Живот

Пораст на железничкиот сообраќај во Европа, DiscoverEU ги поттикнува младите Европејци да патуваат со воз

Авион, автомобил, автобус, брод – постојат повеќе начини за патување во и низ Европа. Но, едно превозно средство значително добива на популарност, особено кај младите: возот.

ЕНР - Брисел

Авион, автомобил, автобус, брод – постојат повеќе начини за патување во и низ Европа. Но, едно превозно средство значително добива на популарност, особено кај младите: возот.

Според Евростат, во 2023 година патничкиот железнички сообраќај во ЕУ го достигна своето највисоко ниво во последните години, при што патниците со воз патувале вкупно 429 милијарди километри.

Ширум Европа, ентузијазмот за патување со воз останува конзистентен од крајот на пандемијата на Ковид-19, која официјално започна во март 2020. Во 2023, патничкиот железнички сообраќај во ЕУ порасна за 11,2 проценти во споредба со 2022 и речиси двојно во споредба со 2020.

„Меѓународните патувања на долги релации доживуваат подем“, изјави Михаел Петерсон, шеф за транспорт на долги релации во германската национална железничка компанија „Дојче Бан“ (ДБ). Тој истакна дека 2024 година била најсилната година во овој сектор за германската железница, со раст од 22 отсто во споредба со 2019 година, пред Ковид-19.

Според извештајот објавен во јуни од француската управа за транспорт (ART), користењето на возовите во Франција собори рекорд трета година по ред во 2024 година, потврдувајќи го растот на железничкиот сообраќај забележан од крајот на Ковидот. Во 2024 година имало 6 процени повеќе патници во споредба со 2023 година, што претставува идентично зголемување како и претходната година, соопштија од ART.

Летното патување со воз исто така значителнo се подобрило во споредба со претходната година, како резултат на Олимписките игри во Париз и патниот билет што им овозможи на младите на возраст од 16 до 27 години неограничено да патуваат со регионални возови за 49 евра месечно.

И другите земји активно го поттикнуваат патувањето со воз преку национални и регионални иницијативи. На пример, за 2025 година, шпанската иницијатива „Младо лето“ (Verano Joven) додели 120 милиони евра за да им овозможи на младите на возраст од 18 до 30 години попусти до 90 отсто за патувања со возови на средни релации и до 50 отсто за патувања со брзи возови.

ЕУ, исто така, има за цел да ги поттикне младите да патуваат со воз преку иницијативата DiscoverEU. Над 1,6 милиони луѓе аплицирале од почетокот на иницијативата во 2018 година, а досега се доделени 391 000 патни билети.

Што е DiscoverEU?

DiscoverEU е иницијатива од програмата Еразмус+ на Европската унија која им дава шанса на 18 - годишни жители на ЕУ да патуваат бесплатно низ Европа со воз.

Секоја година има два повици за аплицирање, еден напролет и еден наесен. Апликантите мора да учествуваат во квиз како дел од процесот на аплицирање, освен ако аплицираат како дел од група.

И млади луѓе од држави кои не се членки на ЕУ: Исланд, Лихтенштајн, Норвешка, Северна Македонија и Турција, можат да аплицираат поради нивната вклученост во Еразмус+ програмата.

Покрај билетот за патување, учесниците добиваат и DiscoverEU младинска карта која им овозможува попусти за јавен превоз, хотели, храна, како и културни, спортски и други активности во 36 европски држави.

Националните агенции за Еразмус+ организираат средби пред, за време и по патувањето. На пример во Бугарија, Националната агенција за Еразмус+ организира настани пред патувањето и можности за вмрежување, и ги охрабрува учесниците да споделуваат приказни и фотографии од нивните патувања на социјалните медиуми.

Конкурсот за DiscoverEU во април 2025 беше отворен за луѓе родени помеѓу 1 јуни 2006 и 30 јуни 2007. Вкупно 156 516 млади луѓе аплицираа за билетот и 35 753 беа одбрани.

Најголемиот број на апликации стигнаа од млади во Германија (24 194), Шпанија (21 414), Полска (15 932) и Холандија (13 106).

Државите со најуспешни апликации беа Германија (6 143), Франција (4 977), Италија (4 394) и Шпанија (3 501).

Други држави со понизок но значаен број на апликации се Романија (1 489), Австрија (715) и Бугарија (561).

Австриската министерка за европски прашања ја пофали иницијативата.

-Нема подобар начин да се искуси Европа отколку со Interrail билетот. Вакви проекти ја прават Европа не само точка на мапата, туку и дел од нашиот идентитет. Ова е одлична можност да се запознаат други луѓе и култури, но истовремено и да се претстави австриската култура, рече Клаудија Плаколм, министерка за Европа, интеграција и семејство на Австрија.

Австриските европратеници Андрес Шидер и Ханес Хајде истакнаа дека DiscoverEU им овозможува на младите да патуваат на одржлив начин: „Тоа е одлична можност да го направиме железничкиот превоз привлечен за младите во ЕУ како еколошки превоз. Иднината на европската мобилност лежи во железницата.“

Еврокомесарот задолжен за DiscoverEU и Еразмус+ ги повика младите да ги искористат придобивките од иницијативата.

„Ова не е само екскурзија, ова е патување што го менува животот. Секоја станица, секое кафуле, секое ново лице што ќе го сретнете придонесува за вашата приказна. Вие не само што ја гледате Европа, туку и ја живеете. Сите вие млади истражувачи со патен билет во рака, излезете и направете го патувањето незаборавно“, рече еврокомесарот за меѓугенерациска правичност, млади, култура и спорт Глен Микалеф.

Нема интегрирана европска железничка мрежа, но ДБ има план

Иако идејата за интегриран европски железнички систем опстојува, реалноста е покомплицирана доколку сте редовен патник.

Проблемите често започнуваат со купувањето билети. Често се потребни повеќе билети за прекугранични патувања, и секој билет треба да се купи посебно. Ова не само што е незгодно, туку и значи дека не важат патничките права, како обесштетување за пропуштени трансфери.

-Често се појавуваат проблеми кога пругата ќе стигне до некоја државна граница, вели Себастиан Вилкен, кој пишува за меѓународни патувања со воз на неговиот блог Zugpost. Проблемите се поврзани со електричното напојување, системи за сигнализација и безбедност, разлики во ширината на пругата, па дури и јазичните вештини на машиновозачите.

Европската Унија одамна ги препозна проблемите. Претседателката на Комисијата, Урсула фон дер Лајен, истакна дека прекуграничното патување со воз останува премногу комплицирано за многу граѓани.

-Луѓето треба да можат да користат отворени системи за резервации за да купат трансевропски патувања од повеќе даватели на услуги без да го изгубат правото на враќање на парите или алтернативно патување, рече таа во политичките насоки за Европската комисија објавени во јули 2024 година.

Европската комисија планира да предложи закон за „унифицирани дигитални резервации и продажба на билети“ со цел да се осигури дека „Европејците ќе можат да купат еден билет на една платформа и да ги остварат своите патнички права за целото патување“.

Европските железници пред неколку години се договорија да го применат стандардизираниот интерфејс „Отворен модел за продажба и дистрибуција“ (OSDM). Петерсон од ДБ го опиша како „јазикот преку кој европските железници и давателите на услуги за продажба разменуваат податоци“. Ова ќе ѝ даде на ДБ пристап до целосното портфолио на билети на железниците кои учествуваат, и обратно.

За ДБ, пристапот првично ќе започне есенва, кога ќе бидат достапни Австриските федерални железници (ÖBB) и Швајцарските федерални железници (SBB). Се очекува нови партнери да се приклучуваат секој месец. „Очекуваме дека до крајот на следната година, Европа ќе биде речиси целосно поврзана“, рече Петерсон.

Потоа, резервирањето билети низ Европа – без разлика дали е од Осло до Атина или од Варшава до Барселона – ќе може да се направи со само еден чекор. Сепак, поевтините билети преку конкурентот на ДБ, Flix, нема да бидат достапни на овој систем.

Тагови: воз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Боксерка снимала порно филмови, а сега ги извади силиконските гради: Попријатно ми е (ФОТО)

Поранешната австралиска боксерка и модел Аврил Мати (39) ги отстрани силиконските импланти за гради кои ги имаше речиси 20 години.

Таа објави дека сега го сака своето природно тело, и покрај негативните коментари на социјалните мрежи за нејзиниот изглед.

Одлука по две децении

Мати ги доби имплантите на 19-годишна возраст, наведувајќи ја како причина „културата во која пораснала“. По долго време таа одлучи да ги отстрани. „Никогаш не сум ги сакала ниту мразела. Го ценев тоа што преку ноќ престанав да се чувствувам несигурно и станав личност која се чувствува поудобно во своето тело и повеќе не размислува за тоа“, објасни таа на социјалните мрежи.

Таа одлучи да се оперира откако забележа дека нејзините пријателки ги отстрануваат имплантите поради здравствени проблеми познати како „болест на импланти во градите“. Иако не мислеше дека има таков проблем, таа отиде на преглед кој потврди дека постои медицинска причина да се отстранат. По процедурата, таа призна дека повторно се заљубила во своето природно тело и дека се чувствува како „да го вратила 16-годишното тело кое никогаш порано не го ценела“.

Од промашување до професионалец во рингот

Пред нејзината боксерска кариера, Аврил Мати изгради значајна кариера во светот на манекенството. Австралијанката со швајцарски корени ја освои титулата Miss Swimsuit USA International во 2014 година, а една година подоцна го освои натпреварот Las Vegas International Model Search. Овој успех ѝ донесе награда од 50 илјади долари и ѝ овозможи да се пресели во Мајами.

За време на нејзината кариера, Мати беше активна и на OnlyFans, каде што објавуваше провокативни еротски фотографии и порно филмови. Јавно зборуваше за таа платформа и самата, а приходите од содржини надвор од боксот ѝ помогнаа да финансира професионална спортска кариера.

View this post on Instagram

A post shared by AM CRUE (@am.crue)

Својата страст кон боксот ја откри кон крајот на 2012 година на 25-годишна возраст. За само шест месеци, го одигра својот прв аматерски натпревар, а професионалната кариера ја започна во декември 2017 година. Се бореше на познати светски сцени, вклучувајќи го и Madison Square Garden. Интересно е што по операцијата за отстранување на имплантот, таа открила дека процедурата неочекувано ѝ помогнала да стане подобар борец.

View this post on Instagram

A post shared by AVRIL (@avrilmathie)

Збогум на боксот

Мати неодамна објави збогум на спортот, кој го нарече „љубовта на својот живот“. Својата професионална кариера ја заврши со рекорд од осум победи, еден пораз и едно реми. На крајот од 2023 година, таа требаше да се бори против сонародничката Ебани Бриџис во меч што медиумите го најавија како „битка на гради“, но мораше да се повлече поради повреда.

Тагови: гради порно

Европа

Лавров: Европа води војна против Русија

Рускиот министер за надворешни работи Сергеј Лавров денес изјави дека европските земји водат војна против Русија затоа што тие ја снабдуваат Украина со оружје.

„Ова е војна што Европа ја води против нас“, рече тој на маргините на форумот Валдај во Москва. Во исто време, тој ги отфрли обвинувањата дека руските напади врз товарни бродови што носат западно оружје претставуваат „хибридна тајна војна“ за Украина.

Тој ја опиша употребата на сила од страна на Русија во Украина како самоодбрана насочена кон елиминирање на заканите. „Ако мислите на уништување на инфраструктурата што, со поддршка на Западот, нацистичкиот режим ја користи за водење војна против Руската Федерација, тогаш ние ја потиснуваме таа директна закана со сила“, рече тој.

Разговори со САД

Лавров објави дека наскоро ќе се одржат разговори со Соединетите Американски Држави. „Се договоривме со американскиот државен секретар Марко Рубио дека состанокот ќе се одржи. Експертите треба да ги координираат точните датуми и место“, истакна тој.

Тој го спомена враќањето на рускиот дипломатски имот запленет од САД како едно од отворените прашања во односите меѓу Москва и Вашингтон. Според него, Русија не добила никакви охрабрувачки сигнали од администрацијата на американскиот претседател Доналд Трамп во врска со нејзиното враќање.

„Никогаш немало охрабрувачки коментари од Американците за ова прашање, дури ни под администрацијата на Доналд Трамп“, рече тој. Лавров тврдеше дека САД сè уште се обидуваат да ги наметнат своите еднострани интереси, но додаде дека Вашингтон сепак е принуден да соработува со земји како Русија и Кина.

Ставот на Берлин

Лавров, исто така, коментираше за плановите на Полска за производство на ракети „Патриот“ и учеството на Европа во конфликтот во Украина и ги повика европските земји да ја проучат воената доктрина на Русија. Тој се осврна на неговата средба со германскиот министер за надворешни работи Јохан Вадефул на маргините на Генералното собрание на ОН во Њујорк.

Лавров проценува дека Берлин можеби сака да се вклучи во напорите за решавање на украинскиот конфликт за да не го „пропушти возот“. „Тешко ми е да проценам кон што се стреми Германија.

Мислам дека едно очигледно објаснување е едноставно желбата да не се пропушти возот. Тие веруваат дека возот веќе забрзал - не знам дали тоа е вистина, тешко ми е да проценам дали мислат на украинската криза“, рече тој.

„Русија вечен непријател“

Кога беше прашан за темите на средбата со Вадефул, Лавров рече дека германскиот министер зборувал за „милитаризацијата на Европската Унија“, постојаните повици за проширување на НАТО кон Украина и тврдењата дека „Русија е вечен непријател“ и дека „за три години ќе бидеме во војна“.

„Ако се изговараат такви фрази, а целта - како што самиот г-дин Вадефул најави - е само да се повторуваат зад затворени врати, без медиумите, за Русија наводно да разбере дека навистина е така, тогаш тоа е залуден, па дури и штетен потфат“, изјави тој.

Лавров заклучи дека е „многу тажно“ што некои претставници на ЕУ и НАТО всушност дејствуваат како „портпароли“ за она што го опиша како европска позиција.

Тагови: русија Сергеј Лавров

Судбина

Се заканува со мачета во продавница, по борбата со продавачот, избега со шише вотка (ВИДЕО)

Вработен во продавница во Велика Британија се одбранила со хокеарски стап од маскиран разбојник кој го нападнал со мачета.

Инцидентот се случил на 4 јули во 9:10 часот наутро во мини маркетот „Крест“, а бил снимен од надзорна камера, објавува „Телеграф“.

На видеото се гледа како работник се соочува со напаѓач со качулка кој се заканува со мачета на касата. Откако вработениот замавнал со палката, тие почнале да се борат преку шанкот. Потоа разбојникот се повлекол пред шанкот, а работникот продолжил да го удира. Потоа се активирал безбедносниот систем за чад и напаѓачот избегал со шише вотка. Работникот не бил повреден во нападот.

A shop worker used a hockey stick to fight off a masked thief who attacked them with a machete. CCTV showed the employee bravely stand up to the attacker as he waved a blade towards the till at the Crest Mini Market in Bestwood, Nottinghamshire. Read the full article here ⤵️ https://t.co/NIDDWp2Y17
— The Telegraph (@Telegraph) September 29, 2026

Истрага и повик до јавноста

Детективот Томас Лоу, од полицијата во Нотингемшир, изјавил дека полицијата е решена да го пронајде лицето. Тој додал дека се надеваат дека препознатливата тетоважа на левата рака на напаѓачот ќе помогне во неговата идентификација. „Крајмстоперс“ нуди награда до 5.000 фунти (околу 5.837 евра) за информации што ќе доведат до апсење и осуда на сторителот.

Лидија Пацалидес од таа организација апелираше до јавноста. „Тоа беше застрашувачко искуство за човек кој само си ја вршеше работата, и тоа во продавница важна за локалната заедница“, рече Пацалидес. „Знаеме дека овој настан ги вознемири жителите и луѓето што работат во соседството. Некој во областа сигурно знае кој го сторил тоа.“

„Можеби сте виделе нешто тоа утро или сте слушнале нешто подоцна. Можеби се сомневате во некој што го познавате. Само тетоважа може да биде детал што ќе ви ја освежи меморијата. Какви и да се информациите што ги имате, не мора да ги чувате за себе“, рече таа.

Тагови: вотка мачета