Посетата на папата на Белгија во сенка на скандалот со сексуална злоупотреба - Канал 5

Живот

Посетата на папата на Белгија во сенка на скандалот со сексуална злоупотреба

Посетата на папата на Белгија во сенка на скандалот со сексуална злоупотреба од страна на католички свештеници .

Посетата на папата на Белгија во сенка на скандалот со сексуална злоупотреба

Улогата на Европа на глобално ниво во услови на разгорување на конфликтите во разни делови на светот, се очекува да биде главна тема на тридневната посета на папата Франциск на Белгија, која официјално почнува денеска.

Папата синоќа допатува во Белгија од Луксембург, каде престојуваше во еднодневна посета, при што го осуди, како што рече, „повторното појавување на раздорот и непријателствата, дури и на европскиот континент“, кои резултираат со „отворени непријателства, што водат кон уништување и смрт“. Тој апелираше и за „чесни преговори за надминување на разликите“, што би довеле до „почесни компромиси“ врз основа на кои би „можеле да се изградат безбедност и мир за сите“.

Покрај средби со високи белгиски политички и општествени претставници, папата в недела ќе одржи миса на стадионот „Крал Бодуен“ (поранешен „Хејсел“) во Брисел, за која билетите беа распродадени за само неколку часа.

Но, посетата одново ја актуализираше темата за сексуалната злоупотреба на малолетници од страна на католички свештеници во Белгија во минатото.

Оваа тема предизвика голем скандал во Католичката црква во Белгија по минатогодишното прикажување на документарниот филм „Заборавив на Бога“ за трауматските искуства на лицата кои биле жртви на злоупотреба од страна на свештеници.

Свесен за негативното влијание на овој скандал врз Црквата, папата за време на посетата на Белгија ќе се сретне и со 15-мина од жртвите на сексуалната злоупотреба на страна на свештениците.

За овој скандал беа поведени парламентарни истраги, па се појавија обвинување дека Католичката црква во Белгија ја користи посетата на папата за да го оттргне вниманието на јавноста од истрагата.

За денеска е најавена средба на папата Франциск со лидерите на водечките белгиски партии во градот Лувен, но првите луѓе на партиите Христијански демократи и Фламанци (ЦДВ), Прогрес (Вуројт), Отворени Фламански либерали и демократи (ВЛД) и Зелени уште вчера соопштија дека нема да присуствуваат на средбата.

Лидерот на ЦДВ, Семи Махди изјави дека е крајно разочаран од начинот како Ватикан се справува со проблемот со сексуална злоупотреба од страна на црквени претставници.

- Затоа претпочитам да не ја прифатам поканата за средба со папата, рече Махди.

Лидерот на социјалдемократската партија Вуројт, Конер Русо, образложувајќи ја својата одлука да не присуствува на средбата, порача дека Црквата мора да спречи каква било форма на злоупотреба од страна на нејзини претставници, со што би се избегнале идни жртви.

Копродуцентката на „Заборавив на Бога“, Ибе Даниелс вели дека жртвите на злоупотребите од страна на свештениците „се особено повредени од посетата на папата“.

- Многу се нервозни, повторно се вознемирени, повторно лути. Минуваат низ тежок период, рече Даниелс.

Според неа, средбата на папата со дел од жртвите е „чисто симболична“ и нема да помогне да почувствуваат дека нивниот глас е слушнат.

- Подобро ќе беше папата да ги покани сите жртви на стадионот и да одржи говор пред нив, додаде таа.

Првиот човек на Конференцијата на белгиските бискупи, мехеленско-бриселскиот надбискуп Лук Терлинден признава дека Црквата требало да направи повеќе за жртвите.

- Да, во минатото постоеше политика на тајност и молк во Католичката црква, што ја направи секоја од овие трагедии уште потешка, рече надбискупот Терлинден, додавајќи дека средбата на папата со жртвите на сексуална злоупотреба од страна на свештеници претставува „важен симболичен потег“.

Документарецот „Заборавив на Бога“, кој се емитуваше во септември минатата година, беше снимен врз основа на книга на белгиски свештеник во која се пренесени сведоштва на сто лица, кои биле сексуално злоупотребувани од свештеници во детството.

Филмот предизвика жестоки реакции во јавноста, што резултираше со формирање анкетни комисии во белгискиот Федерален парламент и во регионалниот фламански Парламент со задача да го истражат целиот случај.

Комисијата на фламанскиот Парламент во мај годинава објави конечен извештај од истрагата со над 100 препораки за справување со злоупотребата на децата и со сексуалното насилство во Црквата и во општество во целина.

Како одговор на препораките, Католичката црква во Белгија во јуни најави спроведување на анкета, со цел „да ги слушне жртвите на злоупотреба од страна на свештениците“ и да добие сознанија за случувањата од „најширока можна група на жртви“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Почина најмладиот крал на светот

Кралот на кралството Туро во Уганда, Ојо Њимба Кабамба Игуру Рукиди IV, почина на 34-годишна возраст. 

Почина најмладиот крал на светот

Тој беше запишан во Гинисовата книга на рекорди како најмлад владејачки монарх во светот, а на престолот седна во 1995 година кога имаше само три години, по смртта на неговиот татко. Веста за смртта ја потврди премиерот на кралството, пишува Би-Би-Си.

Кралството Туро не ја објави причината за смртта, но локалните медиуми објавија изјава на угандански министер дека кралот бил сериозно болен и се лекувал во САД. Иако Уганда е управувана од избран претседател и парламент, земјата има неколку традиционални кралства кои имаат големо културно влијание, но немаат вистинска политичка моќ. Ојо владеел со кралство со повеќе од два милиони жители и бил 13-ти монарх од таа династија, основана на почетокот на 19 век.

Откако станал крал во 1995 година, била воспоставена регентска власт во која, меѓу другите, била вклучена и Кралицата Мајка. Владееше со кралството сè додека Ојо не стана полнолетен, а официјалното крунисување се одржа кога наполни 18 години.

Синот ќе ја наследи круната

Младиот крал уживаше голема почит од народот. Според „Дејли монитор“, тој се залагаше за јакнење на младите, образование и заштита на животната средина и работеше на подигање на свеста за ХИВ и СИДА. Премиерот на Кралството Туро, Калвин Армстронг, Рвомире Акиики, ја објави смртта, која ја опиша како „неизмерна загуба“ за кралското семејство и народот.

„Ги повикувам сите луѓе на Туро да останат обединети, смирени и во молитва во овие исклучително тешки времиња“, рече денес Акиики. „Нека Неговото Височество почива во вечен мир“, додаде тој. Иако кралот Ојо не беше официјално оженет, премиерот потврди дека „континуитетот на круната е обезбеден“.

„Неговото Височество остава зад себе крунски принц. Неговиот идентитет ќе биде официјално објавен во согласност со традициите и обичаите на Кралството Туро“, објасни тој. Најголемата и највлијателна традиционална институција во земјата, кралството Буганда, изрази сочувство до народот на Туора и го опиша кралот како драгоцена личност за цела Уганда.

„Не можете да видите никој да се смее“

Кралството Рвензуруру, исто така, изрази сочувство „до сите кои тагуваат по оваа голема загуба“, објавија локалните медиуми. Фудбалската асоцијација на Уганда се збогува со кралот Ојо како „вистински пријател на фудбалот“. Тие објавија дека ќе се одржи минута молчење пред почетокот на сите натпревари до 4 септември во спомен на неговото „наследство, љубов, страст и придонес“ во спортот.

Министерката Маргарет Муханга ја опиша атмосферата во кралството како исклучително тажна. „Не можете да видите никој да се смее“, рече таа. Во видео објавено на социјалните мрежи, таа додаде дека кралот е „во својот најубав период“ и дека, и покрај неговата младост, оставил силен белег на своето кралство.

Муханга објави дека ќе засади еден милион дрвја во негова чест за време на периодот на жалост и ќе ги покани соседните области да го сторат истото. Угандијката музичарка Јулијана Кањомози напиша на Инстаграм дека ова е „многу мрачен ден за Туро“. „Замина прерано. Каква загуба!“, рече таа. Поп-ѕвездата и политичар Боби Вајн, исто така, му оддаде почит, посакувајќи му на кралот „душата да почива во вечен мир“.

Тагови: крал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ангелов: Подметнат пожар во ресенско се заканува да се прошири на Пелистер (ВИДЕО)

Пожар засилен со силен ветер му се заканува на НП Пелистер од страната на Преспа.

Ангелов: Подметнат пожар во ресенско се заканува да се прошири на Пелистер (ВИДЕО)

Пожарот започнал од страната на Долна Бела Црква со опожарена смрека, нискостеблеста шума и даб, во правец кон патот за Претор, и за многу брзо време заради силниот ветер што го зафатил овој крај пожарот да напредува кон Националниот парк Пелистер.

Според директорот на НП Пелистер Иванчо Тошевски -„Некаде пред 15 часот во близина на границите на Националниот парк Пелистер од преспанска страна избувнат е пожар. Во моментов пожарот е навлезен и во Националниот парк помеѓу подножјето на врв Вртушка и врв Малачука. Екипи на НП Пелистер во соработка со екипи на ТППЕ Ресен и Битола делуваат на терен со цел на локализирање на пожарото. Механизација од јавни претпријатија од Битола веќе е упатена кон пожарот со цел да даде поддршка“, изјави Тошевски.

Директорот на ДЗС, Стојанче Ангелов изјави дека на терен делуваат Ер тракторите со цел да се спречи ширење на пожарот. Ангелов вели дека овој пожар е подметнат.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Извлекуваат мртва жена од калта во Непал- тоа што потоа направија го згрози целиот свет (ВИДЕО)

Видеото на кое се гледа како двајца мажи вадат накит од мртва жена предизвика бес во Непал по катастрофалните поплави што ја погодија земјата.

Извлекуваат мртва жена од калта во Непал- тоа што потоа направија го згрози целиот свет (ВИДЕО)

Властите ги уапсија 25-годишниот Мадан Гурунг и 38-годишниот Умеш Чаудари откако видео на кое наводно се гледа како го прават тоа стана вирално на социјалните мрежи. Инцидентот се случил откако смртоносните поплави во Непал оставија стотици мртви и предизвикаа голема штета.

Тело извлечено на брегот, па ѝ ги украле обетките

Една жена беше однесена од надојдената вода, а нејзиното тело заврши во реката Нарајани. Видео кое стана вирално прикажува двајца мажи кои користат гранки за да го извлечат телото на брегот.

Потоа се гледа како еден од нив наводно ги вади златните обетки што ги носела мртвата жена.

Видеата предизвикаа бес на социјалните мрежи, а полицијата започна истрага.

Уапсен на автобуска станица

По анализата на видеото, полицијата ги идентификуваше двајцата мажи како 25-годишниот Мадан Гурунг и 38-годишниот Умеш Чаудари.

Осомничените беа пронајдени и уапсени во четврток во областа на автобускиот парк Покхара во Бхаратпур.

Тие беа префрлени во полициската станица Читван, каде што истрагата продолжува.

Сè уште не е јасно дали против нив се поднесени формални обвиненија.

„Ограбување на жртви нема да се толерира“

Шефот на полицијата во Читван, Рамешвар Паудел, изјави дека кражбите на сметка на жртвите од катастрофата нема да се толерираат. Според него, полициските сили се мобилизирани за веднаш да ги истражат ваквите пријави и да ги изведат сите вклучени пред лицето на правдата.

Во исто време, властите ги повикаа граѓаните веднаш да ја известат полицијата доколку забележат грабеж, кражба или какво било друго незаконско однесување кон жртвите од поплавите.

Во меѓувреме, операциите за пребарување и спасување продолжуваат во областите погодени од огромните количини вода, кал и остатоци што ги опустошија населбите на Хималаите.

Според најновите податоци, најмалку 616 лица загинаа во Непал, додека околу 2.500 лица сè уште се водат како исчезнати, вклучувајќи и еден српски државјанин.

Катастрофата е поврзана со уривањето на огромна маса глечери во граничната област Непал-Тибет, што предизвика огромен бран вода, кал, камења и остатоци.

По првата катастрофа, друга опасност предизвика голема загриженост кај властите. Карпите, калта и остатоците формираа природна брана на река во областа, што создаде ново езеро.

Првично, се стравуваше дека акумулацијата на огромни количини вода може да предизвика уште еден катастрофален поплавен бран.

Езерото на крајот почна да се прелева, поради што некои спасувачки операции беа привремено прекинати. Сепак, најновите проценки покажуваат дека ризикот од втор поплавен бран со слична јачина како и првичната катастрофа сега е значително помал.

Потрагата по исчезнатите продолжува во исклучително тешки услови, бидејќи патишта, мостови и цели населби се уништени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер