Поранешниот премиер на Шпанија под истрага поради корупција од 53 милиони евра - Канал 5

Европа

Поранешниот премиер на Шпанија под истрага поради корупција од 53 милиони евра

Поранешниот шпански премиер Хозе Луис Родригез Запатеро е под кривична истрага поради сомнение за злоупотреба на влијание и други кривични дела.

Поранешниот премиер на Шпанија под истрага поради корупција од 53 милиони евра

Истрагата е поврзана со државна помош од 53 милиони евра доделена на авиокомпанија поврзана со Венецуела за време на пандемијата на коронавирус.

Запатеро, социјалист кој ја водеше владата од 2004 до 2011 година, е првиот поранешен шпански премиер кој стана осомничен во кривична истрага и е повикан да се појави пред Врховниот кривичен суд на Шпанија на 2 јуни. Иако други поранешни и сегашни премиери сведочеа во случаи на корупција, ова е преседан, пишува „Гардијан“.

Најновата истрага е дел од поширок случај поврзан со спасувањето на шпанската авиокомпанија Плус Ултра во март 2021 година. Обвинителите истражуваат дали компанијата злоупотребила јавни пари доделени од владата, додека полицијата за борба против корупцијата истражува сомневања дека парите од спасувањето биле искористени за перење средства од Венецуела преку Франција, Швајцарија и Шпанија.

Запатеро ги негира сите обвинувања

Судот денес објави дека судијата ја овластил полицијата да ја претресе канцеларијата на Запатер, како и канцелариите на три други компании. „Судијата на Аудиенција Национал, Хозе Луис Калама, му нареди на поранешниот премиер Хозе Луис Родригез Запатеро да се појави на 2 јуни како осомничен по обвинение за злоупотреба на влијание и сродни кривични дела“, се вели во соопштението.

Се додава дека судијата ја укина ознаката за тајност од постапката и ја презеде надлежноста откако понискиот суд се прогласи за ненадлежен. Запатеро, кој ги негира сите обвиненија, се појави пред сенатската комисија во март, каде што рече дека „никогаш не добил никаква провизија од Плус Ултра“.

Сепак, тој призна дека обезбедил консултантски услуги за својот пријател Хулио Мартинез, претприемач кој работел со Плус Ултра и бил уапсен од антикорупциски службеници минатиот декември.

И наследникот на Запатеро се соочува со низа афери

Претседателот на Плус Ултра, Хулио Мартинез Сола, инсистираше пред истата комисија во февруари дека спасувањето е извршено во целосна согласност со законот. „Немало никаква вонредна постапка, никаков преференцијален третман, никакво несоодветно мешање. Немало никаква нелегална помош“, рече тој.

„Тоа беше регулиран процес, со контроли, извештаи и многу строги услови што беа исполнети. Никој не ни даде ништо“, додаде тој. Социјалистичкиот наследник на Сапатеро на премиерската функција, Педро Санчез, се соочува со низа корупциски скандали во кои се вклучени неговото семејство, партија и администрација.

Минатиот месец, сопругата на Санчез, Бегоња Гомез, беше обвинета за проневера, злоупотреба на влијание, деловна корупција и злоупотреба на средства по двегодишна истрага од страна на судија во Мадрид. Овој месец, помладиот брат на премиерот, Давид Санчез, исто така е на суд за злоупотреба на влијание.

Двајца високи поранешни функционери во владата на Санчез, исто така, се на суд за корупција

И Гомез и Давид Санчез ги негираат сите обвинувања, а премиерот ги обвини своите политички и медиумски противници за кампања за клевета и прогон на неговото семејство. Двајца високи поранешни функционери во владата на Санчез, исто така, се на суд за корупција.

Поранешниот министер за транспорт и десна рака на поранешниот премиер, Хозе Луис Абалос, беше обвинет, заедно со неговиот поранешен помошник Колдо Гарсија и претприемачот Виктор де Алдама, за примање мито во јавни договори за медицинска опрема за време на пандемијата.

„Десницата никогаш не му го прости напредокот“

Абалос се соочува со казна од 24, а Гарсија 19 години затвор, додека двајцата ја негираат својата вина. Алдама, кој веќе ја призна својата улога, се соочува со седумгодишна казна. Денес, Социјалистичката партија објави соопштение во кое го поддржува Запатеро, нарекувајќи го пионерски премиер чии „два мандати беа обележани со амбициозна програма за проширување на правата, еднаквоста и социјалната заштита“.

„Десницата и крајната десница никогаш не му простија за овој напредок“, се вели во соопштението. Опозициската конзервативна Народна партија го опиша Запатеро како „муза на Санчез“. „Принципот што ги обединува последните двајца шпански социјалистички премиери е корупцијата... овој срам мора да заврши“, се вели во соопштението.

Тагови: корупција Шпанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МАЕИ: Бугарија го злоупотребува здравјето на Македонците за да ги прогласува за Бугари

Македонската алијанса за европска интеграција (МАЕИ) најостро ги осудува најновите активности на бугарските власти во Пустец, со кои под превезот на медицинска помош повторно се спроведува политичка пропаганда и негирање на македонскиот идентитет.

МАЕИ: Бугарија го злоупотребува здравјето на Македонците за да ги прогласува за Бугари

На 11 и 12 септември, Бугарија испрати медицинска екипа од Софија во Пустец со воен транспортен авион. Во операцијата се вклучени бугарските министерства за надворешни работи, здравство и одбрана, а заедно со медицинските екипи пристигнаа и бугарски пратеници од различни политички партии.

Токму нивните изјави ја откриваат вистинската политичка димензија на оваа посета. Бугарските пратеници јавно порачаа дека кога станува збор за, како што ги нарекуваат, „Бугарите“ во Албанија, бугарските политички партии се обединети.

Зошто за медицински прегледи во Пустец е потребен воен транспортен авион, бугарски пратеници и државна делегација од Софија?

Ова повеќе не личи на обична медицинска хуманитарна активност. Пустец личи на воена зона, со засилено полициско присуство, бугарски емисари кои демонстративно се движат низ општината и се однесуваат како освојувачи на Пустец и со бугарски знамиња поставени во просториите на медицинскиот центар. Но, Пустец не е Бугарија. Пустец е во Република Албанија, а неговите жители се Македонци.

МАЕИ особено го осудува однесувањето на бугарските претставници кои во јавноста отворено ги негираат Македонците во Пустец и ги прогласуваат за Бугари. Ниту една медицинска услуга не може да биде оправдување за негирање на идентитетот на македонската заедница. Здравјето на луѓето не смее да биде инструмент за асимилација и политичка пропаганда.

Медицинскиот персонал во Пустец првично не сакал да ги прими бугарските претставници, но под притисок од Регионалниот медицински центар во Корча бил принуден да им ги отстапи просториите.

Срамно е и однесувањето на Општина Пустец, која обезбедува логистичка поддршка на претставници на држава чии институции јавно тврдат дека Македонците во Пустец се Бугари. Наместо да застане во заштита на своите граѓани и нивниот идентитет, локалната власт ги пречекува бугарските претставници со девојчиња во народни носии, леб и сол.

Општина Пустец е во Република Албанија.

За секоја потреба на своите жители – од инвестиции и инфраструктура, до здравствени и социјални услуги – локалната власт треба првенствено да се обраќа до Владата на Република Албанија. Ние сме лојални граѓани на Албанија, ги почитуваме нејзините закони и плаќаме даноци во оваа држава. Затоа не прифаќаме Пустец да биде претворен во полигон за реализирање на туѓи национални политики.

Пустец не смее да биде сцена на бугарска пропаганда. Македонците во Пустец не смеат да бидат статисти во туѓа национална политика.

За жал, Македонците во Албанија денес се оставени сами. Недостасува јасна и одлучна реакција од албанските институции, кои дозволуваат ваквите активности да се одвиваат на територијата на Република Албанија.

МАЕИ ја повикува Владата на Република Албанија да не дозволува територијата на државата и нејзините институции да бидат инструментализирани за негирање на идентитетот на македонската заедница.

Истовремено, ја повикуваме Владата на Република Македонија конечно да ја сфати сериозноста на ситуацијата.

Додека Бугарија има јасна државна политика и целосен политички консензус за асимилација на Македонците во Албанија, Македонија нема ниту стратегија, ниту сериозна државна политика за заштита на македонската заедница во Албанија.

Затоа МАЕИ бара од македонските институции итно да изработат државна стратегија за заштита на Македонците во Албанија и да престанат прашањето на македонската заедница во Албанија да го третираат како партиско, наместо како национално прашање.

Македонците во Пустец не се Бугари. Пустец не е бугарски протекторат.

Нашето здравје не е алатка за асимилација.

Тагови: МАЕИ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Момче пронајдено во Беринговото Море: Пловело на превртен чамец речиси три дена (ВИДЕО)

15-годишно момче преживеа речиси три дена држејќи се за превртен чамец во Беринговото Море, додека неговиот брат и братучед починале.

Момче пронајдено во Беринговото Море: Пловело на превртен чамец речиси три дена (ВИДЕО)

Тој беше спасен од екипажот на рибарски брод во близина на островот Сент Лоренс, кој припаѓа на Алјаска и се наоѓа во Беринговото Море, недалеку од рускиот брег, пишува АП.

Тројцата млади мажи тргнале со брод во петокот од островот Сент Лоренс и требало да се вратат до недела наутро. Кога не се појавиле, нивното семејство ги пријавило како исчезнати во недела навечер.

Крајбрежната стража на САД започна потрага следниот ден со авиони и хеликоптери. Момчето на крајот беше пронајдено од екипажот на рибарскиот брод „Нортвест Експлорер“, додека сè уште беше на превртениот чамец. Властите не ги објавија имињата на тројцата млади мажи.

Еден од воздушните екипажи го забележа преживеаното момче на трупот на превртениот чамец во понеделник. Тие спуштија сплав за спасување и залихи за него, а потоа контактираа со блискиот рибарски брод, „Нортвест Експлорер“. Видеото од спасувањето го прикажува екипажот како фрла јаже кон момчето и го влече неговиот чамец сè додека не успеале да го подигнат на безбедно место.

„Неверојатно жилаво момче“

„Се држеше за тој чамец речиси три дена. Тој е неверојатно жилаво момче“, изјави капетанот на рибарскиот брод, Адам Вајт, за локалната телевизиска станица KTUU. Според извештајот на крајбрежната стража, момчето покажувало знаци на хипотермија кога пристигнало на бродот, а екипажот го стоплил со ќебиња и шишиња со топла вода.

„Иако трепереше од студ, можеше да каже дека неговиот брат е сè уште под чамецот“, рече Вајт. „Ноќта пред да пристигнеме, неговиот братучед едноставно се лизнал во водата“, додаде Вајт. Откако момчето беше спасено, беа пронајдени телата на неговиот брат и братучед.

Тагови: превртен чамец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски: Економскиот напредок на Македонија во фокусот на соработката со Фондацијата Конрад Аденауер

Би сакал да се заблагодарам на Фондацијата "Конрад Аденауер", за овој прекрасен настан којшто го имаме овие три дена со извршниот комитет на ВМРО-ДПМНЕ , членовите на Владата, министрите и замениците министри кои што се предложени од ВМРО-ДПМНЕ.

Николоски: Економскиот напредок на Македонија во фокусот на соработката со Фондацијата Конрад Аденауер

Ефективната комуникација е најзначајна за едно добро владеење, она што се наши политики да можеме добро да ги презентираме пред граѓаните, но истовремено да имаме една добра синергија и една добра комуникација помеѓу нас, помеѓу различните структури во партијата, Извршниот комитет, општинските комитети, Унијата на млади сили, Унијата на жени, и секако пратеничката група и Владата, како би можеле заеднички да ги креираме овие политики.

Би сакал да се заблагодарам на Кристијан Серак, којшто специјално дојде за овој настан, и за тоа што прави една прекрасна обука за сите нас, има доста да се научи и доста работи кои се иновативни.

Ова е начин на којшто ВМРО-ДПМНЕ се обидува да остане во една добра форма, во кондиција, ова покажува дека и тоа што сега сме на власт, ја водиме државата, не не одлепува од партијата, напротив посветуваме доста време и енергија на организација на партијата и ќе продолжиме тоа да го правиме во следниот период, а со цел економски напредок на Македонија, ефективно владеење на правото и повеќе успеси за државата.- објави вицепремиерот и министер за транспорт Александар Николоски.

Тагови: Александар Николоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер