Пораз на Металург од Чеховски Медведи во меч од Лигата на шампионите - Канал 5

Пораз на Металург од Чеховски Медведи во меч од Лигата на шампионите

Ракометарите на Металург не успеаја да ја продолжат позитивната низа во Лигата на шампионите. Тие се поразени од руската екипа Чеховски Медведи во меч од 6.коло на Д групата.

Пораз на Металург од Чеховски Медведи во меч од Лигата на шампионите
На Средата одиграна попладнево во СЦ „Борис Трајковски“, екипата на Металург загуби од Чеховски Медведи со 26-29 полувреме 12-17.
Избраниците на Александар Јовиќ лошо го започнаа мечот па веќе во 12 минута имаа негатива од четири гола (1-5). Ниту во продолжението Металург не успеа да направи конкретен резултатски приклучок, па на одморот гостите од Русија заминаа со предност од 17-12.
И во вториот дел иста слика на теренот. Металург се обидуваше, а Чеховски Медведи возвраќаше веднаш, па на крајот гостите заслужено се радуваа на првата победа и бодови во Лигата на шампионите, со конечен резултат 29-26.

Најефикасен во редовите на македонскиот вице-првак беше Божо Анџелиќ со пет гола, додека еден помалку постигнаа, Жарко Пешвски, Давор Палевски и Александар Гуглета.

Вчера во рамките од оваа група, победи пред својата публика остварија Мотор Запорожје над Бешикташ со 28-22 и Нант кој минимално со 33-32 го победи Спортинг.

На табелата лидер е францускиот Монпеље со 12 бодови, пред Мотор Запорожје кој има 8, а Бешикташ и Металург по 5 бода, додека на последните две позиции се Спортинг со 4 и Чеховски Медведи со 2 бода.

Во следното коло Металург повторно ќе игра на домашен терен и тоа против францускиот Монпелје во недела (19 ноември)./MИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Клековски: Преживувањето на предвреме родените деца е решено подобро од европскиот просек

По повод Светскиот ден на предвремено родените деца, министерот за здравство, Сашо Клековски, го претстави напредокот во неонаталната здравствена заштита и приоритетите за наредниот период.

Клековски: Преживувањето на предвреме родените деца е решено подобро од европскиот просек

По повод Светскиот ден на предвремено родените деца, министерот за здравство, Сашо Клековски, заедно со директорката на Универзитетска клиника за гинекологија и акушерство, проф. д-р Ирена Алексиоска Папестиев и раководителката на одделот за интензивна нега и терапија, д-р Елизабета Петковска, го претстави напредокот во неонаталната здравствена заштита и приоритетите за наредниот период.

Годинешното мото е „Мали бебиња, голем потенцијал. Инвестирајте во континуирана грижа за да ја заштитиме нивната иднина!".

Светската здравствена организација, УНИЦЕФ и УНФПА, во март годинава оценија дека ова е најголемото подобрување во преживувањето на децата забележано во светот. Според податоците на УНИЦЕФ за 2024 година, неонаталната смртност изнесува 1,05, доенечката 2,26, а смртноста до пет години 2,8 на 1.000 живородени деца. За споредба, просекот на Европската Унија за доенечка смртност во 2024 година е 3,5 на 1.000 живородени. Независната анализа на Здружението за истражување и анализи (ЗМАИ), изработена е во рамки на проектот „Converge2EU“, го мери приближувањето на земјата кон Европската унија по одделни области.

-Имаше јасна цел, програма зад таа цел и поддршка што траеше подолго од еден мандат. Кога тие три работи ќе се најдат заедно, македонското здравство испорачува резултат од светски ранг. Тоа не е успех на едно одделение — тоа е модел што може да се пренесе, изјави министерот Клековски.

Во светот годишно предвреме се раѓаат околу 13,4 милиони бебиња, односно приближно едно од десет новороденчиња. Во земјава околу 9 до 10 отсто од бебињата се раѓаат пред завршени 37 гестациски недели, што е над европскиот просек.

-Намалената смртност, потенцира министерот Клековски, не значи и намалена зачестеност на предвременото раѓање — затоа фокусот се поместува кон превенцијата, навременото откривање на ризичните бремености и здравјето на жената пред и за време на бременоста.

-На Универзитетската клиника за гинекологија и акушерство во периодот од 1 јануари до 31 октомври 2026 година се реализирани 3.266 породувања и се родени 3.216 живи новороденчиња, од кои 610 или 19 отсто предвреме. Повисокиот процент во однос на државниот просек произлегува од тоа што Клиниката е национален терциерен центар во кој се упатуваат ризичните бремености од целата држава, изјави директорката Алексиоска Папестиев .

Таа истакна дека приоритети за наредниот период се превенција и рано откривање на ризичните бремености; континуирано следење на растот и развојот по отпуштањето од болница, со достапни специјалистички прегледи и рана интервенција, поддршка на родителите преку навремени информации, психолошка поддршка и активно учество во грижата за своето дете.

Директорката д-р Алексиоска-Папестиев потецираше дека сето ова е резултат на систематска и тимска работа на целиот кадар на Клиниката, како и модернизацијата на условите, континуираната едукација на здравствените работници, со посебен фокус на обезбедените 13 нови инкубатори, три беби-затоплувачи, како и ултразвучен апарат со три сонди за евалуација на мозочињата, белите дробови и срцата на овие пациенти. Во тек е и обновување на одделението за доносени новородени.

Д-р Петковска, раководител на одделот за интензивна нега и терапија при Клиниката за гинекологија, истакна дека на одделот во рамки на развојната нега за предвремено родените и високоризичните новороденчиња, се спроведува кенгурирање, а согласно препораките на Светската здравствена организација за ексклузивно доење и рана исхрана со мајчино млеко, функционира и лактариум во кој мајките измолзуваат млеко за своите бебиња во текот на престојот.

Светскиот ден на предвреме родените деца, годинава, првпат се одбележува на 15 ноември. По повеќе од една деценија одбележување на 17 ноември, Светската здравствена организација го определи новиот датум со формалното вклучување на денот во календарот на СЗО, поддржано на Светското здравствено собрание во 2025 година, за да се избегне преклопување со Светскиот ден за елиминација на ракот на грлото на матката, соопштуваат од МЗ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Димитриеска-Кочоска: Во 2027 нема промена на даноците, повеќе пари за судство, плати, пензии и поддршка на бизнисот

Приходната страна на Буџетот во 2027 година е многу внимателно проектирана заради глобалната неизвесност.

Димитриеска-Кочоска: Во 2027 нема промена на даноците, повеќе пари за судство, плати, пензии и поддршка на бизнисот

Приходната страна на Буџетот во 2027 година е многу внимателно проектирана заради глобалната неизвесност, но и во такви услови во Буџетот има предвиден раст на платите, пензиите, повеќе средства во судството, како и за реализација на капитални проекти. Ова го оцени министерката за финансии Гордана Димитриеска-Кочоска на денешната средба со новинарите.

Таа наведе дека растот на даночните приходи како изворни приходи е проектиран на 6,4% и дека на расходната страна кај ставките за плати има раст од 6,6% или за 3,5 милијарди денари, ставката за пензии 4,8%. Предвидени се средства значајни и за реализација на капитални проекти.

При тоа 2 милиони евра се за амбулатни возила, 1,7 милијарди денари за набавка на автобуси за јавниот градски превоз, а за поддршка на компаниите преку Министерството за економија и труд и преку оперативниот план за вработување предвидени се 5,9 милјарди денари..

Повеќе средства се обезбедени за судската власт и Јавното обвинителство, со раст на средствата за судството од 19%, а за Јавното обвинителство од 9%. При тоа наведе министерката дека во предвидените поголемни буџети се вклучени и нови 200 вработувања. Зголемен е и Буџетот за Одбраната каде се издвојува 2% од БДП.

Според министерката растот на буџетите на институциите треба да биде во реалција со проектираниот раст на даночните приходи. При тоа напомена дека и согласно програмата на Владата нема да има промена на даночните стапки.

Во делот на даночната политика како што посочи министерката во изминатиот период интензивно се работи на подобрување на законската регулатива конкретно во делот на повратот на ДДВ, преку подготовка на законски измени со кои ќе се унапреди постојниот систем и ќе се спречат можни злоупотреби.

Во таа насока, таа истакна дека се водат разговори со бизнис-заедницата и се анализираат искуствата од европските и соседните земји, со цел креирање на соодветно законско решение конкретно во роковите за поврат на ДДВ кон компаниите.

Посочи дека оваа реформа е дел од Програмата на Владата, меѓу кои се и воведувањето зелена карта и бела листа на компании, кои ќе бидат имплементирани.

Посочи дека од почетокот на годината заклучно со 12 ноември е реализиран поврат на ДДВ за 16,6% повеќе во споредба со истиот период минатата година или 32,4 милијарди денари. При тоа потсети на повратот на ДДВ реализиран во изминатите години кој се движел од 21 милијарда денари во 2017 година, 24,6 милијарди денари во 2018 година, 26 милијарди во 2019, 25,6 милијарди денари во 2020 година, во 2021- 31,3 милијарди денари, во 2022 – 44,7 милијарди денари итн.

Во однос на капиталните расходи наведе дека од 2025 година е направена нова методологија за прикажување на капиталните расходи во Буџетот и дека доколку се примени истата методологија која не ги вклучува трансферите и субвенциите ќе се добие реалната слика за капиталните инвестиции и во претходните години.

Согласно податоците, како што наведе министерката во 2020 година се реализирале 13,8 милијарди денари, во 2021 година 16,3 милијарди денари, во 2022 година 19,5 милијарди денари, во 2023 година 35,5 милијарди денари, во 2024 година 23,9 милијарди денари, во 2025 година 28,5 милијарди денари, а сега заклучно со окотомври има реализација на 27 милијарди денари. За следната година во ставката капитални расходи се предвидени 40,8 милијарди денари.

Осврнувајќи се на движењето на јавниот долг, министерката истакна дека, како резултат на бенчмарк ревизијата на податоците за БДП што ја спроведе Државниот завод за статистика, јавниот долг како процент од БДП бележи намалување. Таа појасни дека ревизијата беше најавена уште пред две години, а согласно објавените ревидирани податоци, јавниот долг во третиот квартал изнесува 56,6% од БДП.

Министерката нагласи дека и во 2027 година јавниот долг, пресметан согласно ревидираните податоци за БДП, нема да го надмине прагот од 60%, односно ќе изнесува 59,7%.

Министерката најави дека во теков на месецот ќе се емитува нова емисија на Граѓанска обврзница.

Одделение за односи со јавност

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Естонија од 1 декември ќе ги затвори сите гранични премини со Русија по обид за саботажа врз фабрика за дронови

Естонија ќе ги затвори сите гранични премини со Русија почнувајќи од 1 декември, како одговор на спречен обид за саботажа врз компанија за производство на беспилотни летала.

Естонија од 1 декември ќе ги затвори сите гранични премини со Русија по обид за саботажа врз фабрика за дронови

Естонија ќе ги затвори сите гранични премини со Русија почнувајќи од 1 декември, како одговор на спречен обид за саботажа врз компанија за производство на беспилотни летала, за кој властите во Талин тврдат дека бил нарачан од руската воена разузнавачка служба ГРУ, пренесуваат светските медиуми.

Инцидентот се случил во саботата наутро, кога естонските безбедносни сили привеле осум лица при обид за напад врз „Треод системс“ (Threod Systems) – одбранбена компанија која произведува извидувачки и борбени дронови со долг дострел. Благодарение на брзата реакција на обезбедувањето на фабриката, во нападот нема повредени, ниту е причинета материјална штета, велат естонските власти.

Од естонската служба за внатрешна безбедност (Капо) соопштија дека целта на напаѓачите била да предизвикаат експлозија и да го запалат објектот. Според естонскиот јавен сервис ЕРР, обвинителството веќе побарало мерка притвор за петмина од осомничените.

Естонскиот премиер Кристен Михал изјави дека одлуката за затворање на границата е неопходна за да се намали ризикот од нови инциденти и да се испрати јасна порака дека нападите врз одбранбената индустрија и безбедносните капацитети на земјата се неприфатливи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер