Посебен режим на сообраќај во Куманово поради велосипедска трка, изменет и јавен превоз - Канал 5

Македонија

Посебен режим на сообраќај во Куманово поради велосипедска трка, изменет и јавен превоз

Општина Куманово денеска ги информираше граѓаните на Куманово дека поради одржување на велосипедска трка, која се одржува во рамки на Европскиот олимписки младински фестивал – Скопје 2025, во четврток (24 јули) ќе биде воведен привремен режим.

Посебен режим на сообраќај во Куманово поради велосипедска трка, изменет и јавен превоз

Општина Куманово денеска ги информираше граѓаните на Куманово дека поради одржување на велосипедска трка, која се одржува во рамки на Европскиот олимписки младински фестивал – Скопје 2025, во четврток (24 јули) ќе биде воведен привремен режим на сообраќај на повеќе улици и патишта во градот и околината. Според најавата од Секторот за култура, спорт, социјална заштита, заштита на децата и здравствена заштита при Општина Куманово, сообраќајот ќе биде ограничен во период од 05:00 до 16:00 часот, согласно потребите за подготовка, одржување и завршување на спортскиот настан.

Од општината информираат дека јавниот линиски превоз ќе функционира со отежнување, при што ќе бидат запазени само дел од линиите од периферните населби до најблиската достапна точка во центарот и обратно. За дополнителни информации, граѓаните може да се обратат во диспечерскиот центар на телефонскиот број 031 444 – 003.

- Општина Куманово упатува апел до граѓаните за разбирање, трпение и почитување на времената регулација, со цел непречено и безбедно одвивање на меѓународниот спортски настан, повикаа од општината

Целосно или делумно ќе бидат затворени „Гоце Делчев“ – на потегот од крстосницата со улиците „Доне Божинов“ и „11 Октомври“ до кружниот тек на булевар „Трета МУБ“ и улицата. „Бајрам Шабани“. Овој дел ќе биде затворен за сообраќај во текот на целиот настан. Булеварот „Трета МУБ“, од кружниот тек до крстосницата со регионалниот пат R1204, кај црквата „Св. Мина“, ќе биде затворен само за време на минување на велосипедистите. Регионалниот пат R1204 – на потегот од крстосницата кај „Св. Мина“ до крстосницата со регионалниот пат А2 кај „Алфи“, ќе биде затворен за сообраќај, со можност за премин преку патот, освен при директно минување на натпреварувачите. Регионалниот пат А2, од крстосницата кај „Алфи“ во насока кон Општина Старо Нагоричане – ќе биде целосно затворен за сообраќај додека трае трката. Стартот на трката е закажан за 10:00 часот, а завршувањето се очекува околу 13:30 часот. По трката, ќе следува свечена церемонија за доделување на наградите на градскиот плоштад во Куманово.

Тагови: Куманово

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Видео: Гори амбасадата на Пакистан во Белград

Последниот кат од зградата е зафатен, пожарникарите се на пат!

Видео: Гори амбасадата на Пакистан во Белград

Пожар избувнал во зградата на амбасадата на Пакистан во Белград, дознава српски Курир.

Како што може да се види од видеа објавени на социјалните мрежи, густ црн чад го покрил просторот.

Во моментов нема официјални информации дали има повредени лица во инцидентот, ниту за евентуална материјална штета.

Тагови: Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Мицотакис во Софија на средба со Радев

Грчкиот премиер Кирјакос Мицотакис е во официјална посета на Софија.

Мицотакис во Софија на средба со Радев

Билатералните односи, како и теми од заемен интерес и од европската агенда, се очекува да бидат во фокусот на разговорите на Радев и Мицотакис во Софија, според официјалното соопштение од бугарската влада.

Посетата на Мицотакис на Софија е на покана на Радев, планирана е тет-а-тет средба на двајцата премиери, а потоа и состанок на делегациите на двете земји.

Како што информираа од кабинетот на грчкиот премиер, Мицотакис по средбата и заедничката прес-конференција, од Софија ќе замине за Тиват каде што ќе присуствува на вечера организирана од претседателот на Црна Гора Јаков Милатовиќ за лидерите од ЕУ и земјите од Западен Балкан по повод националниот празник на земјата, а во пресрет на самитот ЕУ-Западен Балкан што ќе се одржи утре.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски: Градежништвото расте со 7,2%, а градбата на патиштата и железницата со 20 % во првото тромесечје на 2026

Градежништвото останува еден од најсилните двигатели на домашната економија, што јасно го потврдуваат најновите податоци на Државниот завод за статистика за првиот квартал од 2026 година.

Николоски: Градежништвото расте со 7,2%, а градбата на патиштата и железницата со 20 % во првото тромесечје на 2026

Според државната статистика, градежниот сектор во првото тромесечје од оваа година бележи раст од 7,2 проценти во споредба со истиот период минатата година.

Овие бројки претставуваат силен показател за континуираната градежна активност низ целата држава, како и за успешната реализација на капиталните инвестиции кои се од клучно значење за економскиот развој.

Особено охрабрувачки е фактот што во сегментот на нискоградбата е регистриран двоцифрен раст од над 20 индексни поени. Овој сегмент ги опфаќа инвестициите во изградба на автопати, експресни патишта, регионални и локални патишта, како и железницата, кои Владата преку Министерството за транспорт ги реализира со високо ниво на посветеност и одговорност.

Растот во нискоградбата е директен резултат на засилените активности на терен и силната динамика со која се реализираат капиталните проекти.

Автопатиштата на Коридор 8 и 10 д, се градат со силна динамика, а паралелно со тоа се инвестира и во железничката инфраструктура, што претставуваат клучен сегмент за долгорочниот економски развој, регионалното поврзување и зголемувањето на конкурентноста на економијата.

Дополнително, Државниот завод за статистика објави дека стапката на раст на бруто-домашниот производ (БДП) во првото тримесечје од 2026 година изнесува 3,1 процент.

Овој резултат претставува јасен показател дека економијата расте, дека инвестициите даваат резултати и дека развојните политики на Владата создаваат реални ефекти во стопанството.

Резултатите што ги објави ДЗС, се потврда дека државата се движи во вистинска насока, градежништвото останува мотор на економскиот развој, а инфраструктурните проекти силно го поддржуваат растот, развојот и креираат подобра иднината на државата.

Тагови: Александар Николоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер