Автомобилизам

Порше за секој ден: Американец поминал милион километри со својот 911 Турбо (ФОТО)

Porsche 911 Turbo за него е секојдневен автомобил и со него направил респектабилна километража.

Том Талман ги живее соништата на многумина, барем кога станува збор за возење автомобил. Тој со години го користи Porsche 911 Turbo за секојдневно возење и во него има поминато над милион километри. Поточно, неговиот 911 има поминато 1.087.916 km, а моторот до денес бил само еднаш на канал.

Тоа се случило на 615.000 km кога моторот бил отстранет за да се поправат малите истекувања на масло и да се заменат турбините. Кога веќе бил надвор, решиле да го отворат моторот и да направат превентивен преглед. Освен двете лежишта, сѐ беше во совршена состојба, потврди за Apex Motorsport пријателот на Талман, Ерик Каул.

„Овие мотори се добро направени и добро конструирани. Секој вентил ги исполнуваше фабричките спецификации, не можев да верувам“, рече тој.

Талман живее во североисточниот дел на Соединетите држави, каде што времето не е добро за автомобилите. Сепак, не му паѓа на памет да го смени болидот, што е разбирливо со оглед на неговото претходно искуство. На крајот на краиштата, Porsche и неговиот модел 911 редовно се на врвот на рангирањето на најсигурните автомобили на пазарот, а тој е речиси единствениот европски модел што може да им парира на јапонските и корејските модели во однос на доверливоста.

Живот

Бројот на Австријци кои живеат во сиромаштија се зголеми за повеќе од 50 проценти

 Бројот на Австријците во апсолутна сиромаштија е зголемен за повеќе од 50 отсто, од 201.000 во 2022 година на 336.000 минатата година, соопшти Заводот за статистика на земјата.

Според бројките презентирани од Статистика Австрија, погодените луѓе не можеле да си дозволат многу секојдневни работи како кирија, греење или храна.

Децата и младите се релативно почесто погодени од сиромаштија отколку возрасните.

Во опасност од сиромаштија се 41 отсто од самохраните родители и 31 отсто од семејствата со најмалку три деца.

Според податоците, процентот на жители во ризик од сиромаштија би изнесувал дури 42 отсто без државна социјална помош.

Свет

Универзитетот Колумбија го одложи рокот што им го даде на демонстрантите против војната во Газа

Американскиот универзитет Колумбија го одложи рокот, кој истекува на полноќ, што им го даде на пропалестинските студенти да го расчистат кампусот, каде што протестираат против војната во Газа.

- Преговорите напредуваа и продолжуваат според планираното, соопшти кабинетот на претседателот на Универзитетот во Њујорк Минуш Шафик, негирајќи дека била побарана полициска интервенција.

- Не нарекуваат терористи, нè нарекуваат насилници. Но единствената алатка што ја имаме е нашиот глас, рече еден од студентите на собирот.

Пропалестинските студентски демонстрации во САД, кои се проширија на неколку универзитети, почнаа на Универзитетот Колумбија во Њујорк.

Некои од најпрестижните универзитети во светот, како Харвард, Јеил и Принстон, се приклучија на студентското движење и демонстрации.

Свет

Блинкен за неколку дена во Израел, седми пат од почетокот на војната

 Американскиот државен секретар Ентони Блинкен во вторник ќе го посети Израел, седми пат по терористичкиот напад на Хамас на 7 октомври врз јужен Израел и војната што следеше како одговор на Израел во Појасот Газа.

Јавниот сервис Кан денеска јави дека Блинкен ќе дојде во Израел за да разговара за најавената операција на израелската армија во Рафа, како и за напорите да се обезбеди пауза во борбите и да се ослободат повеќе од 100 заложници кои ги држи Хамас.

Блинкен моментално е во посета на Кина.

притисни ентер