Живот

Порнографијата ги поттикнува младите жени на естетска хирургија на половиот орган

Британските гинеколози предупредуваат дека се повеќе девојки и млади жени под влијание на порнографијата се решаваат за естетски операции на половиот орган.

Бројот на операции за намалување на усните на вагината или лабиопластика направени во државните клиники во последните десет години е зголемен за пет пати, објавува Кралскиот колеџ за опстетриција и гинекологија во Лондон.

Во 2010 година биле изведени 2000 илјади вакви операции, наведуваат од Колеџот врз основа на статистичките податоци.

„Сепак, ова сигурно е незначителна бројка во однос на операциите изведени во приватниот сектор каде што клиниките не се задолжени да водат ваква статистика“, вели Сара Креигтон, членка на етичкиот одбор на Колеџот.

Во споменатиот период не е воочена патологија којашто би можела да го оправда растот за вакви хируршки интервенции, додава Креигтон на пресконференција во Лондон.

Филозофот Томас Балдвин, исто така член на Етичкиот одбор, објаснува дека зголемувањето на бројот на овие интервенции е последица од „лажен концепт“ за женскиот полов орган кој се шири преку порнографијата.

Експертите посебно ги загрижува растот на овие барања кај адолесцентите, велат дека тие не располагаат со податоци за долгорочните последици од ваквите зафати врз нивниот сексуален живот.

Затоа од одборот препорачуваат операциите за естетска хирургија на половите органи да не се изведуваат кај девојки помлади од 18 години бидејќи колку порано девојката ќе подлегне на лабиопластика, толку е поголем ризикот од повреди и губење на сензитивноста.

Новите мерки би требало да ги уверат девојките и жените дека се нормални, наведува Одборот и ги предупредува хирурзите дека мора добро да ја оправдаат операцијата бидејќи тоа ќе се смета како генитално осакатување, што е кривично дело.


Регион

Грција воведува шестдневна работна недела

Во јули во Грција ќе се воведе шестдневна работна недела.

Во јули во Грција ќе се воведе шестдневна работна недела, а обврската ќе важи за државните служби, комуналните претпријатија, банките, фирмите, организациите и земјоделските стопанства кои досега практикуваа петдневна работна недела, пишува inNewspaper.

Според законот, работниот ден дополнително работно време не може да трае подолго од осум часа, а не е дозволена прекувремена работа. Оваа одредба, која стапува во сила од 1 јули, не мора да ја следат работодавачите на фирми кои по својата природа не се континуирани, односно до сега не работеле пет дена во неделата. Има и други исклучоци.

Во однос на ограничувањата, вработен во шестиот работен ден не смее да работи повеќе од 8 часа и не е дозволена прекувремена работа. Во случај фирмите да имаат петдневни ноќни смени (00:00-06:00 часот), тогаш шестиот ден може да не работат во ноќна смена.

Свет

Американците се згрозени од снимката на наставник како претепува ученик,додека другите гледаат

Наставник (27) претепал ученик кој наводно го навредувал на расистичка основа, а инцидентот се случил пред очите на другите ученици во училиштето Валеи во Лас Вегас.

Во вознемирувачкото видео е снимено како наставникот му удира шлаканици на ученикот, па го фрла на земја и го клоца пред насобраните средношколци.

Според првичните информации, ученикот го нарекол наставникот „црнец“, што резултирало тој да се налути и да се соочи со младиот човек.

Откако видеата беа објавени во јавноста, полицијата ги уапси наставникот и ученикот, а локалните власти известија дека на 27-годишниот маж отсега ќе му биде забрането да предава во областа.

По нападот ученикот бил примен во болница каде се уште е таму поради повредите со кои се здобил во нападот.

Наставникот, меѓу другото, е обвинет и за нанесување тешка повреда и бил пуштен со кауција од 9.000 долари, а судењето е закажано за подоцна.

Шоу биз

Во музејот на Битлси во Ливерпул е изложен познатиот јапонски сервис за чај на Џорџ Харисон

Јапонскиот сервис за чај, купен од англискиот гитарист, пејач и поранешен член на Битлси Џорџ Харисон во 1966 година за време на турнејата на Битлси низ Јапонија, е изложена во музејот на Битлси во Ливерпул.

Сервисот, еден од трите купени од Харисон во Јапонија, му го подарил менаџерот на турнејата Нил Аспинал на неговиот син Роаг Бест, кој сега го води музејот на Битлси.

Како што изјави, на тридневната турнеја, Битлси свиреле за повеќе од 10.000 луѓе по концерт.

„Битлеманијата навистина ја погоди Јапонија. Тие не можеа да ја напуштат хотелската соба“, рече Бест, кој е син на Аспинал и Мона Бест и полубрат на Пит Бест, оригиналниот тапанар на Битлси.

Тој изјавил дека неговиот татко, маскиран, го придружувал Џон Ленон, додека еднаш излегувале од хотел во Токио, еднаш излегол и Пол Макартни со маска, но Ринго Стар и Харисон останале заклучени во собите.

„Тие сакаа да купуваат работи на турнеја, но бидејќи не можеа да излезат, луѓето ги носеа своите производи во нивните соби. Џорџ купи три многу украсени јапонски чајни комплети кои потоа ги испрати назад во Англија. Чуваше еден, татко ми дозволи тој да избира од преостанатите два, а третиот и го дал на мајка си“, рекол Бест, пренесува Би-Би-Си.

Сервисот е префрлен во Ливерпул, во куќата на Мона Бест, сопственик на клубот „Касба“.

Бест изјавил дека на сетот недостасуваат три чаши кои ги скршил кога имал 15 години.

Тој додаде дека се надева дека сервисот за чај ќе биде од особен интерес за фановите на Битлси од Јапонија кои го посетуваат музејот во Ливерпул.

„Фан клубот на Битлси е еден од најголемите по членство и има околу 40.000 фанови. Мислам дека ова ќе им се допадне“, рече Бест.

притисни ентер