Поранешните лидери на ОВК се изјаснија за невини во завршните зборови пред судот во Хаг - Канал 5

Балкан

Поранешните лидери на ОВК се изјаснија за невини во завршните зборови пред судот во Хаг

Четворицата поранешни лидери на ОВК, на кои им се суди за воени злосторства во Специјализираните совети во судот во Хаг, во своите завршни зборови денеска се изјаснија за невини, тврдејќи дека обвинувањата на обвинителството против нив се неосновани.

Поранешните лидери на ОВК се изјаснија за невини во завршните зборови пред судот во Хаг

Хашим Тачи, Кадри Весељи, Реџеп Сељими и Јакуп Красниќи имаа по 20 минути за своите завршни зборови, со што заврши презентирањето на завршните зборови во оваа постапка.

Обвинетиот Тачи во својата изјава тврдеше дека е невин и побара да биде ослободен.

Тој го оцени како невистинито тврдењето на обвинителството дека целта на ОВК била да добие контрола врз целото Косово, додавајќи дека, како што рече, ова е исто така „навреда“, имајќи ги предвид напорите што ги направил НАТО, со кој тесно соработувал.

Тој, исто така, изјави дека неговиот фокус е на градење и зајакнување на сојузот со САД и НАТО и дека немаше да има независност на Косово ако немаше НАТО.

Обвинетиот Весељи тврдеше дека не е докажано дека сторил какво било нелегално дело и дека неговите постапки биле „хумани и законски“.

Обвинетиот Сељими тврдеше дека војната што ја водеше таканаречената ОВК била „фер“ и дека обвинувањата против него се неосновани и неоправдани, додека Красниќи, исто така, тврдеше дека наводите во обвинението се неосновани и дека тој немал овластувања или функции наведени во обвинението.

Пресудата треба да се донесе во рок од 90 дена од завршувањето на доказната постапка, а доколку е потребно дополнително време поради околностите, тој рок може да се продолжи за уште 60 дена.

Поранешните водачи на ОВК се обвинети врз основа на индивидуална кривична одговорност по шест точки од обвинението за злосторства против човештвото и по четири точки за воени злосторства.

Обвинителството побара по 45 години затвор за сите четворица, нагласувајќи дека тие имале силна колективна улога како клучни членови на Главниот штаб на ОВК, дека постоела нивна намера, дека имале сознанија за кривични дела, вршеле ефективна контрола на теренот и дека секој од обвинетите дал значаен придонес во реализацијата на заедничкиот злосторнички потфат.

Застапникот на жртвите, Симон Лоз, во својот завршен збор истакна дека членовите на ОВК покажале неверојатна бруталност и екстремна суровост кон жртвите и посочи дека некои жртви никогаш не успеале да заздрават од тоа што им се случило.

Во обвинението се наведува дека злосторствата за кои се обвинети се извршени од март 1998 година до крајот на септември 1999 година на повеќе од 40 локации низ Косово и Метохија, како и во Кукеш и Чахан, во северна Албанија.

ОВК во текот на 1998 и 1999 година изврши бројни злосторства, убиства и киднапирања против припадници на армијата и полицијата на поранешна Југославија, Срби и други неалбанци, како и Албанци кои не прифатија да бидат нејзини членови или помагачи.

Тагови: ОВК

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собранието ги избра новите 8 министри

Во Собранието беа избрани 8-те новите министри во Владата предложени со владината реконструкција. 

Собранието ги избра новите 8 министри

За изборот на нови министри гласаа само пратениците од владеачкото мнозинство односно 69 пратеници. Опозицијата ја напушти седницата поради навредите кои кон нив ги упатил поранешниот министер за односи со заедниците и нов министер за локална самоуправа Иван Стоилковиќ.

Попладнево, ситуацијата ексалираше, откако опозијата го обвини Стоилковиќ дека упатил навреди и пцовки на адреса на пратениците на СДСМ Фатмир Битиќи и Митко Трајчулевски надвор од салата, за време на попладнвената пауза.

За нов министер за правда е избран Јетон Шасивари член на Вреди, министер за земјоделство Борче Серафимовски од ЗНАМ, нов министер за односи меѓу заедниците Агон Ферати од Вреди, министер за здравство Сашо Клековски од ВМРО-ДПМНЕ, министер за туризам и култура Седат Сулејмани од Вреди, министер за социјална политика, демографија и млади Ѓоко Велковски од ВМРО-ДПМНЕ, министер за локална самоуправа Иван Стоилковиќ од ДПСМ, а нов министер без ресор е Ерџан Демир од ВМРО-ДПМНЕ.

Новите министри беа избрани со 69 гласа „ЗА“, без ниту еден воздржан и против.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

„Треба да се работи на рационализација, на ваков начин не одиме никаде“

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

Имате ситуација во Парламент, Артан Груби го нарекува криминалец Сашо Мијалов, од друга страна излегува дека тој го ослободува од затвор. Тоа што политичарите го прават нечесно, нема врска со патриотизам, туку имаат за цел да ги лажат граѓаните за да добијат гласови. Треба само малку да ги гледаш работите пологично и да бидеш порационален за да сфатиш. Не знам што е лошо некој да каже дека ја почитува државата во која што живее за да добие негативнии коментари.

Треба ли да пишувам дека ја сакам Албанија, а не ја сакам Македонија, за да добивам позитивни коментари? Треба да се работи на рационализација, на ваков начин не одиме никаде. Замисли каков притисок ќе биде направен на властите ако целиот народ и Македонците и Албанците и сите други останати се обединат за некои прашања, како што се на пример загадувањето, за неправди, каков ли притисок ќе имаат властите ако народот се обедини за таков вид на прашања. И кога притисокот кон властите е поголем, тогаш и можноста тие државата да ја гледаат како извор на лично финансирање, е помала. Тогаш тие ќе чувствуаат притисок и повеќе ќе работат за граѓаните, помалку за себе, вели Умејр Мухамеди во Само Вистина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Марта е новата Мис Болоња: Некои слават, други незадоволни

Изборот на Марта Бунд за Мис Болоња 2026 предизвика жестока дебата на социјалните мрежи.

Марта е новата Мис Болоња: Некои слават, други незадоволни

Откако беше прогласена за победничка на регионалниот натпревар, следеа илјадници коментари, а мислењата на корисниците беа целосно поделени. Дел од дебатата беше за нејзиното африканско потекло.

Додека дел од јавноста ја гледа победата на Марта како знак на отвореност и инклузивност, други изразија незадоволство од исходот од натпреварот.

Во коментарите, некои корисници тврдеа дека изборите за убавина треба да го претставуваат „традиционалниот изглед“ и културното наследство на регионот. Други, пак, нагласија дека потеклото не треба да игра никаква улога во евалуацијата и дека единственото нешто што е важно е како кандидатките се претставиле и ги исполниле критериумите за натпреварување.

Што всушност освои таа?

Дебатата беше дополнително поттикната од објави што содржеа неточни или нецелосни информации, па затоа вреди да се разјасни што е во прашање.

Марта Бунда не беше крунисана за Мис Италија, туку ја освои титулата Мис Болоња 2026. Тоа беше регионално натпреварување кое ѝ обезбеди место во овогодинешното финале на Мис Италија.

Организаторите стојат зад својата одлука

Ваквите дискусии не се ништо ново во Италија. Во претходните години, учеството или победите на кандидатки од странско потекло, исто така, предизвикаа бројни реакции на социјалните мрежи и кај дел од јавноста.

Организаторите на натпреварот сè уште не дадоа коментар за контроверзноста, а резултатот од регионалниот натпревар останува на сила. Во меѓувреме, дебатата за современите идеали за убавина, идентитет и претставување на различни заедници продолжува на социјалните мрежи.

Извор: Индекс.хр

Тагови: Мис Болоња Марта Бунд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер