Поранешната сопруга на Бил Гејтс за документите за Епштајн: Тоа беа болни времиња, сите мора да одговараат - Канал 5

Живот

Поранешната сопруга на Бил Гејтс за документите за Епштајн: Тоа беа болни времиња, сите мора да одговараат

Милијардерката филантропка и поранешна сопруга на Бил Гејтс, Мелинда Гејтс, изјави дека споменувањето на неговото име во новите досиеја поврзани со покојниот криминалец Џефри Епштајн ѝ вратило спомени од болните времиња во нејзиниот брак.

Поранешната сопруга на Бил Гејтс за документите за Епштајн: Тоа беа болни времиња, сите мора да одговараат

Таа рече дека е неверојатно тажна од обвинувањата против Епштајн и верува дека сите именувани во документите, вклучувајќи го и нејзиниот поранешен сопруг, мора да бидат повикани на одговорност.

„Многу сум среќна што сум подалеку од целата таа нечистотија“, рече Мелинда.

Двојката инаку се разведе во 2021 година по 27 години брак.

Документите објавени од Министерството за правда на САД го вклучуваат тврдењето на Епштајн дека Бил Гејтс се заразил со сексуално пренослива болест. Тој го нарече тврдењето „апсолутно апсурдно“.

„Овие тврдења, од докажан, незадоволен лажго, се апсолутно апсурдни и целосно лажни“, рече портпаролот на Гејтс за обвинувањата.

Гејтс не е обвинет за никакво кривично дело од страна на ниту една од жртвите на Епштајн, а фактот дека неговото име е во досиејата не имплицира никаква криминална активност.

Американските медиуми објавија дека Мелинда Гејтс била вознемирена поради врската на нејзиниот сопруг со Епштајн пред нивниот развод.

- Единственото нешто што го покажуваат овие документи е фрустрацијата на Епштајн што тој немал трајна врска со Гејтс и до каде бил спремен да оди за да ги намами во стапица и да ги клевети - изјави портпаролот на Бил Гејтс.

Инаку, во една од многуте новообјавени е-пораки, се наведува дека Бил Гејтс, еден од најбогатите луѓе во светот, основач и поранешен директор на „Мајкрософт“ и коосновач на Фондацијата „Бил и Мелинда Гејтс“, се заразил со сексуално пренослива болест откако спиел со млади Русинки, објавува британски „Телеграф“.

Гејтс одговори на овие тврдења нарекувајќи ги „апсолутно апсурдни и целосно лажни“.

Тагови: бил гејтс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер