на Иран негираше дека Техеран прифатил какви било нови обврски во врска со неговата нуклеарна програма за време на разговорите со САД овој викенд во Швајцарија.

Извор: Б92

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер