Порно сајтови во хаос: Порнхаб изгуби милион посетители дневно поради една шокантна одлука! - Канал 5

Живот

Порно сајтови во хаос: Порнхаб изгуби милион посетители дневно поради една шокантна одлука!

Најголемиот порнографски сајт во Велика Британија изгубил по еден милион посетители секој ден во последните две недели – и сето тоа поради една конкретна причина.

Порно сајтови во хаос: Порнхаб изгуби милион посетители дневно поради една шокантна одлука!

„Pornhub“, кој долго време се сметаше за број еден веб-страница за сексуална содржина на интернет, моментално е нешто помалку популарен отколку што беше порано.

Експертите за податоци од „Similarweb“ ги анализирале бројките од последните две недели и откриле дека дневната посетеност на „Pornhub“ паднала за огромни 47 проценти меѓу 24 јули и 8 август.

Просечниот број дневни посети на „Pornhub“ паднал од 3,2 милиони во јули на 2 милиони во првата недела од август. Во истиот период, сообраќајот кон „OnlyFans“ паднал за 10 проценти, додека страницата за возрасни „XVideos“ изгубила 47 проценти од своите дневни посетители.

Доколку во последните две недели не сте се обиделе да пристапите на страница за возрасни – браво за вас – затоа што порнографијата всушност прави голема штета на менталното здравје на луѓето, а често и на нивниот сексуален живот.

Но, можеби не сте виделе дека има нови закони според кои посетителите од Велика Британија мора да потврдат дека имаат над 18 години, со прикачување на фотографија и лични податоци на веб-страницата – што, нормално, ги одвраќа многу луѓе.

Ова се должи на новиот Закон за онлајн безбедност на Обединетото Кралство, кој бара страниците со содржини за возрасни да воведат пообемни проверки за да спречат пристап на малолетници.

Иако новите закони беа донесени за да се заштитат децата од експлицитна содржина, тие имаат дополнителен ефект – спречуваат и голем број возрасни да пристапат, иако многумина сепак наоѓаат начин да стигнат до истата содржина што ја гледале пред неколку недели.

Како „Pornhub“ ја потврдува возраста на корисниците и зошто има негодување?

Многу возрасни се загрижени дека нивните лични податоци може да бидат компромитирани. Кај страниците за возрасни, тоа би било катастрофално – со можност за протекување на многу интимни информации, па дури и за откривање на сексуалната ориентација.

Pornhub нуди повеќе начини за потврдување на возраста: преку кредитна картичка, преку „е-пошта со дигитална проценка на возраста“, преку мобилен оператор, преку „отворено банкарство“ и преку дигитални лични документи зачувани во „Google Wallet“.

„Pornhub“ тврди дека „сите активности за верификација се спроведуваат независно од доверливи трети страни, кои враќаат само бинарен исход – поминал или не – и дека податоците за идентитет или возраст никогаш не се споделуваат или чуваат од матичната компанија „Aylo“ или нејзиниот партнер за верификација“.

Говорејќи за верификација на возраста генерално, а не конкретно за „Pornhub“, Ендру Вејлс од „PlaySafe ID“ за LADbible изјави дека компаниите кои управуваат со страници за возрасни се „правно одговорни“ за вашите податоци.

Тој додаде: „Можеби податоците се чуваат некаде безбедно, можеби се заштитени со добра безбедносна технологија, но на крајот мора да им верувате на тие компании.

Тие се тие кои на крај одлучуваат што ќе се случи со вашите информации.“

Може ли Законот за онлајн безбедност да има непланирани последици?

За жал, студијата на „Similarweb“ открила дека нерегулираните страници бележат пораст на сообраќајот, што значи дека оние кои бараат содржини за возрасни сега едноставно пристапуваат надвор од мејнстрим платформите – каде што можат да наидат на далеку поекстремна содржина.

Портпарол на „Pornhub“ за „BBC“ изјави: „Како што видовме во многу земји ширум светот, често има пад на сообраќајот кај страниците кои се придржуваат до законот и пораст кај оние што не се“.

Овие веб-страници, доколку ги открие „OFCOM“, ќе се соочат со сериозни санкции, бидејќи непочитувањето на новите правила значи дека нивните сопственици ризикуваат казни до 18 милиони фунти или 10 проценти од приходот.

Алекс Кекеси, раководител за бренд и заедница во „Aylo“ – матичната компанија на „Pornhub“ – претходно изјавил за LADbible за негативните ефекти од новиот закон, кои немаат врска со бројките на посетеност:

„Знаеме дека кога луѓето одбиваат да ја потврдат возраста, тие не престануваат да бараат содржини за возрасни – туку преминуваат на неодговорни платформи.

И натаму веруваме дека за интернетот да биде побезбеден за сите, секој телефон, таблет или компјутер треба да започнува како уред безбедeн за деца.

Само проверени возрасни треба да имаат пристап до апликации за запознавање, коцкање или содржини за возрасни.

Ова е суштината на верификацијата на возраста на ниво на уред, за која веруваме дека е најбезбедна и најефективна опција за заштита на децата и зачувување на приватноста на корисниците на интернет.“

Тагови: порно порно платформи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Саша Зверев: „Новак има 400 милиони во банка, мислиш ли дека го интересира тоа?“

Еден од најдобрите свтески тенисери, Германецот, Саша Зверев застана во одбрана на најтрофејниот свтески тенисер, Новак Ѓоковиќ, кој беше нападнат поради одлуката да се откаже од турнирот „Мастерс“ во Монтреал на 40-годишна возраст.

Саша Зверев: „Новак има 400 милиони во банка, мислиш ли дека го интересира тоа?“

Мастерс турнирот во Монтреал повторно ги разочара навивачите бидејќи не успеа да ги привлече најголемите тениски ѕвезди.

Ниту оваа сезона во Канада нема да ги видиме Новак Ѓоковиќ, Јаник Синер и Карлос Алкараз; тие одлучија да се повлечат од турнир кој, со оглед на случувањата таму со години наназад, можеби и не заслужува статус на турнир што носи 1.000 бодови.

Постојат различни причини поради кои тенисерите се откажуваат, но најважна е календарот. Турнирот се одржува по Вимблдон, а пред Синсинати и Ју-Ес Опен, и трае две недели. Токму затоа најдобрите во светот нема да настапат, иако некои почнаа да ги критикуваат, тврдејќи дека се незадоволни поради парите.

Поради тоа, Саша Зверев – овогодишниот победник на Ролан Гарос и моментално трет тенисер во светот – одлучи да застане во одбрана на своите колеги, а пред сè на Новак Ѓоковиќ:

„Дали мислите дека бонусите му се важни на Новак? Верувам дека тој има – ако можам да проценам – повеќе од 400 милиони во банка, така што не верувам дека тоа му е важно. Уште помалку го интересира пласманот на светската АТП-листа...“, се насмеа Зверев.

И додека челниците и организаторите на турнирите се обидуваат да најдат други виновници наместо да ја признаат грешката со форматот, Саша Зверев не може да поверува дека се размислува за одземање бодови од АТП-листата или за укинување на бонусите за тенисерите кои не сакаат да играат.

„Дали сакате да паднеме на светската ранг-листа ако не играме? Искрено, ако форматот се врати на стариот, со времетраење од седум дена, би можеле да разговараме за тоа. Но, ако треба да бидеме на овие натпреварувања две и пол недели, а притоа сме среде сезоната на Грен слем турнирите, тогаш не можете да нè присилувате“, додаде одлучно Зверев.

Тагови: Зверев Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Дали се ближи крајот на пребрзото возење? Ќе забавува ли самиот автомобил?

Европската комисија разгледува воведување на напреден систем кој автоматски би ги забавувал автомобилите кога возачот ќе ја надмине дозволената брзина.

Дали се ближи крајот на пребрзото возење? Ќе забавува ли самиот автомобил?

Европската комисија разгледува воведување на напреден систем кој автоматски би ги забавувал автомобилите кога возачот ќе ја надмине дозволената брзина; доколку биде одобрен, неговата имплементација би можела да започне околу 2030 година.

Според достапните информации, системот би користел сателитска навигација, дигитални мапи, 5G мрежи и камери за препознавање сообраќајни знаци за да ја одреди дозволената брзина, по што електрониката на возилото би ја ограничила моќноста на моторот и би спречила понатамошно забрзување, а воедно би овозможила привремено зголемување на брзината во итни ситуации.

Ова опфаќа понапредна верзија на системот за интелигентна помош за брзина (ISA), кој е задолжителен од јули 2024 година за сите нови автомобили што се продаваат во Европската Унија, а кој во моментов само ги предупредува возачите кога ќе го надминат ограничувањето на брзината.

Иако организациите за безбедност во сообраќајот сметаат дека ваквата технологија би можела значително да го намали бројот на тешки сообраќајни несреќи предизвикани од пречекорување на брзината, критичарите предупредуваат на можни грешки при препознавањето на сообраќајните знаци, застарени дигитални карти, неточности во GPS-системите, како и на ризици по приватноста на корисниците и сајбер-безбедноста на возилата.

Европската комисија нагласува дека проектот сè уште се разгледува и дека се водат консултации со производителите на автомобили и со експертите за безбедност во сообраќајот во врска со можните регулативи; следствено на тоа, сè уште не е донесена конечна одлука за негово спроведување, пренесува „iamexpat“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Романската нуклеарна централа не може да се лади

Романската нуклеарна централа не може да се лади,започнато е ископување во речното корито на Дунав.

Романската нуклеарна централа не може да се лади

Надлежните органи во Романија спроведуваат обемна интервенција на Дунав со цел да се одржи водоснабдувањето неопходно за работата на нуклеарната централа „Чернавода“. Започнато е и минирање на карпести формации за да се пренасочи текот на реката.

Оваа мерка се презема поради екстремно ниското ниво на водата во реката, предизвикано од тешката суша што го зафати целиот регион, објави порталот Brasov.net.

Операцијата се одвива во областа на кракот Бала, каде што тимови составени од претставници на армијата, речната управа, Романската агенција за води и други надлежни институции вршат детонирање на карпести формации познати како „Паржоаи“ (Paržoai).

Целта е да се промени протокот на вода така што поголема количина ќе биде насочена кон Стариот Дунав, а со тоа и кон доводниот канал на нуклеарната централа.

Во неделата околу пладне беше извршена пробна експлозија за да се проверат техничките услови пред главната операција. Експертите ќе ги анализираат резултатите за да ги утврдат следните чекори.

По минирањето, проектот предвидува поставување на четири баржи натоварени со околу 500 тони камен. Тие ќе помогнат да се пренасочи текот кон делот од реката што ги снабдува постројките за ладење на централата.

Истовремено, во таа област продолжуваат работите за продлабочување на коритото со цел да се подобри циркулацијата на водата. Наглиот пад на водостојот предизвика проблеми како за производството на енергија, така и за пловидбата.

На влезот на Дунав во Романија, протокот изнесува околу 1.600 кубни метри во секунда, што е значително под долгорочниот просек од приближно 4.700 кубни метри во секунда. Тешките услови доведоа до ограничувања на пловидбата на неколку делници од реката, каде што бродовите беа принудени да пловат со намален товар.

Во изминатите денови, неколку шлепови се насукаа на песочни спрудови, а операциите за нивно ослободување беа отежнати.

Романската влада одобри околу седум милиони леи (околу 1,3 милиони евра) за овие активности. Сепак, експертите посочуваат дека интервенцијата е сложена и дека нејзината ефикасност ќе зависи од движењето на водостојот на Дунав во наредниот период.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер